يوميات سائح بأبها

[راعي بيشة]

باختصار شديد


كل واحد يعطيني


يوم سياحي مقترح في مدينة أبها


فقط يوم واحد


ونخرج بخبرات كل المشاركين


سأبدأ أنا


اليوم الأول :


(يوم الثلاثاء) :D


تصبّح سوق الثلاثاء الشعبي بدري


وبعدها تروح لمطاعم الريف أو ما ادري شسمها


القريبة من لؤلؤة الجسر


وتاخذ مقلقل وكبدة فطور وتروح البيت سريع وتفطر


وبعدها تريّح حتى بعد الظهر الساعة وحدة ونص تتوجه لمطعم السنارة ويالله


مأكولات بحرية ( الطلبات : واحد فيليه مشوي ، واحد روبيان مشوي ، واحد كنعد مقلي ، رز بحسب العدد ، وشوربة روبيان بالذرة ، ولا بأس قبل الغدا تبدأ بشمبانيا سعودي والله المستعان )


ومن ثم تتوجه للمنزل للراحة


وبعد العصر تنزل مع عقبة ضلع


وإذا ناوي كبسة فخذ من الميعاد " بتشوفها يمين وانت نازل "


بس مر عليهم قبل وخذ رقم التلفون


وارجع خطك قبل المطعم تشوف مسيل الوادي أدخل الوادي من خلف المطعم المذكور ومطعم حراء


وافرش فراشك وشب ضوك وزين قهوتك


ولازم سيارتك ترستكها لمثل ها الكشتات


وريح لين تحس إن لك نفس بالعشا


واتصل وكلمهم على كيلو أو 2 كيلوا حسب العدد والعرب :p


واذا خلص مرهم وخذ عشاك وتعش وتقهو وتشردخ


وان بغيت تاخذ غفوة للفجر تمام بس انتبه من المبيت ببطون الأودية ففيها نهي عن رسول الهدى صلوات ربي وسلامه عليه


نسيت


إذا ما تبي كبسه فخذ من حراء برمه


يعني عصيد ومرق


وياليت بجنبي عصيدة 00000


وان بغيت تعود لفندقك فبهذا تختم يومك


وأختم بهذا أنا يومي السياحي المقترح


صحيح كله أكل بس بإمكانك ما تكثر
وأنتظر يومياتكم يا حلوين




سموا

[ع خلايله]

إشي حلو ورائع... لكن ياريت أعرف ماهو المقلقل ؟ مع جزيل الشكر

تقبلوا تحياتي

[راعي بيشة]

ع خلايله

معقول ما تعرف المقلقل

لحم مقطع صغير ومطبوخ مع الطماط والبصل

[ابو شكاع]

يوميات سائح بأبها بس انه يوم دسم :d
يامال العويفية والله وسيتم طباعة ماسبق لأنها معلومات مهمة عن المطاعم التي تقدم أكل طيب
مشكور وماقصرت

[الأسمري 2009]

ياحظك ياراعي بيشة براد وغيوم وجو يفتح النفس للأكل مو زينا بتبوك غبار وحر الله يكون بالعون عقبال مانجي ابها بس خل ناخذ الاجازة ونوعدك باسبوع كامل سياحي شامل وكامل. وبرنامجك اليومي مشهي بقووووووة
تقبل تحياتي

[العرفا راعيها]

بس يصلخونا بالاسعارالشقق

[راعي بيشة]

طيب وين هل الخبرة ببها

نبي يوم آخر

[دغيم1]

السلام عليكم ورحمة اتله وبركاته
يعطيك العافية أخوي
فكرة جيدة
ولكن تحتاج إلى إلتزام من الأعضاء
ونبتعد عن التعليق شوي
ومانكتب إلا حسب الموضوع
يوميات سائح
وسيتم حذف اي تعليق آخر
تقبل تحياتي

[راعي بيشة]

كلام سليم أخي دغيم

شف شغلك ، وان زان الموضوع فثبته الله يثبتني وإياك على الاسلام والسنة

[ومض الصدف]

مشروع تسمين ماقصرت أخوي راعي بيشة

[راعي بيشة]

