يا شباب بعت الهايلكس وأبي مشورتكم بالسوزوكي

[ذيب الزلفي]

نبي مشورة هل الطيب...لأنني قررت أشتري جيب ..
شفت الجيوب اللاند ما تنطال وسعرها فوق عال العال..
وكذلك النيسان ... سعره شوي مليان ..
والمستعمل زين ,, ولكني أخاف ولا أضمنه لبعدين..

دورت الجديد اللي يفيد وسعره زهيد وياباني به كل الحديد...

وطاحت عيني على جيب سوزوكي قراند فيتارا خمس أبواب 6 سلندر سعره بالوكالة بحدود85000 فل كامل ...

وش رايكم فيه ؟؟؟

نبي مشورتكم يالذيابة ...

[6670]

أخوي السياره مانسمع عليها خلاف بس فيه مشكلتين:
1- قطع الغيار الغاليه ولاتحصلها الابالوكاله.
2-نزول سعره عندالبيع بقوه.
ونصيحتي لك خذلك ربع تويوتا ولانيسان.
وتقبل مروري.

[ذيب الزلفي]

أخوي مشكور على النصيحة ..

بس ما عندي مشكلة بالنسبة للنقطة الثانية لأني ناوي أستعمل على طول..

وبالنسبة للربع تويوتا أو نيسان غالي والفل كامل يصل 110!!

وهذا ب85 وفل كامل
6 سلندر
مثبت سرعة

أوتوماتيك

وسي دي
إلخ ..

ما زلت محتار نبغى الردود يا أخوان...

[ذيب الزلفي]

تكفون مستعجل نبي مشورتكم...

[بواسامه]

كانك تطيع الشور
بتلقى بهالقيمه 2002 كروزر ورده
ولا سوبر سفاري 2004 ورده
خلك من مواتر الشركات
لا مركب ولا تمسك قيمتها

واياك والاستعجال

نصيحة اخو

[ذيب الزلفي]

الله يبارك فيك أخوي نصيحة من أخ عزيز...
وأشكر لك مرورك..

[كشَات]

قطع الغيار ماهب غاليه مثل مانسمع رح واسال بنفسك والموتر ماعليه مشاكل ابد والوكاله والصيانه ممتازه ورخيصه
ونصيحه ابعد عن المستعمل لانيسان(اللي وكيله الحمراني وانت بكرامه)
ولا تويوتا اللي اسعارهم نار واذا جيت تبيع بخسوك

[العبقري 1]

ما ذكرت تبغاه للبر أو سيارة شخصية ،، أقول للأولى ماينفع بحكم عكوسه تسوي مشاكل وأنا شاهدت ذلك ولكنني أقصد البر البر يعني كثرة التغاريز والرمال أما للثانية أقصد سيارة شخصية الموتر هذا مناسب جدا ..

[بن داود]

انا اذكر واحد من الاعضاء قبل فتره شاري سفاري جديد من المعارض قير عادي لونه فضي موديل 2008 ب 102 الف شامل اللوحه والتامين

لايفوتك زدها شوي وعندك سفاري

[Qosmio]

http://img296.imageshack.us/img296/8479/7094ha0.gif
http://vb.arabseyes.com/imgcache/63862.imgcache

::: سوزوكي قراند فيتارا طموح لاحدود لها :::
xl7 الي تجي 7 مقاعد

السلام عليكم ورحمة الله وبركاته

سوزوكي قراند فيتارا دعونا تعرف عليه اكثر واكثر من خلال هذا الموضوع
اكيد ان الاغلب منكم رأه في الشارع ولكن لايعرف ماحتويه من مواصفات قد يندهش البعض منها واليكم بعض المواصفات عن هذه التحفه من الشركه العملاقه سوزوكي حيث الاهتمام الكبير من ناحية الامان وسلامة الركاب
الـــمــــواصـــفات

نظام دخول عن طريق البصمه
ونظام تشغيل ذكي
6سلندر
سعة المحرك CC 3600
256حصان .... قوه جيده جدا
والمواصفات المجهولة التي لم اذكرها
وهذه صوره ال xl7 الي تجي 7 مقاعد
http://www.moheganlakemotors.com/xl7_top.jpg

