المساعد الشخصي الرقمي

مشاهدة النسخة كاملة : هل تركيب كفرات أعرض من مقاس الوكالة يزيد من استهلاك الوقود ؟


مستكشف الدروب
21/07/2008, 12:17 PM
السلام عليكم


سمعت ان تركيب كفرات اعرض من مقاس الكفرات التي تاتي من الوكالة شد بلد تتسبب في زيادة كمية استهلاك الوقود فهل هذا الكلام صحيح ام لا ؟
عاشق السيل
21/07/2008, 01:55 PM
وعليكم السلام ورحمة الله وبركاته ،،،

أخوي مستكشف إذا كانت الكفرات اكبر مقاس من شد البلد فمن الطبيعي إن عزم السيارة يبي يضعف وبالتالي يزيد استهلاك البنزين ولكن بنسبة ضئيلة جدا جدا ،،،

بس الكفرات الكبيرة فيها أكثر من ميزة ومنها سرعة السيارة على الخط يعني تشوف العداد 120 والصحيح إنه أكثر طبعا بشي قليل ومن مميزاتها إنها ترفع السيارة وتتحمل الحصى والشعبان والأرصفة أكثر من الكفرات الصغيرة !!

هذا اللي عندي وتقبل مروري يالغالي .....
شامخ ألهيلا
21/07/2008, 01:59 PM
اخوي في نقطه هي ان في حالت اعتراض الكفرات وابتعدها عن بعض راح يكون للموتر هويات قويه وراح تحس بالمطب اقوى من المعتاد
بيبسي
21/07/2008, 02:34 PM
احسن من كفرات الوكاله مافيه انا جربت كم كفر على سيارتي مره بالون ومره عريض .. تغيرت علي السياره وصارت ثقيله كأنها دينا .. ويوم رجعت كفرات الوكاله ماشاء الله صارت احسن
مواسي الطعوس
21/07/2008, 08:14 PM
الكفرات العريضه لها مميزات ولها عيوب :

من المميزات : رساوة الموتر بالخط / يعطي الموتر شكل احسن.................

من العيوب: ينقل البطناج(والمطب) اكثر / يثقل الموتر اذا كان ضعيف في الاصل (وكلما ثقل الموتر اعرف ان صرف البنزين يزيد)


الافضل الكفر الرفيع من غير عرض
سطام vip
22/07/2008, 02:19 AM
بسم الله الرحمن الرحيم

اخوي خذها من مجرب

كان معي فور اكسبلورر 6 سلندر وركبت كفرات اكبر صراحه كشكل طلع رووعه

بس العزم طاح صراحه وخصوصا في الطلعات

والتجربه الثانيه الي اعاني منها الحين

معي الباجيروا الي في التوقيع

اشتريته ومركبه عليه كفرات عريضه وجنوط برادو

والموتر ما فيه عزم وخصوصا في الطلعات واحسه ثقيل على الخط

ولما شفت سياره مثله بكفرات شد البلد حصلت الفرق في عرض الكفر فقط

كفر الوكاله عرضه 35 والي على سياراتي 45 بس مثقلته والبنزين حدث ولا حرج

يسحب سحب الويل مع انه اربعه سلندر والكلبيتر مضبوط والي عرفته انه من الكفرات

اسئل مجرب ولا تسئل طبيب

لا تركب اعرض الا في حاله اذا سيارتك 8 سلندر لانها ما راح تتاثر بزياده

دمت بخير
مستكشف الدروب
22/07/2008, 02:03 PM
شكرا لكل الاخوة الذين مروا وشاركوا

ما قصرتوا والله يعطيكم العافية