ثقل باليوكن

[khalid123456]

السلام عليكم

عندي مشكله باليوكن 2002 بدون دبل ممشى السياره في البدايه مافيه اي مشكله بمكيف او بدون لكن ماالبث ان اقطع مشوار طويل في داخل المدينه او خارجها واوقف السياره امام اشاره او في اي مكان واريد ان اتحرك مره اخرى ابدأ احس بثقل السياره والاحظ عليها انها ماتغير النمر الا بصعوبه مع ارتفاع صوت المحرك.

قمت بتغيير بعض الاشياء مثل ك:

فلتر القير

فلتر البنزين

البواجي

مع تنظيف البخاخ

[عاشق z71]

هذا طبيعي جدا خاصه بالجموس

انا معي هالمشكله يجميع الحموس الي شريتها يكون 95 ويكون 98 وجمس حوظ موديل 2000 الي هو معي الحين


وهذا سببه هو ارتفاع حرارة المحرك

والحل الوحيد لها انك تركب مراوح كهرب مراوح ماتكون مشبوكه مع سير المكينه الحالي


وانشالله بتروح الحراره وبيقل الصوت بشكل خيالي


تقبل مروري


علما انك لو تلاحظ ان باليل نادرا مايطلع هذا الصوت

[الشدوخي]

اتوقع والله أعلم أنك تفحصه بالكمبيوتر عند ورشه معروفه .. لأن نفس مشكلتك كانت تصير معي في سيارة كابريس موديل 89 / أول نوع من الكوابرس يجي بخاخ / وبعد ما خسرت عليه مبلغ محترم طلع السالفه كلها كم حساس كهرب تم تغيرها وصار يسابق الريح .. وللعلم أنا فحصته عند ورشة المشعل الي موجوده الحين عند القوات الجوية في محطة البنزين الي مقابله القوات الجوية الملكية السعودية من جهة الشرق . والله أعلم . أخوك أبو نايف .

[Magellan]

مروحة المكينة هي التي تثقل الموتر
والسيارات على عمومها تكون ثقيله ، وعاشق Z71 جابها صح بالملي
بس الله يعين ويروح الصيف