لكن قبل أن تقدم على شرائه عليه بصلاة الاستخارة
صلاة الاستخارة
والله يقدر لك الخير إن شاء الله

[سنافي 00]

خلك في التويوتا والنيسان اريحلك من المشاكل صح انها غالية لكن ترتاااااااااح على طول

[بيبسي]

أخوي هالمبلغ يجيب لك برادو او فورتشينر سياحي افضل بالف مره او

[aooa]

ربع نيسان 2008 في حدود هذه القيمه

انا اشوف انه ابرك لك مركب ونظره وتحمل وقوه

وهذا رايي

[فتى الدهناء]

نيسان - اكستيرا ... جديد

وفقك الله

[مرسال الوسطى]

هج وانحش من شيء اسمه سوزوكي
انا معي واحد منها فيتارا باب واحد موديل 92 فل بهذلني بقطع غياره غاليه ولاتلقي الاعقب الشين وزود عل كذا غاليه صح انه ياباني وقوي بس عله زمان انصحك بالتويوتا لوغلا والنسيان سفاري الموديلات الجديده وبس وموفق

[كاشخ 24 ساعه]

والله تبي رايي

توكل على الله وخذه

السياره جميله وعمليه

ابرز عيوبه هي

1- دفع رباعي مستمر
2-مقاومة الرياح عاليه
3-غير مريح لذوي الابدان الضخمه


مميزاته
1-صناعه قويه ومتماسكه
2-مصمم للطرق الوعره والتضاريس القاسيه
3-مقصوره جميله
4-صرفية الوقود متدنيه
5-سعر شراء ممتاز

[alse7es]

ولله السياره مررررررررررررررررررررررررررررره عاجبتني بس مو الكبير عاجبني الصغير الباب واحد أيش رايكم شباب الشي المخوفني إنو دفع رباعي مستمر وأخاف أطلع في بر ويغرز ولا مايبيض الوجه مع إني ماني راعي بر على طول بس طلعات خفيفه والشي الثاني إنو 4 سلندر و 1600 سي سي
أيش رأيكم ياشباب

[شامخ ألهيلا]

اخوي 85 تجيب لك لاند وباترول شيووخ

او برادو او فورتشينر او اكستير طبعاً يتلقى مستعمل ونظيف حيل بس لا تستعجل وانا اخوك

[ذيب الزلفي]

أشكر الجميع وصراحة حيرتوني؟؟؟؟

[alse7es]

شباب ماحد رد على إستفساري

[ممتر البران]

يا ابن الحلال انحش اشر نيسان ربع سياحي ولا تاخذ فل مستخدم
ليش تضر نفسك عشان زود مواضفات تكملها بالغرابي بتراب الفلوس مثل
الجلد والجنوط والسي دي والمثبت والزنون كل شي تركبه بس اهم شي خذ جديد لاتاخذ مستخدم عشان يصير فل
جديد سياحي ولا فل مستخدم مجرد نصيحه انصح بها نفسي قبل لا انصح غيري
تحيتي لكم
ابو سعد

[راجح]

85000 واااااو
توقعته أنا بها الستينات !!!!!!
لا والله ما أحط هالقيمة بسوزوكي أبد مهما بلغت قوته وجودته ’’
القاعدة تقول ( الزين عارضن نفسه ) :)

[Hsawi]

انا عندي جراند فيتارا موديل 2005 فل
بالنسبة لاستخدامه داخل البلد ممتاز
واستخدامه للبر راائع جدا انا جبرته كثير
نسم الكفرات ودق الدبل ولا يردك أطلق طعس إذا كنت سواق
وبالنسبة للصيانة ممتازة جدا جدا
ولا فيه أي مشاكل ويكفيك إنه ياباني
100%:good2: :good:

[قطب 999]

السزوكي زين بس سعر البيع اذا بغيت دمار خللك مع الناس وال 85 تجيب لك شي ازين ربع مستخدم نظيف