فزعتكم يا أصحاب الباثفندربخصوص الطبلون؟؟؟؟!!!

[نيار]

بسم الله الرحمن الرحيم
ياجماعة الخير ويالفزاعييين!!
أنا معي باثفندر 2005 قير عادي
وعندي العداد مايجيب السرعة الحقيقية!!
يعني إذا كنت ماشي 200كم مثلاً وهذي قراءة العداد يكون عندي في الجارمن تقريباً181كم
وش الحل يالنشاما كي تكون قراءة العداد صحيحة علما أنه كلما زادت السرعة زاد الفرق بين قراءة العداد والجارمن حتى يصل الفرق إلى 19كم عند 200كم
أفيدونا مأجورين يالنشاما
ولكم مني جزيل الشكر...
محبكم دوماً :نيـــــار

[التسعاوي]

حتى انا نفس المشكله واعرف اثنين معهم باثفيندر ويعانون من هالمشكله...وحتى اني مشينا انا واحد معه باترول بنفس التسارع وطلع فيه فرق.

[أبو أسامة]

أخي الكريم : لا تشيل هم

لأنه الشيء هذا عادي صار معي على البترول وعلى الأرمادا ..... عداد القارمن أدق كما أظن من عداد الموتر ........

[بواسامه]

عادي كل الموتر كذا والقارمن يعطي قراءه ادق من الطبلون

[راعي الجكس]

السلام عليكم ورحمة الله وبركاته
اول شي هذى في جميع السيرات امريكي ياباني حتى السيكل
لانه على عكس ماقال اخوي ابو اسامه:no2: . يعني انه عداد السياره ادق من عداد القارمن. انا عندي يفرق 13 كم . فمان الله















ما اعرف اسوي توقيع

[محب الرمنغتون]

تمشي (200كم في الساعة ) !!!! انتبه اخوي ترا زود السرعة سبب رأيسي للوفاة وللشلل الرباعي 0
كفانا الله واياكم كل مكروه 00

[أبو فهد العيد]

ياجماعه,,,, هو يبغى حل’’’ اللي عنده حل ,,يتحفنا فيه

[نيار]

ياأحبائي أنا رحت للوكالة قالوا لي هذا خلل ومانقدر نحله وبعدين فيه سيارات يكون فيها قراءة العداد مطابقة تماما للجارمن مثل الباجيرو وأنا مو قصدي إني أمشي 200كم لكن أبغى الطبلون يصير دقيق من باب تحقيق الشيء على ماهو عليه وبعدين علشان الوالد يصدقني بخط السفر إني أمشي 120 كم لأنه إذا مشيت 120 على عداد السيارة يصير كأني ماشي 100كم يعني متى نوصل!!!!
أرجوا التفاعل من الإخوة واللي عنده حل يتحفنا وشكرا

محبكم دوما:نيار

[ABO AL-HESH]

ياطويل العمر كل الياباني كذا ...
الامريكي وخاصه الكابرس هو الدقيق ويعطي نفس القارمن..

[الحرفي..]

أخوي نيار / السلام عليكم
أن معي باث 2003 ونفس المشكلة لكن طبيعي الفرق سيارات النيسان غالبا كذا
التويوتا يفرق تقريبا 8 %
اما الباث يفرق 20% وبالنسبة كلام اخونا الي يقول ان القارمن غير صحيح ماعندة خبر في سيارات تطابقت مع القارمن منها الفورد الطبلون الاكتروني لانة بالارقام ودقيق 100%
الباترول يفرق 10%
أذا ركبت كفرات البالون يضبط 100% لان لفت الكفر كبيرة ويعطيك العداد قراءة 100%مع القارمن
هذة تجربتي ومتاكد من الكلام الي اقوله ومستعد اثبت كل من عنده المشكله نفسها

مع التحيات / أبو نايف

[نيار]

مشكووورييين ياجماعة وماقصرتوا لكن أنا سمعت عن واحد إنه عدل الطبلون وصار يعطي قراءة صحيحة لكن ماأدري وشلوون!!
وكلامك صحييييييح ياأبونايف بالنسبة للبالون يعطي قراءة صحيحة إذا قمت بتركيبها!!
أرجوا ممن يدخل ويكوون جرب هالشيء يعطينا خبرته
وأنا ماطرحت هالمشكلة إلا وأنا متأكد إن له حل!!!

[هماليل نجد]

ياخوان انا الاحظ ان عدادات طبالين النيسان اغلبها غير دقيق وبالاخص الباترول ؟؟؟؟

[نيار]

ياخوان انا الاحظ ان عدادات طبالين النيسان اغلبها غير دقيق وبالاخص الباترول ؟؟؟؟
صدقت والله ياهماليييل نجد لكن ماهو الحل ؟؟
هل فيه طريقه لإصلاحه أو ورشة متميزة تصلحه؟؟

[ممتر البران]

يالربع القارمن ما يجيب العلم
والفرق مهوب ثابت على حسب الجو والرطوبه والاشياء اللي تساعد في وصول السقنل للقمر الصناعي فعداد السياره صحيح دام الكفرات اللي راكبه نفس كفرات الوكاله واذا غيرتها حست القرائه فلا يهمكم القارمن
تحيتي لكم
ابو سعد