اهل الأخبر بالهايلوكس الدفع الرباعي يتفضل مشكورا

[الفوار2008]

السلام عليكم ورحمة الله وبركاته
اخواني الأعضاء حياكم الله
انا من مده طاري على طواري اشري هايلوكس دفع رباعي غمارتين GL 2008
ولكن ماخاب من استشار وحنا بعد المعلومات منكم نبي نستخير
ابي الله يسلمكم مقناصكم به هل يكفي مثل الجيب
عيوبه من الخربات الدائمه
الدبل كيف هل هو قير والا زرار
عزمه وقوته
مطبه قوي والا خفيف
ولاهنتوا مقدما

[الفوار2008]

السلام عليكم ورحمة الله وبركاته
ادري بني عجلت عليكم لكن الله لا يهينكم مستعجل وابغى نصيحتكم

[شاص1988]

شف ياالفوار اسال عن السرزو 2008 تراها مهب صاحيه تمشي في البر وترى 2008 تغير تغير كامل من ناحية الخرات صار معد فيه خرابت وترى مكينته قويه مكينته 3000 سي سي هذ غير التيربوين وشكله من داخل كشخ وفخم هذ افخم شي ام استندر مكينته مهب شي2500ولفيه تيربو ولي يقولك ان فيه خرابات هاذ ماعنده سالفه ان قالولي انه فيه خرابات ومن شريته ولا خراب ال هلحين وهاذهي له عندي6 اشهر ولا قالت شي مشاءلله مع اني اجو ولا قالة اح لا وبشرك طلعن عليه المقناص هسنه مده اسبوعين ومع اني كاسر ضهره من الحمل وتمشي مشاءلله عليه

[مخاوي الكشات]

شف ياالفوار اسال عن السرزو 2008 تراها مهب صاحيه تمشي في البر وترى 2008 تغير تغير كامل من ناحية الخرات صار معد فيه خرابت وترى مكينته قويه مكينته 3000 سي سي هذ غير التيربوين وشكله من داخل كشخ وفخم هذ افخم شي ام استندر مكينته مهب شي2500ولفيه تيربو ولي يقولك ان فيه خرابات هاذ ماعنده سالفه ان قالولي انه فيه خرابات ومن شريته ولا خراب ال هلحين وهاذهي له عندي6 اشهر ولا قالت شي مشاءلله مع اني اجو ولا قالة اح لا وبشرك طلعن عليه المقناص هسنه مده اسبوعين ومع اني كاسر ضهره من الحمل وتمشي مشاءلله عليه

أشهد أنك صادق جدي الله يطول عمره راعي مطاريش وبران ونفود وشعبان وماخلا مكان في الجنوب ماراح له معه سوزو الشكل القديم اللي مكينتها 2800 ولا عن جدفها طبعاً دبل وهو من النوع اللي مايرحم الموتر في البر نهائيا لدرجة أنه يذب قلبه إذا راح البر >>>>> لأنه يصير متهور لأبعد درجة ومن يذهبون معه إما أن يأتيهم تبلد إحساس لكثرة تهوره أو يأتيهم عقدة نفسية فيصبحون أخوف ناس على مستوى الكرة الأرضية هاهاهاههاا والدليل الوالدة مهبل فيها جدي يوم أنها صغيرة وتسافر معه وأخواتها تقول إنه ينزل مع جبل تهامة مدري يوقف على حافته .. حتى هو يقوله يقول أن اللي مايموت قلبه في النفود والبر والشعبان والوديان هو اللي يروح فيها ..
وماشاء الله عليها تمشي على أحلا مايكون .. ولا يدخلها الوكالة نهائياً لأانه مايواطن الوكالات ويعتقد أنهم نصابين ..

[مخاوي الكشات]

أخوي أنا وأعوذ بالله من كلمة أنا لي خبرة في الهليات وبالذات الدفرنسين شف ياطويل العمر الموتر جيد وهو أخف من السوزو بلا شك.... وأقوى وأحسن من الددسن وأفخم .. الموتر وسيع مريح قياساً بالددسن والـ 2008 شكله رووعه وجنوطه حلوة والوكالة رافعه 2008 يعني شاقله الموتر من وار عكس 2006 و2007 وهذي لاحظتها .. لكن سرعها غالي قياساً على مكينتها يعني هل من المعقول أدفع 85 أو 84 أو أكثر على 4 سلندر فكر فيها .. الموتر فيه سر وهو في كل المواتر لكن فيه بالذات علشان بعدين يصير ممتاز معك إلي هو تمرين الموتر لازم تمرنه بعد الألف كيلو تمرين شديد يعني سافر به أقطع مسافات واجد حاول تسرع به حاول تسرع بع إلين يفصل ..بحيث أنه يمرن .. الموتر عزمه جيد ولكن مرنه وبيطلع اكثر من ممتاز .. كفرات الوكالة رغم قساوتها إلا أن الموتر ممتاز عليها .. في النهاية الموتر جيد ولكن مايستاهل سعره ... وممشاه في النفود ممتاز ولكن مرنه وهذه المرة العاشرة اللي أقول فيها مرنه ... لأن أهم شيء التمرين .. وكذلك الجنوط لها دور فمثلاً ممكن بجنوط البلد تنسم على 10 وبالجي تي تنسم على 15 أو 20 لخفتها ..طبعا الجي تي أم 8 انش .. الموتر يتحمل القسوة والتحميل .. لكن مع دخولك للنفود وغيره راح تسمع فيه صوت السست بشكل واضح جداً وذلك بسبب أن السست يصير لها شيء مع التراب والمطامر ومع الرمل وغيره هذه الملاحظة اللي شفتها فيه .. وكذلك انا أنصحك بأنه حق عبداللطيف المفتاح مايجي شد بلد للفل بل هم يعطونك مفتاح مع ريموتين أي كلام والمصيبة إنك إذا سكرت الباب بالريموت مايفتح إلا به ولو فتحت الباب بالمفتاح وأنت مسكره بالريموت يدلي الموتر يصفر ويطلع إندذار السرقة ولا يطفى إلا إذا فتحت الموتر بالريموت أو سكرته وهذي صارت لأحد الاخوة سكر موتره بالريموت وبعد الصلاة خرب الريموت أو عفواً بطاريته خربت فلما فتحه بالمفتاح صار الإحراج والإزعاج على العموم هم يعطونك ريموتين وأنا أنصحك بالخليجي لأانه مفتاحه للفل شد بلد يعني مفتاح وريموت في نفس الوقت ..

وأعذرني على الإطالة ولولا الفائدة ماطولنا .. وترا الموتر مايقارن بالدفرنس لأنه ثقيل بالحيل مقارنة بالدفرنس .. وشكراً ..

[خشيمان]

والله انا اقول ابعد عنه
بقره يالله يمشي وقاسي وغالي
وش الله حادك فيه جيوب بحول سعره