افزعوووووو لأخوكم أبو هلا كمبيوتر الجيب قفل

[ابوووهلا]

افزعوا تكفون عندي جيب اوميغا اوبل موديل 98قصيت مفتاح عليه بدون برمجه وقفل الزفت الكمبيوتر وبعد البرمجه للمفتاح نفس المشكله مازالت موجوده وش الحل ارسلو الحل تكفون علما بأن الوكاله ماتورد هالنوعيه من السيارات ورفضوه يوم وديتها لهم على سطحه
السياره لها شهر في الرياض

[سعودأبوفهد]

كيف قفل الكمبيوتر وضح ذلك :confused:

[المميـز]

الله يعينك تدور فيه بالصناعيه وتركز على المحلات اللي عندهم كبميوتر

والمفروض ان الوكاله هي اللي تجيب البرنامج حقه من الشركه الأم

[ابوووهلا]

السياره تدق ولا تشتغل اليوم ذكر لي واحد من الزملاء محل ابو عبدالعزيز للمفاتيح وبرمجة الأوبل مقابل البريد على شارع جرير في الملز وربك يسهل

[شامخ ألهيلا]

اخوي عليك بالصناعيه هناك ورش متخصصه في الاوبل والفلكس ويجن
وعمالهم اتراك شياطين اوبل

ومولودين في شنطة اوبل

لي زميل معه اوبل 2002 اوميغا ويمدح في شغلهم وترهيمهم
في القطع لسيارات الاخرى وشغل الكهرباء حقهم

[ابوووهلا]

اخوي شامخ الهيلا مشكور على هالمعلومه الحلوه ولكن تكفى بأي صناعيه واذا قدرت وش اسم المحل

[شامخ ألهيلا]

اخوي بالصناعيه القديمه بالرياض الي يسمونها صناعية طريق الخرج

واسم الورشه والله ماعرفه
بس لادخلت الصناعيه اسال اي واحد من الاتراك والسورين عن ورشة الاوبل
وراح يدلونك ان شاء الله

[ابوووهلا]

مشكور أخوي شامخ الهيلا على مرورك




]http://up5.m5zn.com/photos/00138/0zirq60m4b46.jpg

[خلاوي3]

فيه طريقه قم بدق السلف مر ثم مر ثم مر تقريباً 3 أو 5 ثم يتبرمج ان شاء الله أكون قدأفتك

[ابوووهلا]

الظاهر اني بشب فيه أحسن ماشتغل

[Magellan]

الظاهر اني بشب فيه أحسن ماشتغل


الله يعينك خصوصا إن الوكيل الحصري الجميح تخلى عنها ، وهو موتر أعطاله أكثر من مشيه مع إنه ألماني، وأكثر مايخرب فيه حساس الكرنك، تقوم السيارة ماتشتغل أبداُ .....
الحل بتسقيط اللوحات وبيعه تشليح أو قطع قطع