ههههههه

ومض الصدف كيف لو تشوفني ، رح تقول طبيعي سياحتك كذا

[kal440]

مشششششششششروع تسسسسمين هذا قبل العيد ههههههههههههههههه الله يقطع سوالفك كله اكل فى اكل وش البرنامج دب دب دب دب دب دب سسسسسسسسسسسمين مممممرررررررررره

[ابو حسان الجنوبي]

الشكر موصول لراعي بيشه
وهذي يوميتي

انا اقول لو تشتريلك ذيك الذبيحه من مغرب يوم الثلاثاء وتزبط وضعها في شقتك لحم الفطور لوحده والغداء لوحده وإن جازلك تخلي شي للشوي فياريت.

تصلي الفجر وتقراء وردك وتستعين بالمعين وتتجه صوب منتزه الفرعاء وتمسك لك ذاك المكان الي يزيد النفس بهجه .
تنزل اغراضك وتسوي فطورك وشاهيك على ذاك الخبز الساخن .

تفطر وتعين من الله خير وبعدها يانك تاخذ لك جوله على رجولك بهالطبيعه ولا تاخذ لك غفوه حتى يجيك موعد الغداء .
تزين غداك ولو كان متأخر فأفضل وبعدها تزين قهوتك وشاهيك وإن جاز لك تتجه لمكان ثاني وتاخذ لك من هالفواكه الموسميه يكون احسن تتقهواء الين المغرب وتصلي صلاتك وتروح شقتك وتتعشاء ماتيسر .

انشاء الله ان يوميتي يعجبكم

[ابو النادر]

جميل هالبرنامج السياحي

[راعي بيشة]

شروكي الجنوب

أنت الوحيد اللي شاركت بمشاركة فاعله

ليت المشرف يحذف كل المشاركات ويخلي الأوله ومشاركتك

[راعي بيشة]

للرفع
000000

[ابو حسان الجنوبي]

شروكي الجنوب

أنت الوحيد اللي شاركت بمشاركة فاعله

ليت المشرف يحذف كل المشاركات ويخلي الأوله ومشاركتك


اضحك الله سنك


وتؤسفني بعض المشاركات التي لا تتعلق بالموضوع

[ابوعبدالهادي]

1- تصلي الفجر وتطلع على السودة وتصلح الفطور وتفطر وتنبسط الين الظهر وبعدها تصلح الغداء وتتغداء وتنبسط الين بعد صلاة العشاء وتصلح العشاء وتتعشاء وبعدها تروح تنام في الشقة 0
2- تكرر الطريقة في اليوم الثاني 0


قلي وش موجود في ابها على شان اسوي لك برنامج

السودة وطبخ ونفخ غير كذا مافية

[راعي بيشة]

1- تصلي الفجر وتطلع على السودة وتصلح الفطور وتفطر وتنبسط الين الظهر وبعدها تصلح الغداء وتتغداء وتنبسط الين بعد صلاة العشاء وتصلح العشاء وتتعشاء وبعدها تروح تنام في الشقة 0
2- تكرر الطريقة في اليوم الثاني 0


قلي وش موجود في ابها على شان اسوي لك برنامج

السودة وطبخ ونفخ غير كذا مافية


ابو عبد الهادي أضحك الله سنك

طيحتني على بطني من الضحك

بس أخطيت على أبها

مهرجان التسوق يا أخي فيه تجار جايين من اليمن وباكستان وأيران والصين وربما الهند

منتزه السحاب اللي تدخل له بفلوس السيارة 40 ريال ، أقول لو دخلته عرفت وش معنى الطبيعة الخلابه والأجواء الساحرة

ركوب التلفريك إن كان لا يعني للبعض شيء فهو قمة المتعه إذا نزلت منه الحبلة ومن هناك توغلت في الغابة كعّابي

مطعم ومطل قصر أبها سياحه فارهة و5 نجوم ، هذا ذوق سياحي رفيع 00000 سيما للعرسان

المحافظات التابعة لأبها فيها متاحف مثل رجال ألمع متحف عجييييييب جداً

محافظة الخوبة ما هيب بعيدة بالحيل ممكن تسري لها ليلة الخميس وتزور السوق وتشتري غزال تعزم عليه الشباب

