اسئلة للاستخدام السيارة الجديدة

[Ibrahim.O]

السلام عليكم

حبيت آخذ خبرتكم وتجاربكم في السيارة الجديدة

هل اشغل المكيف في اول 1000 كيلو اول لا ؟

كم السرعة المحدده ؟

ما الضرر من السفر فيها او بالعامية مسك خط حول 100 كيلو روحة ورجعة

لأنه ودي امشيها ألف بسرعة

[جمعان 22]

ايه يا ابن الحلال شغل المكيف ...اجل بتمشي 1000 كيلو شهر 7 دون تكييف ؟

وسافر ولا عليك

بس لا تتعدى ال 100 ... وسمعت ان السيارات الجديدة تقدر تسرع فيها لكن ماني متأكد

وبدل زيتها بعد ال 1000 وانتهى :)

[ساري 111]

شغل المكيف
وخل سواقتك راكده يعني ضغط المكينه لايتعدى 3
حتى تتعدى 500 كيلو
وبعده خذ راحك
وماعليك إلا العافيه

[Ibrahim.O]

يعيطكم العافية ياشباب

بخصوص المكيف مايهم الجو حر ولالا اهم شيء الضرر على الموتر ؟؟ ومافيه مشكله نطلع في الليل لين برد الجو شوي

وعندي سؤال آخر بخصوص الدبل

ما ادري ينفع اشبكه وادخل به النفود ولو على خفيف وهو مامشى ال 1000 ؟؟

[Ibrahim.O]

للرفع

ارجو المساعده بخصوص الدبل

[dugaish]

ياخوي شغل كل شي عادي هو ماطلعه لك من الوكاله الا وهو في اقصى حدود الجاهزيه وبعدين لازم تاخذ حقك من السياره وهي ع الضمان تخيل انك تباصربها وتمشيها بشويش واذا انتهى ضمانك بدت تطلع عيوبها انا من الناس الي يكرف الموتر من عند باب الوكاله ولا عمر اي سياره اشتكت والي يطلع فيه شي رجعه للوكيل ويصلحه لك والغالب ان المحركات مايطلع فيها شي ابد توكل على الله والله يهنيك بموترك وتكسره بالعافيه

[شامخ ألهيلا]

اخوي لاتشغل الدبل الثقييل في حال تمرين السياره

والسرعه امش عليها ولاتدعس كثير ولاتخلي سرعتك محدد مثل انك تمشي 100 لابد انك تنقص السرعه شوي وتزود واذا تعديت 500 الى 600 زد في سرعات السياره على قليل

المكيف شغله عادي وانا اخوك من بعد 100 كيلو

اما الدبل الثقيل من بعد 1000 كيلو

وارجع لكتلوج السياره وراح تلقى هالمعلوامات فيه

[جساس1]

ياخوي شغل كل شي عادي هو ماطلعه لك من الوكاله الا وهو في اقصى حدود الجاهزيه وبعدين لازم تاخذ حقك من السياره وهي ع الضمان تخيل انك تباصربها وتمشيها بشويش واذا انتهى ضمانك بدت تطلع عيوبها انا من الناس الي يكرف الموتر من عند باب الوكاله ولا عمر اي سياره اشتكت والي يطلع فيه شي رجعه للوكيل ويصلحه لك والغالب ان المحركات مايطلع فيها شي ابد توكل على الله والله يهنيك بموترك وتكسره بالعافيه



انا مطلع سيارة من الوكاله قبل 15 سنة ومن باب الوكالة على الخط السريع مسافر امشي ( 140 كم ) والحمد لله إلى الان السيارة ما بها خلاف
السيارة ما تطلع من المصنع الا وهي جاهزة

[زاهد99]

اقول خل عنك الكلام

حسب نوع السيارة منها تقدر تمشي الى 160 مع المكيف مثل ال بي ام ومنها ما تتجاوز ال 100 وبدون المكيف

اقراء التعليمات في الكاتلوج افضل لك او اسئل الوكيل

شكراً

[ناصح]

اقول خل عنك الكلام

حسب نوع السيارة منها تقدر تمشي الى 160 مع المكيف مثل ال بي ام ومنها ما تتجاوز ال 100 وبدون المكيف

اقراء التعليمات في الكاتلوج افضل لك او اسئل الوكيل

شكراً


هذا الكلام السليم

كل سيارة لها طريقة تختلف نوعا ما عن السيارات الآخرى

ولا داعي أن تسأل لأن ( كتيب التعليمات ) الكاتالوج بين يديك وهو الفصل في هذا الموضوع..

