معاناتي مع الجمس2001...الدبل...طرمبة البنزين...واقع لا خيال [الأرشيف]

مشاهدة النسخة كاملة : معاناتي مع الجمس2001...الدبل...طرمبة البنزين...واقع لا خيال

سوبر VTC

23/07/2008, 07:31 AM

السلام عليكم و رحمة الله

طبعا هذه معانتي مع الجمس كتبتها من اجل الفائده لاعضاء منتدانا الاعزاء

طبعا معي جمس 2001 دفرنسين و اللي صار لما مشى 25000 الف كيلو طلعت للبر و شبكت الدبل الخفيف و

و اجي مكان به هيار و اشبك الدبل الثقيل و يوم اني طلعت من الهيار يوم انتبهت و تطفى لمبات الدبل اللي يسار

و لا اقدر افصل الدبل و ابلش بعمري و يفرجه الله و اقوم على فيوزات الدبل اللي عند البطارية و ابدا افصلهن و

اشبكهن عدة مرات و الحمدلله:D اشتغلت اللمبات و يوم صار عقب كم يوم تبدا تطلع رسالة افحص الدبل اللي فوق

امبير الضغط او الكمريشن تولع و تطفى عدة مرات و قمت ودخلته الوكاله قالوا عندك الدينمو حق اللي

يعشق الدبل طبعا لونه اسود بحجم علبة صابون الفيري:D خربان و طبعا غيروه على الضمان و الحمدلله الى الان تمام

مكتوب عندي بالكتالوج يتم شبك الدبل الخفيف و انت تمشي الى حتى 80 بشرط ترفع رجلك عن البنص

حتى يعشق اما الدبل الثقيل لابد من الوقوف تماما

المشكلة الاخرى اللتي ارهقتني مشكلة طرمبة البنزين بعد ما مشى الموتر تقريبا 90000 الف كيلو

طاح امبير البنزين و بدا مره على النص و مره على مصفر واحيانا على الربع و اتوكل على الله

و افك التانكي و لقيت الطرمبة منكسره من عند القوائم الثلاث السست المراد غيرت الطرمبة

بوحده جديده و اجلس فتره و الدعوه تمام يوم دريت و طاح الامبير:confused: مره اخرى و بدا يلعب على

كيفه و يوم فكيت التانكي لقيته منكسره يالله من الشكوى لك و جلست افكر انا و الوالد وش اللي

يخليه تنكسر طبعا استنتجنا بما ان التانكي ممتد بالطول من امام الكفر الخلفي الى اسفل مرتبة

السواق يعني مسافة مترين تقريبا بالطول فوجدنا انه اذا كان بالتانكي نص البنزين همن مسكت

فرامل بشكل فجائي جاك البنزين يمشي مليون همن:D ضرب الطرمبة من تحت و هذا اللي يخليه

تنكسر لانه لا توجد في اسفل التانكي تكايات يمين و يسار الطرمبة بحيث انه ما تتحرك من

ضرب البنزين ايضا لا توجد قواطع بالتانكي او حواجز بحيث انه تخفف صفق البنزين

و طبعا تركيب الطرمبة يكون بهدوء و جعلها عمودية قدر الامكان

المراد قمت على الطرمبة الثالثة اللي انكسرت و حطيت قفزان للقوائم الثلاث في اعلى الطرمبة من

الداخل على شكل جبيرة زي تجبير اليد المكسورة طبعا ضبطت الدعوى سافرنا لمكه و يوم اقبلنا على

ديرتنا و بقى 40 كيلو يوم طاح الامبير :confused: ههههههه الله يعين و يوم صار بعد كم يوم و افك التانكي

و لقيت الطرمبة منكسرة من تحت من عند نهاية القوائم الثلاث حيث يوجد بلاستيك يضم القوائم

الثلاث و مكبوس بجرم الطرمبة طبعا حامت كبدي و قمت و جخرت اربع فتحات بجرم الطرمبة

بواسطة الدريل و ربطته با سيام بحيث ان السيم يمسك بلاستيك القوائم الثلاث مع جرم الطرمبة

طبعا الدعوى طلعت تمام التمام و نجحت مية بالمية طبعا الطرمبة مجبسة فوق و تحت

قفزان و اسيام هههههههههه

طبعا الطرمبة القطر حقه اللي فوق او الداير من اعلاه بلاستك و هذا اللي يخليه تنكسر من القوائم

الثلاث من الاعلى طبعا لو تشوف طرمبة الجمس م2005 تلاحظ انه حديد لذلك صعبه جدا انه تنكسر

