من عنده خبره كافيه ياليت يفيدني

[جن جون]

السلام عليكم ورحمة الله وبركاته
كيفكم عساكم في خير انشاء الله والله يا شباب انا ناوي اشتري لي موتر ونصحوني بعض الشباب في اف جي
تويوتا ويقولون انه اقوى من الربع ومن الشاص وانا ما جبرته ولا لقيت حد يأجر لي علشان اجربه وابي اذا حد منكم جربه يفيدني الله لايهينكم وشلون مطبه في البر وشلون يطب مطبه قوي وشلونه في الرباظه وشلونه في الخرابات وهل صحيح ان قيره يطيح بعد فتره وهل فيه قير عايدي ولا بس توماتيك يعني ولا عليكم امر ابي كل للي تعرفونه عن ذي السياره ولكم تحياتي جن جون

[المميـز]

من ناحية القير انا اعرف واحد معه اف جي بس انه مايرحم الموتر

يعني يكرفه كرف تقول جايه ببلاش المهم وبعد شهرين من شريته للموتر طاح القير

وتم تصليحه على الضمان بالكواله

هذا اللي اقدر افيدك فيه بس اتوقع اللي يحافظ على الموتر ومايزر عليه واجد مايجيه شي

واخبر قيمته 120 الف ونصيحتي لك طق لك سفاري 1 بـ 120 الف قير عادي

[جن جون]

اخوي المميز الله لايهينك على الرد وبيض الله وجهك ومشكور يا غالي

[سعودأبوفهد]

والله ماعرف عن اف جي مثل ما قال المميز طق لك سفاري 2007 قير توماتيك وعادي ما توقف بالرمال نسم الكفرات ودبل حفيف وبس

[بيبسي]

انا مجربه الموتر ماعليه كلام .. واحسن من الربع والشاص من حيث الشكل والمركب والوسع .. والموتر توه نازل .. اما من ناحية القوه ماشاء الله

[جن جون]

اخوي سعود بو فهد الله لا يهينك على الرد ومكشور بس نبي تويوتا وبس

[جن جون]

اخوي بيبسي لاهنت يا غالي بس في بعض الموتر قويه في البر بس ما ودك انك تسوقه لانه يطب بقوه ومو مريح علشان كذا نزلت الموضوع ابي واحد مجربه في البر وعلى كل حال مشكور يا غالي وماقصرت

[4800VTC]

الموتر قوي انا معكم
بس مسألة انه اقوى من الربع و الشاص هذي كثرولنا منها وحطو عليه شطه
وش جابه ل ابو شنب واخوه الربع

[بيبسي]

أخوي الموتر قوه ومريح واتوماتيك وارسى من الربع بألف مره واووسع منه واحسن منه شكل ومقارب له بالسعر ةضمانه 100000كلم او 3 سنوات .. مافيه مقارنه مع الربع ابد اما بخصوص العزم هذا الرابط وتشوف

http://www.×××××××.com/watch?v=wDLh-mSZoyk حط بدال الاكسات يو تيوب .. او اكتب باليو تيوب اف جي مع كبسوله

[جن جون]

اخوي فتك الله لا يهينك على الرد بس هذا كلام الناس والله العالم اخوي بيبسي مشكور وما قصرت وبيض الله وجهك على المقطع

[ساري 111]

الموتر ماعليه منقود من جميع النواحي
مريح , راسي , ثابت , نشيط , مواصفاته زينه .. يستاهل سعره

بس عيبه مركبة نازل شوي وشكله أهبل

[مدمن فتك]

شف الموتر حلو وعصري ولايقربك الربع ولاالشاص لا ن الاف جي بر وديره وشكل بعد ولايجي الا توماتيك

[مجالس الرجال]

والله خذ من ذا النصيحه
اللي اشارو عليك بالباترل لانهم يعزون الباترول ومثلك عارف سالفة مكينة الباترول ومسامير الثلاجه على العموم خذ الاف جي ولا تتردد لانه معي حتى مشى 31 الف وانا اذا مسكت خط غشيم واذا دخلت نفود اعطيه النار ولا شفت منه شي ولا عندك هم للحراره مثل النيسان الغثيث ومواصفلته جدا محترمه على قيمته

[جن جون]

بيض الله وجيهكم على الرود ومشكورين ما قصرتم بس يقولون ان الدبل يفصل اذا شديت عليه والشي الثاني قيره يطيح

[بيبسي]

بيض الله وجيهكم على الرود ومشكورين ما قصرتم بس يقولون ان الدبل يفصل اذا شديت عليه والشي الثاني قيره يطيح


بخصوص الدبل لا مايفصل ولاشي يمكن انت تقصد مانع الانزلاق ... بصراحه انا ماسمعت عن هالشي ..

أما بخصوص القير يطيح هذي صعبه شوي .. الا اذا تجر عليه وتلعن خامسه هذا شي ثاني لو معك حصاة انكسرت

[جن جون]

اخوي ببسي مشكور على اهتمامك في الموضوع بس القير طاح عند واحد وشفته واقف عند مركز الصيانه في تويوتا جديد مامشى 5000 كيو تقريباً
وسألت المهندس قال خلل من المصنع وبنسبه للقير واحد من الشباب يقول انه ساحب سوبر بان مغرز حده وشوي ويفصل الدبل وجلس يقارب خمس دقايق وبعدها شبك ولك تحياتي يا غالي جن جون

[قرقاص888]

السلام عليكم الصراحه الموتر مادري عنه ماجربته ولا شيء
بس الصراحهه اشوف كل من شراه باعه
والموتر شكله مااعجبني حق خكاريا
آسف على التعبير وهذا رأي شخصي
والناس اذواق
وتقبل مروري

[خشيمان]

الموتر ماعليه منقود من جميع النواحي
مريح , راسي , ثابت , نشيط , مواصفاته زينه .. يستاهل سعره

بس عيبه مركبة نازل شوي وشكله أهبل

أوافقك الرأي :good::good::good:
وفيه ميزة حلوه اللي هي (مانع الانزلاق)
اول ما جربته قلت وش التخلف هذا ولكن مع التجربة توضح لي انه نظام مجنون
دخلت فيه نفود قشرى والهوى على 30 ولاحظت انه ما يغرز اذا حفر يطلع نفسه (كفر يشبك وكفر يفصل حتى يطلع)
ولكن فيه شيئ متخلف جدا جدا
وهو عدم وضوح الرؤية (المناطق العمياء فيه كثيرة) بغيت اصدم فيه كم مره ..
وعزمه طيارة وانا اراهن ان مكينته اقوى من مكينة الربع بس انه ثقيل

اتمنى اني افدتك
اخوك\خشيمان

[جن جون]

الله يبيض وجيهكم على الردود وعلى النصايح وبنسبه للمكينه هي مكينه لاند كروزر 2008 ست سرندل ولكم تحياتي جن جون