وشرفني مرورك ، بس تبي الصدق برنامجك اليومي ممتاز http://mekshat.com/vb/images/icons/icon10.gif

[السنع كله]

متى ياتي اليوم اللي تكتمل فيه البنية التحتية للسياحه والتي لا ارى لها رئي ولا اسمع لها حسا حدثنا بارك الله فيك عن المشاريع السياحية الجديدة هذا العام كم عددها واين موقعها ؟ تجار المنطقة كل من جمع له قرشين حطها في شقتين بالرياض اين العصامي المخطط لمشروع عملاق وفتح فيه مساهمة استثمارية عن طريق مؤسسه كدار الاركان او اعمار اين واين والله لو استفاد اهلها من تجارب ا لتوانسه في مدنهم السياحية او ماليزيا او تركيا لاثروا ارضهم ونفعوا شعبهم 00في ابها وماحولها مناطق جميلة رائعه العالم من حولنا يستثمر اقل منها 00صناعة السياحة ماعادت بالامر الصعب فتجارب الاخرين قائمة والاستفادة منها حاصله لكن اين صناع السياحة في بلادي؟

[راعي بيشة]

السنع كله كلام رائع وصحيح 100%


ورغم الجهد الكبير الذي قام به الأمير خالد الفيصل في تطور السياحة بأبها في السنوات الماضية ، وهو ما كمله الأمير فيصل بن خالد أمير أبها الجديد وفقه الله وجعله من الأمراء الصالحين

إلا أننا لا زلنا في أدنى مراحل التطور السياحي
.
.
.
.
. خرج الموضوع عن الخطة المراد تنفيذهاhttp://mekshat.com/vb/images/icons/icon9.gif

[عقاب بن نمر]

الحقيقة موضوع يستاهل التذكر

[ابولولو]

ارجعه لك يارعي بيشه ريوس وندخل الموضوع من بابه البرامج كان عندي العام الماضي والاخوان معي عوائل كلن يفطر في بيته الي الضحي والي يقوم بدري ينقز مثل الغزال مثل ابونايف راعي الطبخات هههههه الله يسلمه الي السوق ويتقضى علي حسب الاتفاق بالليل لحم حاشي اوذبيه حري اوبنات الامام قصدي المذن هههه مزحه خفيفه ونطلع لبر اعقاله قريب للوديين يحبه قلبك وندور مكان ضئل شجراوجبل ويوجد فيه رمل متوسط نظيف ونزبط قهوتنا والشاهي وطارد البرد الزنجبيل ونبداء بالغداء الي هو دوره مافيه كلن يشتغل وله دور غداء اوعشاء مافيه هجه لان قوم تعونوا ماذلوا صح ياراعي بيشه عساله للسيل والعصريه تمشيه رجليه والا لعب الي المغرب وبعدين نبداء بتصليح القهوه والشاهي ونحول فاكه الشتاء لاروح بالكم بعيد حطب يحبه قلبك شحنت غمارتين الي اشوي يابس يحبه قلبك من تندحه برخص التراب بوجه العدو ويبداء السوالف واللغاز واللعاب المسليه والمفيده للكبار والصغار الي وقت العشاء وبعد الاكل سهره الي 2صباحا الرجال واجد والشباب اكثر والدنيا امان الحمدلله اليوم الثاني مكان ثاني واكثر طلعاتنا بر واماكن بعيده عن الزحام جدا واحد يقول الماء+الكهرباء +العده للطبخ كلن معه عزبه طبخ وقهوه والمحول موجود والتوانك موجوده ولله الحمد والمنه ولزم نغير جو للاولاد ملاهي تل فريك مطعم سوق شعبي تمشيه بالقراي بالحبله تنميه وهي روعه وهاديه نزول مع العقبه والتمشيه قعدنا والله 25 يوم والله يوم احسن من يوم التنظيم بالرحله اهم شي +الاتفاق كلن بيومه علي الروحه وتجهيز العده والترتيب اهم مقومات نجاح الرحله ومن السنه يصير فيه امير للرحله طبعا مسوالف عليكم ابولولو حطينه بالرحله فراش الرحله مواعديني لهم كم سنه اصير نائب الامير وعلي قول القايل انتظر يا الي مايجي الربيع ههههههههه اتمنا اني افدت ولو بسيط

