أخوكــم,,, يبي فزعتكـم برايكــم

[ABU BASSAM]

حي الله هل الفزعه والراي السديـــد...





باثفنـــدر حرارته ضو شابه


تاصل لين النــص مع السرعه فــوق 120


موديلــــــه 2001
الموتر شافـــه ميكانيكــي وقال البلف سليـــم


وكمـــان ودينــاهـ لمحل شكمانــات وشاف الدبه وقال سليمه -اللي تحت السواق ـ


قال الهــو يطلع من الشكمــان مضبوط ...


وبعــــد وديناهـ لمحل ايديتـــر وقال سليم ... رجعنــا له وخليناهـ ينظفهـ


وعبينـــاهـ ماء ازرق الألماني - بـ 40ريــال- لتر ونص والباقي مقطــر


المهمـــ .... الحال على ماهــــو عليه...


افزعلونــــــــــــــــــــــــــــــــــــا ,,,


وفقكــــ الله ـــم ,,,

[سديراوي..]

يمكن أحد الخراطيش فيه تنسيم ..... شيك على الخراطيش



تقبل مروري,,,,

[الظافر]

اخي العزيز انا صارت معي بسيارتي باترول و سيخت الارديتر ونفس المشكلة الحرارة ترتفع اذا الموتر ماشي اكثر من 120 وغيرت الخراطيش ولقيت الخرطوش الذي من تحت تعبان ولله الحمد الموتر زبط 100%

[روافد]

يا جماعه الخاطيش ما تاثر الا اذا انقطعت

والا وهي مستقيمة وما فيها تهريب ما تاثر

اخوي انا عندي نفس المشكلة وبادور حل وابلغك

مع التحية

[6670]

اخوي العزيز: شيك على تماتيك المروحه واتوقع من طرمبه الماء يكون الدفع ضعيف عند السرعه.

[ذيب صعافيق]

يأخ اذاكانت الحرارة تثبت ولا تستمر في الارتفاع_ حتى لو وصلت الى النصف _او الىأكثرمن النصف فلا يضر ابدا ابدا :no2: ولا توسوس ويضحكون عليك اهل الورش--------

[المموه]

حرارة السياره الى النصف طبيعيه . عموما اذا استنفذت كل الحلول اشير عليك بثلاثه ـ تغيير غطاء الاديتر اي تنسيم يعني حراره . تغيير البلف حتى لو قال الميكانيكي سليم . بعدها تغيير وجه راس الماكينه . وان لم تنجح كلها اما انك همل الحراره او المعارض .

[صدري شمالي]

المر بسيط رحت لكل هالورش ولا فاد ..

ورى ما تمر الوكاله وخذ العلم منهم ومو شرط تصلح الموتر عندهم اذا كان شغلهم غالي..

هذا رايي والله اعلم ..

[s3ed]

السلام عليكم

الاخوان ماقصرو



اذا ارتفعت الحرارة امسك لي الراديتر

اذا كان لين او طري مافية مشكلة بوجة المكينة

اذا كان اللي او الخرطوم صلب كنة فيه هوا

المشكلة انة راس المكينة منحرف معاك ويدخل هوا ويرفع الحرارة

تحتاج مخرطة يحف راس المكينة وتغير القازقيت

[محمد الصرير]

غير وأنا خوك غطاء اللديتر والخراطيش والبلف ، والوكالة بيكثرون عليك الاعطال ، (واللي يده بالنار ما هو زي اللي يده بالماء) لكن وأنا خوك أنا والاخوان نعطيك آراء ومقترحات عسى الله أن ينفع بها ، وعسى أحد المقترحات تصيد . ودمتم سالمين

[vip4800]

السلام عليكم اتوقع 100% من الاديتر بعدين شف الخرطوش السفلي شفه ايصفط اذادست للمكينه ونت عند المكينه طبعان ! عندك غطا الاديتر يجي مقاسات افضل شي رقم 0,9 طبعن صفر نقطه تسعه وتأكد من القزوز في اليل تمشي بالسياره سرعة 160 متواصل مدت اقل حجه 15دقيقه توقف تشوف القزوز حمر تأكد من الدبه

[القبقب]

لحق على الموتر وده الوكاله بأسرع وقت اى تاخير راح تقول للمحرك
السلام .

[ABU BASSAM]

سديراوي..



الظافر


روافد


6670



ذيب صعافيق


المموه


صدري شمالي


s3ed


محمد الصرير


vip4800


القبقب


أشكركمـ ع النصايح والأستجـــابه ... ماقصرتمـــ ...


الموتر الآن بــ الزفلت ومع السرعه مايتعدى الربع -ولله الحمد-


ولكن المشكله الأزليه مع دخول الرمل الحراره حول H مع اني مركب مروحة مكسيمــــا


فأذا كـــان هنـــاكــ حل فلا تبخلـــوا به علينــا


وفقكــــ الله ــــمـ,,,

[abw1122]

اخوي انصحك تركب مروحه شد بلد

لاني جربت مراوح المكسيما في الباترول 93

اذا هو في الديره او واقف الحراره تمام
واذا هو في الطعوس او في الخط السريع وتعديت 120 ترتفع بشكل واضح
وبعدها فكيت الكهربائيه وركبت التماتيك شد بلد وكلش ضبط معي

وتقبل مروري