وليس صحيح أن السيارات تأتي في كامل الجاهزية للعمل على الطرقات فهي تحتاج فترة تليين تختلف حسب السيارة والمحرك ..

لذا أنصحك بشدة
أن تأخذ المعلومة الصحيحة في ذلك
من صانع السيارة وتجده في كتيب التعليمات ..

[ذيب صعافيق]

اقول خل عنك الكلام

حسب نوع السيارة منها تقدر تمشي الى 160 مع المكيف مثل ال بي ام ومنها ما تتجاوز ال 100 وبدون المكيف

اقراء التعليمات في الكاتلوج افضل لك او اسئل الوكيل

شكراً
هذا الكلام اللي يذبل على الشارب 00أقراء الكتلوج00ففيه 1000 فائدة:type:

[عاشق السيل]

من ناحية المكيف شغل ولايهمك أحد ،،

ومن ناحية السرعة حط رجلك ولايهمك أحد بس لاتضغط على المكينة واجد يعني لاتتعدى 3 ،،

ومن ناحية الدبل والطعوس ادخل وانبسط ولايهمك أحد بس لاتنس تنسم الكفرات علشان ماتزر الموتر ،، والدبل لابد إنه يشتغل كل فترة علشان يتمرن ويصير سهل الاستخدام مع مرور الوقت ،،

وألف مبروك عسى الله يطعمك من خيرها ويكفيك شرها ،،،،

على فكرة ماقلت وشي سيارتك المبروكة يمكن عندنا لك زود نصايح !!!!

[سيف الظفير]

سافر وشغل المكيف ولا تتعدى 120 ولا تشغل الدبل الثقيل اذا الموتر دبل


وماعلك الا العافية

[Ibrahim.O]

والله لخبطتوني ههههههههه

المهم الموتر باستلمه بعد يومين وبأقرأ الكاتلوج

بس اللي فهمته منكم ان الميكف مامنه مشكله ......و السرعة لاتتعدى ال 100 والضغط لايوصل 3

والدبل ما لنا الا نصبر الى ال 1000

والموتر اخوي عاشق السيل هو جمس سييرا غمارة وحده

[عاشق السيل]

جمس سييرا والله ماأعرف شكلها لكن لدامها اختيارك أكيد إنها ممتازة وتستاهل فلوسك !!!

عساها داخلة عليك بالعفو والعافية وعقبال 20 سنة بدون مشاكل ،،،،،

[Magellan]

مبرووووك يالهامور إبراهيم على الموتر
والله يعطيك خيره ويكفيك شره
http://www.cardata.com/images/2008_new_cars/GMC/2008_GMC_Sierra_3500.bmp

[speed 557]

اسلل الوكله

[Ibrahim.O]

عاشق السيل : الموتر هو جمس حوض او جمس صحن على قولتهم

ماجلان : الله يبارك فيك ويشرفني مرورك يالغالي والصوةر الي حطيتها روووووعة والله يرزقنا بجنوط 20

سبيد : ان شاء الله

[القبقب]

فعلا كل سيارة تختلف عن الاخرى خلال فترة التليين والتمرين
فمثلا اللاند موديل 2006 وصتني الوكالة بأن لاأزيد السرعة عن 100 والتشييك الاول بعد 1500 كيلو.
والباجيرو 2008 وصتني الوكالة بان لاازيد السرعة عن 80 والتشييك الاول بعد 1000 كيلومتر.
وعندما أستفسرت عن سبب عدم تجاوز السرعة 80 كان الجواب بأن الزيت الموجود في بطن
المحرك هو من النوع الخفيف خاص بفترة التليين وعندما سالت عن السفر خلال فترة التليين
فكانت النصيحة تأجيل السفر لغاية أنتهاء التشييك الاول .

[فارس العمور]

الف مبروك

انا قراءت الكتلوج لسيارتي والزبده :

1- حاول ماتمشي مسافات طويله بسرعة ثابته
2- لاتضغط على الموتر كثير (لاتتعدى 3) بالكثير لاتزيد عن 120
3- غير الزيت بعد 1000 كلم لان المكينة فيها بقايا رايش (لاتنسى السيفووووووووون)
4- لاتضغط بريك بقوووه او بشكل مفاجئ

الكلام هذا مكتوب في كتلوج نيسان باثفندر 2008
وتستمر هذه التعليمات حتى تنتهي من 2000 كلم وليس 1000 <<< من الكتلوج

وبالتوفيق