[ابوراس الدحمي]

وينك ياصاحب المشاركة ما تغيّر من نمطك شوي؟؟؟؟؟ اذا موترك بيساعد عليك بالتالي
(عاد هذا شي راجع لك )
جرب طال عمرك رحلة جبلية في طبيعة لا زالت بكر وتكون في عقبة ريدة (امتداد منزة السحاب) طبعا على حسب
نزولك تتغير درجة الحرارة اثناء نزولك بالتلاحظ مسجد ضغير مقابله عين ماء مذاقها صراحة مميزّ,,, وان جاز لك مكان وقف موترك وتمتع بإطلالة ساحرة على
روابي تهامة وان كمّلت طريقك تحصل دكان صغير يبيع من الموز والكادي والبرشوم
الين توصل الوادي تحت بس يبيلك جيب او سيارة نقل ,,, لف يسار ثم تروح لمنطقه اسمها مربه تشوف مزارع واذا معك ساكتونك بتحصل على طريقك (الوبار)هكذا اسمه لحمه لذيذ
بس يحتاج الى وقت عشان يستوي وترا تطلع في اوقات معينة مثل الصباح الباكر أوقبل المغرب ,,,,, ثم كمّل طريقك الى امتداد عقبة ظلع اذا تبي تروح يسار (ابها)
ويمين تتجه الى البحر
وتحياتي

[الخماش111]

مشكووورررر

[ابرهيم الدهمش]

الله يعطيك الف عافية

[أبو الحروف]

اليوم الأربعاء : 14/8/1430 هـ
القيام صباحاً : و الذهاب إلى مطعم العوافي أو أي مطعم و أخذ ما ييتسر
و الرجوع للفندق و من ثم الإفطار

ثم الراحة إلى الظهر : و بعد الصلاة مباشرة التوجه إلى السودة و في الطريق
يتم الوقوف في قرية حسين و الغداء فيها : دجاج مشوي ، مقبلات ، أم علي

ثم التوجة إلى السودة : و الجلوس بها لى غروب الشمس ، و فيها ك تزين قهوتك و الشاهي و المكسرات
و تأخذ صور للبزران أو الوغدان أو الورعان أو البزوره

الرجوع : إلى أبها

[راعي بيشة]

أشكر الجميع أنا لدي يوميات مميزة كذلك مثل مشاركة بعض الشباب هنا جعلهم يسلمون لعلي أذكرها في وقت لاحق

[السيهاتي]

يعطيك الف عافيه

[راعي بيشة]

وينك ياصاحب المشاركة ما تغيّر من نمطك شوي؟؟؟؟؟ اذا موترك بيساعد عليك بالتالي
(عاد هذا شي راجع لك )
جرب طال عمرك رحلة جبلية في طبيعة لا زالت بكر وتكون في عقبة ريدة (امتداد منزة السحاب) طبعا على حسب
نزولك تتغير درجة الحرارة اثناء نزولك بالتلاحظ مسجد ضغير مقابله عين ماء مذاقها صراحة مميزّ,,, وان جاز لك مكان وقف موترك وتمتع بإطلالة ساحرة على
روابي تهامة وان كمّلت طريقك تحصل دكان صغير يبيع من الموز والكادي والبرشوم
الين توصل الوادي تحت بس يبيلك جيب او سيارة نقل ,,, لف يسار ثم تروح لمنطقه اسمها مربه تشوف مزارع واذا معك ساكتونك بتحصل على طريقك (الوبار)هكذا اسمه لحمه لذيذ
بس يحتاج الى وقت عشان يستوي وترا تطلع في اوقات معينة مثل الصباح الباكر أوقبل المغرب ,,,,, ثم كمّل طريقك الى امتداد عقبة ظلع اذا تبي تروح يسار (ابها)
ويمين تتجه الى البحر
وتحياتي
راااااائع طرحك يابوراس

فعلاً يوم جمييييل وأنا جربته ولي صور من هناك

[صقرحايل]

بارك الله فيك والله يعطيك الف عافية

[راعي بيشة]

لا هنتوا وبيض الله وجيهكم