تكفون : وش تفسير هالطقة ؟؟؟؟؟ تراها مخوفتني

[ابو شقط]

السلام عليكم جميعا : امس ونا راجع للبيت ولما وصلت للموقف كان فيه سيارة سادة على باب الكراج ومضيقة الشارع ، واضطريت ادخل السيارة ( يوكون ) بالريوس وفي بداية المدخل فيه طلعه بسيطة ، المهم ريوست لكن قربت احك بالباب فعشقت السيارة في n عشان ادحدر وارجع اريوس مرة ثانية ، وفي لحظة التغيير من الريوس لn( طبعا السيارة ثقلها قدام ) سمعت صوت طقة( زي الاحتكاك ) في القير!!!!!!!!!! سؤالي : هل هالصوت يضر القير وكيف الحل في مثل هالحالات ( تغيير من ريوس للn او d ونت مريوس في طلعة مرتفعة ) افيدوني مشكوورييييييييين

[كاشخ 24 ساعه]

طبيعي اخوي

لا تخاف

هذا لانك كنت في طلعه بالريوس وحولتها n بدون ما تمسك بريك او تسحب الجلنط


لا عاد تعودها

[Magellan]

هذا صوت الصليب عند الدفرنس وليس القير ...

أنا موتري أمريكي قير أتوماتيك ونصيحة لك يا أخي العزيز
القير الأتوماتيك عند التعشيق لازم تأمنه وتأمينه هو الدعس بالفرامل على آخر حد قبل التعشيق
وإذا بغيت توقف السيارة خذ الإجراءات اللازمة
إذا كنت تمشي للأمام ومعشقه على D أوقف السيارة بالكبح الكامل على الفرامل ثم إنقله لل N وبعده إسحب الجلنط مع ترك دواسة الفرامل حرة ، ثم إدعس الفرامل بقوة وإنقل لل P

أما إذا كنت تمشي للخلف ومعشقه على N أوقف السيارة بالكبح الكامل على الفرامل ثم إنقله لل N وبعده إسحب الجلنط مع ترك دواسة الفرامل حرة ، ثم إدعس الفرامل بقوة وإنقل لل P
طبعا خذ في بالك لما تشغل السيارة وتبغى تمشي لابد من التغيير من P إلى R تكون بالدعس الكامل على الفرامل وسحب عصا القير إليك والنقل بنعومة لو أردت الرجوع أو إلى D لو أردت التقدم مع الضغط الكامل على دواسة الفرامل

[ابو شقط]

مشكورين اخواني على مروركم

[لعّاب المنايا]

يا زين القير العاااادي بس ,,

الله يعينك خوي والربع ما قصروا ,,

[مخاوي الكشات]

اللي أعرفه أن القير الأوتوماتيك إذا كنت ماشي سيده ولو بسرعة ضئيلة ورجعته لل N بعدين لل R بعد ما توقف والعكس صحيح أن القير يخرب وبعضه يقول ينخرط عليك القير ..