المساعد الشخصي الرقمي

مشاهدة النسخة كاملة : جمس سوبربان 91 454


فانوس
30/12/2003, 11:45 PM
السلام عليكم ورحمة الله وبركاته

وش راي الشباب بالجمس السوبربان لطلعات البر يعني ما في تطيعيس تمشي
وفلة احجاج
ابغى رايكم وبعدها اخبركم بتجربتي معه

والسلام ختام
Bader-M
02/01/2004, 01:02 PM
والله
الجمس موتر
ووسيع
ولكن
الله يعينك على البنزين
وخاصه اذا كان 454
.......
تقبل تحياتي
فانوس
02/01/2004, 11:16 PM
السلام عليكم ورحمة الله وبركاته

شكرا على مرورك وردك على الموضوع

الجمس عندي أفضل من الجيب عموما
حتى لو انه مهو بدبل

لانه يتحمل اكثر من ناحية الخطوط البريه و أريح بالمطبات

وعيبه انه ثقل اذا دخلت فيه رمل الله يعنيك على تنسيم الكفرات

أما البنزين كلها تصرف البنزين سوي السفاري او الاندكروزر وش فرق 10 ريال

طلعنا للبر لمدة يومين مع الزملاء وكان معنا جمس وسفاري

صاحب السفاري لما ساق السوبر مع البر والمطبات غير رايه وقال خلاص الجيوب مطلقها بالثلاث

من بكره جالبه للحراج

وكل يدلي بدلوه

وتحياتي لأخ طاير
أبو ناصر
04/01/2004, 02:05 PM
السلام عليكم ورحمة الله وبركاته
بالنسبة للجمس 91 أقولها بصراحة تراه فله مهوب صاح مع واحد من الربع جمس 91 دبل مكينته 350 بخاخ ومركب كفرات شاهين ومفكك الشكمانات ماحلفتني إنه يلعب لعب مهوب صاحي في الرمل الفنجال راقيه من مرة واحدة وطعس القصمان والهرم الصغير ماشاء الله عليه الرجال سواق

ملاحظة ( تراي راكب معه )
وشكرا

:p
عنبري تمير
04/01/2004, 11:20 PM
الجمس ثقيل يغرز بسهوله ويصعب اخراجه

الزين ولله الربع هو الي فلة حجاج من جد
abos3d
05/01/2004, 07:15 PM
أخوي توكل على الله واشتره انا كان معي 454 دبل موديل 93 و كفراته شاهين وقسم بالله اني ناوي اشتري بودي جديد واحط المكينه عليه لان ما ودي افرط فيها وهو لحد الحين في البيت موقفه وقسم بالله العظيم اني ساحب به دينا الي يجي فيها رافعه حقت الحديد وجوا رمل موب طبيعي
فـ(الجـوف)ـتى
09/01/2004, 01:32 AM
والله انه عز لاتفرط فيه 0
فانوس
09/01/2004, 08:51 PM
شكرا ردودكم ومروركم على الموضوع
بالنسبه للجمس سوى سوبر او حوض ما عليه كلام
وخصوصا مع الخطوط البريه ويكون مدبل مساعدات ولا تحس بالمطبات مثل بعض السيارات
اما فهو ثقيل لك عليه ولكن يغرز بسرعه يعتمد على السواق لان الرمل فيها طرق لتفاديها
عموما انا مره غرزت وطلع الموتر من التغريز بعد تنزيل هواء الكفرات وطلع بسهوله
ولكن الجمس عندي افضل من الجيب نيسان او تويوتا من كل ناحيه وخاصه انه وسيع يشيل كشك
وترقد فيه اذا الجو بارد او مطرحتى لو كنتم اربعه اشخاص

ولكم منى التحيه والاحترام والتقدير