مساعدات صفراء

[سحابه]

السلام عليكم ورحمة الله وبركاته
ياجماعة انا اشوف على الباثفايندرات والسفاريات
مساعدات لونها اصفر
1/ ماهي ؟
2/ ويش رأيك فيها ؟
3/ تنصح فيها أو ماهو البديل المناسب في نظرك ؟
بارك الله في الجميع

[خشيمان]

هذي مساعدات استرالية...
واتمنى يفيدونك الشباب لاني لم اجربها

[سديراوي..]

أنا معي باترول فتك 2002 ومركبها وأحسن من مساعدات الوكالة

[dugaish]

هذي مساعدات اسمها مونرو الظاهر انها استراليه وهي مساعدات غاز انا مركبها على هايلكس ماشاء الله ماعليها كلام روعه

[أبو فهد11]

أخوي سحابه خلك على مساعدات الوكاله أحسن لك

وتراها مريحه جداً وتتحمل اكثر من هذه المساعدات

بس ركب يايات الرمايه ( الاستراليه ) في الخلف

ويطلع الموتر مريح أكثر

وترى أنا أقولها من ناحيه تجربه وأنا توني مركب حقت الوكاله

[سحابه]

خشيمان سديراوي (اخوي الي اسمه بالانجليزي) ابو فهد11
ماقصرتوا اخواني بيض الله وجيهكم

[مخاوي الكشات]

أخوي سحابه خلك على مساعدات الوكاله أحسن لك

وتراها مريحه جداً وتتحمل اكثر من هذه المساعدات

بس ركب يايات الرمايه ( الاستراليه ) في الخلف

ويطلع الموتر مريح أكثر

وترى أنا أقولها من ناحيه تجربه وأنا توني مركب حقت الوكاله

هاهاهاهاهاهاهاها إن كان الأسترالية ماتتحمل أجل من يتحمل هاهاهاهاها هذي يا أخوي تشيل تريلة مهوب بس جيب

[أبو فهد11]

هاهاهاهاهاهاهاها إن كان الأسترالية ماتتحمل أجل من يتحمل هاهاهاهاها هذي يا أخوي تشيل تريلة مهوب بس جيب

أخي العزيز مخاوي الكشات

أنا اتكلم من تجربه وليس هرج فاضي

وواحد من الزملاء مركب مساعدات استراليه وتفقعت عليه ثم غيرها وتفقعت عليه

ويقولي ما فيه أحسن من الوكاله ونصحني أني أركب الوكاله لأني كنت مركب نوع ثاني

وصدق وركبت الوكاله وطلع أريح وأفضل وهذه وجهة نظر

[ابوقاسم]

هذي ماركة استرالية معروف عنها قوة التحمل وتصنع خصيصا للطرق الوعرة
اما المونرو فهي ماركة امريكية وهي من المساعدات القوية في التحمل وقد تمت تجربتها وهي تصلح للطرق الوعرة وداخل المدينة واقل تحملا من الاسترالية واكثر تحملا من الاصلية
ارجو ان اكون قد افدتك وعذرا على الاطالة

[سنافي 00]

طيب ياجماعة تركب على الددسن - وهل تنصحون اني اركبها - وكم سعرها
الله لايهينكم....

[مدهوش]

نصيحة من مجرب أضرب خريمة عنها تراها تشطب الموتر مع كثر الإستعمال حتى لو انك مركب بالون

[مخاوي الكشات]

أخي العزيز مخاوي الكشات

أنا اتكلم من تجربه وليس هرج فاضي

وواحد من الزملاء مركب مساعدات استراليه وتفقعت عليه ثم غيرها وتفقعت عليه

ويقولي ما فيه أحسن من الوكاله ونصحني أني أركب الوكاله لأني كنت مركب نوع ثاني

وصدق وركبت الوكاله وطلع أريح وأفضل وهذه وجهة نظر

غريبة أنت متأكد من أنها الصفرا الأسترالية اللي تباع في الرماية والله أنا إن شاء الله إني مصدقك لكن يمكنها نوعية ثانية غريبة شكل خويك مجرم شكله يطب من الحبله هاهااهاه >> تراني أمزح .. أنا ما جربتها ولكن أعرف ناس مركبينها يقولون ما فيه أزين منها في التحمل الهبال والمطامر ..!!!

أتمنى متابعة النقاش حتى نصل لفائدة لأنها غريبة جداً تتفقع مرتين !!!!!!!

