ورشه للرانج روفر والبورش

[غالي]

:good: السلام عليكم ورحمة الله وبركاته

اخواني ارجو افادتي بالورش او ورشه واحده(( للرانج روفر وللبورش الكايين))
طبعا بالرياض وياحبئذ تكون بالشمال

ابي ناس مضبوطين وفاهمين والشغل ممتاز

ولكم مني اجمل التقدير والاحترام :good:

[شاص&نص]

بالنسبة الرنج ف فيه و رشه بالدرعية في محطة أنا ما أعرفهم لكن كل اللي عندهم رنجات
و وصفها و أنت متجه على الدائري الشمالي يجيك ملف طريق صلبوخ إدخل معه (متجه شمال) ثم خش مع اول مدخل للخدمه و أول محطة تجيك على اليمين تشوف الورشة فيها و مليانه رنجات
أخوك أبو عبدالكريم

[Magellan]

بالنسبة الرنج ف فيه و رشه بالدرعية في محطة أنا ما أعرفهم لكن كل اللي عندهم رنجات
و وصفها و أنت متجه على الدائري الشمالي يجيك ملف طريق صلبوخ إدخل معه (متجه شمال) ثم خش مع اول مدخل للخدمه و أول محطة تجيك على اليمين تشوف الورشة فيها و مليانه رنجات
أخوك أبو عبدالكريم


صح كلامك أبوعبدالكريم
أنا قبل فترة طلع صوت في رمانات بكرة السيور لموتري البليزر ،وأنا طالع لمخيمي وبالطريق صادفت المحطة ولفيت لمهم يوم شفت الرنجات إنحشت قلت شكلها بيضربني بالسعر ...
ماشاء الله كلها رنجات تقول معرض ودك الواحد يختله منهم وحيد
على العموم الوصف مضبوط والمحطة إسمها عنقاء السهول اول ماتمسك طريق صلبوخ خذ الخدمة وعلى طول بيمناك ووجهك شمال قبل كوبري الدرعية

[غالي]

اخوي شاص&ونص
اخوي ماجلان

لا عدمناكم وسلمت يمينكم

المحطه ذيك اعرفها
لكن لم اسمع احد بحياتي مدحها واغلب السيارات الي فيها رانجات قديمه
والي عند خوينا من الموديلات الجدد
لكن يقول كلما دخلته الوكاله مافيه غيرها جلس عندهم ايام ولياالي
لكن ابذكرها له واخليه يروح ويشوف

طيب البورش محد يعرف ورشه مخصصه له؟

يعني لازم الوكاله؟:(
تكفون ارجو الافاده عاجل لاهنتوا

[Magellan]

غالي أخبر عندك يوكن ..
علمنا وش صاير تسأل عن البورش:D
نصيحتي تدور بالتحلية وتمسك لك واحد من راعين هالمواتر الجخ ،،وأتوقع تحصل مطلوبك:p

[الستانس]

طيب البورش محد يعرف ورشه مخصصه له؟

يعني لازم الوكاله؟:(
تكفون ارجو الافاده عاجل لاهنتوا

نفس المحطه اللي وصفوها الشباب
قد مره شفت عندهم سيارات غريبه مثل : فراري /همرh1/رولز رايز ومن ها السيارات
أكيد أنهم يصلحون البورش مادامهم وصلو للروز

[غالي]

ههههههههه اخوي ماجلان
قدر الله علينا وشرينا كايين من احد اخواني :( نفس الي بالتوقيع

لكن الانوار بالطبلون مولعه الله يعين ههههههههههههههههه
لمبة ايرباق ، لمبة الفحمات ، لمبة الانوار ، غير اجراس الطبلون كل لحظه يبي صيانه (سيرفر ناو)

وابي ادخله اغير الي يتغير وافصل انوار الطبلون خلها توع والا تقعد :)
واليوكون للشغل ((معدل كل يوم سياره مصدومه بالعمل الله يصلح كبار السن ومراجعين الدوائر الحكوميه)) وطلعات خفافيه كشتات (( وجالس ادور جيب خفيف لو ازود عى قيمة اليوكون ))

مشكور اخوي الستانس بيض الله وجهك اجل هاليومين ابمر عليهم واشوف علومهم

ماقصرتوا بيض الله وجيهكم :)

[شبح الموت]

فيه بالصناعية القديمة ورشة رنجات

بعد تقاطع شارع الجمعية مع النعيرية مقابل محلات الرميزان والتقوى

عند ورش الاديترات ورشة اسمها التوازن كلها رنجات وزحمه عليه

بس مادري عن شغله للامانه

[غالي]

جعلك تسلم اخوي شبح الموت
والله يحييك حياتن طيبه يارب ويبعد عنك الموت :)

[سيف الظفير]

خلك على الوكيل

[القناص]

اذا تبي صيانة بورش وما تبي الوكالة لاي سبب

فعليك بورشة التركي Zf للبورش في الصناعية القديمة حول ورشة الجابري المشهورة.

شيك على الخاص عشان اعطيك تلفونهم.

[aziz2727]

كلام الجماعة عن الورشة صحيح
انا شايف عندهم رنج من المديلات الحديثة سبوت
خل خويك يمرهم ويشوف وش عندهم ومهوب لازم يصلح عندهم

[غالي]

بيض الله وجيهكم جميعا وجزاكم الله بالجنه ووالديكم