ضروري جداً

[ستنجر]

السلام عليكم ورحمة الله وبركاته
اخواني اعضاء مكشات معي جيب باترول 96 سوبر سفاري
الموتر شاريه من سنتين واروح واجي عليه بعيد وقريب مافيه شيء
لكن امس حدث فيه عطل وانا بخط طويل
حدث عطل مفاجي بالمكينه طلع صوت و بدون ما تولع لنبة الزيت
وقفت لقيت تهريب بجهة المكينة من اليسار
وديته لأقرب ورشة لي على سطحاء قالو بالبداية مكينته سليمة وبعد نص ساعه من الدوس عليه بدء يدخن دخان ازرق قالوا المكينه تحتاج توظيب
يالربع وش رايكم
هل اوظب مكينته (( ووين افضل ورشة توظيب بالرياض )) وكم بيكلف تقريباً ؟ وهل راح ترجع نفس شد البلد
لأني سمعت ان مكائن الجيوب لو وظبت ما ترجع نفس شد البلد لابد يكون فيها مشاكل مع الوقت

ام ادور لي مكينه مستعمله بالتشليح وكم اسعارهم (( بصراحه أنا متخوف من المكائن المستعمله يمكن يكون فيها شيء داخلي مو مبين ))
يالربع وش رايكم ابي شوركم اللي يبعد عنكم كل مكروه

[أبو فهد11]

بيفدونك الشباب إن شاء الله

لكن نصيحة أخو إذا جيت تشتري مكينه من التشليح

لابد من تغيير طرمبة المويه حقت المكينه لأنها دائماً تجيك مجيمه

ولا تدور المويه في المكينه وبعدين ترتفع عليك الحراره

[بيبسي]

اخوي انصحك لا تشتري مكينه .. لأنك بتاخذها وبيعطونك ضمان وبعد فتره بتلقاها تنقص او خبطت .. احسن شي وضب بقطع أصليه بورشه ممتازه أحسن لك وبيرجه أن شاء الله مثل أول ... بس السؤال هنا وش السبب اللي خلى المكينه تخبط