دربيل وكميرا دجتل بنفس الوقت

[سمنان]

مساكم الله بالخير جميعاً

يوجد اعلان في جريدة الرياض اليوم الثلاثاء 30/12/2003م ..مكتوب فيه بالخط العريض
لهواة الصيد
دربيل وكميرا دجتل بنفس الوقت .. وحاط جوال ..
قمت اتصلت عليه
ورد علي واحد من الجنسية المصرية .. سألته عن السعر قال ..450 للحبة
والصناعة .. كوري .. سألته عن مواصفات الكميرا .. وبعض الأسئلة .. لكن يبدو ما عنده خلفيه جيده عن المنتج .. كل اللي قاله انه تقرب الى 250 متر !!!!

على العموم اتمنى من اللي عنده معلومات عن ها الدربيل ينورنا الله ينور عليه .

[العناء]

اخوي سمنان ممكن تحط رقم جواله ونشوف الصراحة العرض مغري اذا كان على مايقول كمرا ودربيل

ولك الشكر



العـــــــــــــــــــــــــــــناء

[سمنان]

اخوي العناء

هذا جوال المصري 053434097

وان حصلت على معلومات جديده ياليت تفيدنا

وشكرا

[صاروخ]

اخوي سمنان انا اتصلت عليه من يوم شفت الاعلان بالجريده لكنه قال لي المسافه 1500م
قلت ابي كميه قال ماعندي الا عشره الان

[عبدالله الصالح]

ممكن اخوي سمنان تكتب اسم المحل وين يقع.
اخوك القصمنجي..

[مجنونها@@]

هلا فيكم

http://shop.shrooq.com/elect/digital_binocular/d_binocular.jpg

هذا الي تتكلمون عنه


http://shop.shrooq.com/elect/digital_binocular/sample.jpg


http://shop.shrooq.com/elect/digital_binocular/d_binocular_spacifucation.jpg



السعر 350 طبعا اذا كنت بالسعوديه بيضاف عليك النقل


انا ترى ماشريته



:D :D :D

[ابورشيد]

انا شفت هالكميره في سوق الكمبيوتر في عمارة الصالحيه
وسعره قال لي البياع ب 500 ريال
لكن فيها عيب هو انك ماتصور القريب
وايضا مافيها شاشه
وان كاني مانيب واهم مافيها مكان تحط فيها شريحة ذاكره

[سمنان]

القصمنجي ..

المكان حسب ما يقول المصري انه بعد العربه للسيارات اللي في شارع التحلية تاخذ يمين وبعدين اول عمارة على اليسار .. واسمهم الظاهر كاني منيب غلطان .. دار التقنية ....والله ماني متأكد من الاسم بس هو" دار " حاجه ما اذكر وشي:D

مجنونها

الله يعطيك العافيه هذا الشغل.. صور ومواصفات .. مع ان اللي نزلت صورتها تختلف شي بسيط ..
لان في الاعلان يظهر ان حجم الكميره في الوسط اصغر شوي من اللي حطيت صورتها
تسلم اخوي :good:

[مجنونها@@]

العفو سمنان

[عبدالله الصالح]

الله يــــــــعافيك اخوي سمنان .
اخوك القصمنجي..

[ابو عناد2000]

حيا الله الشباب جميعا".........بصراحه من واقع خبرتي.....وخاصة بهذا النوع من الدرابيل.....انه غير عملي ابد......صح انه يقرب زي اي دربيل لكن الصور مهيب واضحه ابد وبعضها لك عليه مايطلع ابد.....ويخرن تقريبا 61 صورة.......ويااااااااااااما صورت وتوهقت كل الصور دماااااااااااااررررر....وبالنسبة لسعره مبالغ فيه......انا جايبه زميلي من امريكا ب49 دولار يعني 185 ريال.....وعلى فكرة تراه مايصور الا في حالة الضوء الشديد......يعني حول المغربيه انس......الصور كلها سوداء......وعموما" هذا موقع كاميرتي اللي اشتريتها
تفضل (http://www.meade.com/captureview/captureview.html)

[سمنان]

اخوي ابو عناد2000

عز الله انك كفيت ووفيت

مشكور .. والله يعطيك العافية

[Bo Rashed]

السلام عليكم ورحمة الله وبركاته

قبل اسبوعين تقريبا وجدت هذا النوع من الدرابيل في احد المحلات خارج المملكه وجذبتني خاصية التقريب والتصوير في نفس الوقت ولكن بعد المعاينه تبين لي ان الدربيل ذو جودة رديئه وغير عملي وهو مثل ما ذكر سعره تقريبا 45 دولار

فلا انصح بشراءه

بارك الله فيك اخي سمنان