خبراء التوانك ادخلو

[أبو مشعل]

http://www.mekshat.com/vb/../pix/upload02/images75/mk3105_car3.jpgالسلام عليكم

اخواني اريد اركب تانكي ماء بهذي السياره
واريد منكم اخواني المشوره و ين اركبه يكون مناسب و للمعلوميه
السياره جمس غماره ونص 2001
و دمتم واسف علي الاطاله

[سرهيد]

السلام عليكم

هي على حسب النوع طال عمرك

فيه استيل وفيه المنيون

شو طلبك

اذا انت من القصيم عندك عروق الشمال يركب انا مركبه للددسن الدفرسين المينوم طبعا

سؤالي

http://www.mekshat.com/pix/upload02/images75/mk40450_mk3105_car3.jpg

[ناصح]

أهم شيء يكون مصنوع من الألمنيوم

لا توهق عمرك مع الحديد أو الستانلس ستيل

الحديد يصدي كله والستانلس ستيل يصدي مكان اللحام ..

[أبو مشعل]

السلام عليكم

هي على حسب النوع طال عمرك

فيه استيل وفيه المنيون

شو طلبك

اذا انت من القصيم عندك عروق الشمال يركب انا مركبه للددسن الدفرسين المينوم طبعا

سؤالي

http://www.mekshat.com/pix/upload02/images75/mk40450_mk3105_car3.jpg


اخوي سرهيد الله يجزاك خير علي المرور
ابغي الزين الي ما يغير طعم الماء
اما الغطي هو جاء مع السياره من امريكاء
شكرااخي

[أبو مشعل]

أهم شيء يكون مصنوع من الألمنيوم

لا توهق عمرك مع الحديد أو الستانلس ستيل

الحديد يصدي كله والستانلس ستيل يصدي مكان اللحام ..



الله يرحم والديك يا خوي ناصح

تراني انا من الشرقيه بسرعه الحديد يصدي واذا كان الألمنيوم مايصدي
ان شاء الله يوم الثلاثا ببريده اسويه كان الله يسر

[سرهيد]

السلام عليكم

تبي ما عندي من خبرة

ركبت من زمان تانكي ستيل صغير ولكن للآسف ما سلمنا من التصدية ، نظفته ، وصلحته مرة ثانية وعود الصدأ يجي مرة ثانية .

اما الالمينوم من ركب نهاية الشتوة اللي زلت وهو زي الحلاوة والماء ما فيه اي طعم طال عمرك

طبعا واحد من الاخوان من اسبوع قال معلومة عن الالمنيوم انه يتصدع من اماكن اللحام ، ماني متأكد منها والا الآن ما شفتها .


تقبل احترامي

[أبو مشعل]

السلام عليكم ورحمة الله وبركاته


اخي سرهيد الساحات العربية جزاك الله خير وهذا عشمنا برجال مكشات

ان شاء الله ابي أتوكل علي الله وسوية اللاءمنيوم ..

بس سوائل وين أركبه بسياره

[الاحزان]

هلا بك اخوي عندك لك حلين واحد منهم يقول سو مثل ما سوا اخوك محمد حط لك جركن من السنيدي ورياه حنفيته وهوزه وكل شي والثاني يقول مثل ما سوا اخوك فهد اخو محمد انك تروح تركب تانكي ستل ستيل واقف ومعترض على الجام الخلفيه يعني يصير على قد وساع البدي وعاد انت تبيه نص متر ولا اكثر او اقل وتخليه وااقف يغطي نص الجام والخفي وتحط لك حنفيه ربع انش بالبدي وحنفيه نص انش او ثلاث ارباع انش تحت عند القزوز وتحاول الي يركبها لك خبير وعلى شان البنشر
او انك تخليها تحت عند الباب الي بجنب السايق وهذا مو مضمون كثر الي عند القزوز شكرا

[أبو مشعل]

هلا بك اخوي عندك لك حلين واحد منهم يقول سو مثل ما سوا اخوك محمد حط لك جركن من السنيدي ورياه حنفيته وهوزه وكل شي والثاني يقول مثل ما سوا اخوك فهد اخو محمد انك تروح تركب تانكي ستل ستيل واقف ومعترض على الجام الخلفيه يعني يصير على قد وساع البدي وعاد انت تبيه نص متر ولا اكثر او اقل وتخليه وااقف يغطي نص الجام والخفي وتحط لك حنفيه ربع انش بالبدي وحنفيه نص انش او ثلاث ارباع انش تحت عند القزوز وتحاول الي يركبها لك خبير وعلى شان البنشر
او انك تخليها تحت عند الباب الي بجنب السايق وهذا مو مضمون كثر الي عند القزوز شكرا

اخوي العزيز الاحزان ... الله يبعد عنك الأحزان وشكرا علي المشوره القيمه وهذا عشمنا برجال مكشات رحم الله والديك وادخلك الجنه

[إعصار]

خلف الغمارة مباشرة ..



وألمنيوم ممتاز ..


في الرياض ورشة سوافي .. شغل مظبوط ..

[سرهيد]

http://www.mekshat.com/pix/upload02/images75/mk40450_car3.jpg

ومثل ما قالوا الاخوان عندك سوافي وفيه المواهب في الرياض

اما القصيم فعندك عروق الشمال ومجموعة اخرى ما اعرفها لاني من الرياض

تقبل احترامي

[العاااازف]

ههههههههههههههههههههه اخوي سررهيد مشالله عليك
احساسي بعد فترة اشووف معاااك جمس غماارة ونص هههههههههههههه
الله يرزقك الجنة ..وقبلها جمس غمارة ونص ووكاله برايموس:)
اخوي ابومشعل مشالله الشباب ماقصروا بيض الله وجيههم
بس عندي استفسار بسيط...الصورة الي انت حاطه لموترك ولا لموتر مديل 99

[سرهيد]

ههههههههههههههههههههه اخوي سررهيد مشالله عليك
احساسي بعد فترة اشووف معاااك جمس غماارة ونص هههههههههههههه
الله يرزقك الجنة ..وقبلها جمس غمارة ونص ووكاله برايموس:)
اخوي ابومشعل مشالله الشباب ماقصروا بيض الله وجيههم
بس عندي استفسار بسيط...الصورة الي انت حاطه لموترك ولا لموتر مديل 99

السلام عليكم

اخو العازف

لا تعلم احد شكل عندك الحاسة السادسة ما شاء الله عليك

وش دراك ، والا شايفني اطامر عند اهل الجموس ، تبي الجد ، بديت افزفز للجمس ، بس ما بعد صملت مررررررررررررة .

بس اخاف اهل الشيصان يزعلون عليّ .

تقبل احترامي

[أ ب و ع ل ي]

أنا مركل حديد تقريبا له معي سنة ونصف ماتغير الماء لا لون ولا طعم

[نيشان نجد]

ان مركب المنيوم على الحوض ممتاز من نحيت الطعم وانه مايصدي لكن عيبه يتصدع من اماكن اللحام كل سنه تقريبا يهرب من عند الاحام مايتحمل حجمه 130الى 140 لتر واروح الحمه عند اليحيى ....وصف السوافي وين محله.....