[خشيمان]

أنا عن نفسي ما اؤيد المساعدات الخلفية ..
الأمامية صح تحتاج تغيرها خاصة اذا بغيت تراقي عشان ما يلعب وجه الموتر
أما الخلفية تقسي الموتر على غير سنع <<< وجهة نظر
وننتظر رأي الاخوان

[أبو فهد11]

غريبة أنت متأكد من أنها الصفرا الأسترالية اللي تباع في الرماية والله أنا إن شاء الله إني مصدقك لكن يمكنها نوعية ثانية غريبة شكل خويك مجرم شكله يطب من الحبله هاهااهاه >> تراني أمزح .. أنا ما جربتها ولكن أعرف ناس مركبينها يقولون ما فيه أزين منها في التحمل الهبال والمطامر ..!!!

أتمنى متابعة النقاش حتى نصل لفائدة لأنها غريبة جداً تتفقع مرتين !!!!!!!

أخوي الغالي مخاوي الكشات أنا وخويي شارينها من محل الرمايه لموتره باث فندر

كان سعر المساعد الامامي الواحد 700 وكسور والخلفي كان بــ 395 ريال بس الظاهر الحين ارتفعت اسعارها

وهو رجال راعي مطامر وسرعه في البر ما تقل عن 120 ك حتى بالخصوص المساعدات

الأماميه ما ينصح بتغييرها لأنها تفقعت عليه مرتين ونفس النوعيه وكذالك لا ينصح بتركيب يايات الرمايه

أمام لأنها مع المطامر والدبج تطلع عليك الرفرف من مكانه وهذا ما حدث لسيارته

نصيحة محب لا غير

[مخاوي الكشات]

أخوي الغالي مخاوي الكشات أنا وخويي شارينها من محل الرمايه لموتره باث فندر

كان سعر المساعد الامامي الواحد 700 وكسور والخلفي كان بــ 395 ريال بس الظاهر الحين ارتفعت اسعارها

وهو رجال راعي مطامر وسرعه في البر ما تقل عن 120 ك حتى بالخصوص المساعدات

الأماميه ما ينصح بتغييرها لأنها تفقعت عليه مرتين ونفس النوعيه وكذالك لا ينصح بتركيب يايات الرمايه

أمام لأنها مع المطامر والدبج تطلع عليك الرفرف من مكانه وهذا ما حدث لسيارته

نصيحة محب لا غير

جزاك الله خير صراحة حالة شاذة جداً سبحان الله حتى حقين المرهمات يركبونها ويركبونها الغربين حقين الجبال والجروف والخبال الصحيح .. وجزاك الله خير على النصيحة .

[عبد العزيز العجاجي]

صدقت يبو فهد كان عندي سفاري 99 وركبت عليه مساعدات استراليه شاريها من الرمايه وحتى مساعد درقسون المهم انها تفقعت وخاصه الاماميه اكثر من مره وكان سعر الواحد 280 ريال وشريتها سنة 2004م وكانت ماسكه الموتر ولكنها انفقعت اكثر من مره على الرغم انني لااسرع ولا اقنص بالموتر وانما كشتات عاديه وقد تصدع الرفرف الامامي من عند البطاريه منها وقد غيرت مساعدات بلده وهي لم تنفقع ولكن من كثر مامدح الاسترالي شريته . المهم مالكم بالطويله اتاني احد اصحاب الخبره وقال اتركها عنك وجرب الجبريل الزرق وشريتها من عند محل بالقرب من دوار الخرج ناسي اسمه وكانت خير عوض وسعر الواحد 90 ريال يعني بسعر واحد استرالي تشتري اربعه جبريل ازرق ووالله انها احسن من الاسترالي
الاسترالي الان 320 ريال وسعر الجبريل لازال 90 ريال وقد ركبته على سيارتي الجديده قبل شهر من نفس المحل والسياره الجديده 2005 باترول سفاري ولكن مايركب لها حق الباترول 99 يختلف
وقد ركبت المساعدات وكان كل شيء تمام الا ان المطب الخلفي كان قويا وذلك بسبب ان الباترول مركب له صاحبه الاول ياي استرالي فااضطريت الى ان اشتري مساعد شد بلد لكي يكون الين في المطب وفعلا طلع الين ومن باب تجربه انحش عن الاسترالي لان فيه نصب ومغالاه في السعر ومع ذلك ينفقع يعني قيمة الاربعه 1300 ريال
وانحر شد بلد او الجبريل ولكن لاتحط وراء جبريل وفيه ياي استرالي قيمه الجبريل قبل شهر اربعه مساعدات 360 ريال

[سحابه]

والله يااخوان ماقصرتوا
احرجتوني بفوائدكم بارك الله فيكم