لكنه ما تركب عندي لانه حجمه كبير

المراد بعد فتره سافرت انا و اهلي للرياض و يوم خلصنا اشغالنا يوم جيت اشغل و عيى يشتغل الموتر

و ادخل يدي:D ما بين السست و الكفر و احرك الفيش و الحمدلله اشتغل الموتر لاحقا فكيت التاكي للمره

الرابعه لقيت الفيش عليه كربون و متوسع من الحراره و اخذت فيش من التشليح و حطيت شحم بالفيش

الذكر و كذلك الانثى حتى ما يكربن او يحتمي او يتوسع و احط الطرمبة بسطل:D عشان اتاكد انه سليمه

و اشغل و يشتغل الموتر و همن ركبت الطرمبة و شديت التانكي و عبيته بنزين و ياللمصيبه عيى يشتغل

الموتر ههههههههه و افك التانكي للمره الخامسه:D و اطلع الطرمبه و ابفحصه بلمبة فحص و لقيت شي تافه جدا

ما يطري على البال طبعا الطرمبة داخل الجرم و به سلكين كهرب و ماص لقيت السلك الماص منقطع السيم او

السلك اللي داخل ربل السلك بمعنى انه قدام عينك مشبكوك السلك بالطرمبه لكن من الداخل منقطع شي تافه جدا

و قمت و صلت و صله للكهرب و للماص تقريبا طول الاصبع و الحمدلله ضبط الموتر لا حقا حصلت عند

الجميح طرمبة الداير حقه اللي فوق حديد و هذا ميتغاي لانه باذن الله ماراح تنكسر ابد طبعا سعره 950 ريال

اما البلاستك ب750 و تحرص عليه تنكسر كالعاده طبعا شريت الطرمبه الحديد من الجميح لكن تعبت بالتشاليح

و انا ادور الفيش حق طرمبة الحديد لانه اكبر من فيش الطرمبة البلاستيك و اغلب المواتر اللي بالتشاليج الفيش حق

طرمبه بلاستيك و صعبه انك تركب فيش البلاستيك لانه الطرمبه الحديد الروس الانثى حقاته كبار طبعا قصيت

الفيش القديم و ركبت الفيش حق الحديد و حطيت عليه رصاص حق الكاويه اللي عند محلات التلفزيونات:D طبعا فكيت التانكي للمره السادسه وركبت الطرمبة الحديد و حطيت الطرمبة البلاستيك اسبير لو قدر الله اخربت الطرمبه الحديد و

الحمدلله الامور تمام التمام لكن تصدقون ان فك التانكي غثاء لابعد الحدود لكن تعودت و صار الامر طبيعي طبعا رحت لحقين المكيفات و فحصت ضغط الطرمبة طبعا توجد ابرة زي حقت تعبئة

المكيف يسار ثلاجة المكينة فوق ماصورة البخاخ حيث يتم شبك اللي و الموتر يشتغل و طلع الضغظ عال العال

60 و اذا صار الضغط اقل من 40 فهنا يضعف عزم الموتر و هذا يدل على ضرورة استبدال الطرمبة لكن لا

تشري طرمبة كاملة مع الجرم و انما اشتر الطرمبة لوحده و ضعها مكان القديمه و اما اللي اللي داخل الجرم

اكبسه بزراديه و حط عليه قفيز او سيم
للمعلوميه /// جميع الطرمبات الثلاث اللي عندي ضغطهن تمام لكن الجرم منكسر و انا رهمت وحده منهن افرغ

بواسطتها تانكي البنزين يعني اسرع من الشفط باللي

البعض يمكن يقول هاذي قصة حياتك:D لكن هذا اللي جرى

للمعلومية اصلاح الطرمبة و فك التانكي بالبيت و اخذت خبره بحكم ان والدي ميكانيكي سابقا لكنه معتزل عسى الله يطول بعمره

تحياتي لكم

ذيب صعافيق

23/07/2008, 09:46 AM

ياصبرك --------صارت ألف ليله وليله:d

Magellan

23/07/2008, 09:52 AM

يؤ يؤ يؤ ......وش ذا وأنا أخوك
تذكرني بمعاناتي مع جوالي النوكيا .....كل يوم في خرابات ومع ذلك أحبه
لكن أنت صراحة قريت موضوعك وأنا رايح للدوام ..وقلت يالله صباح خير
وش عنده أبو الشباب يحبرث على طرمبة البنزين،وحط يدي على قلبي قلت لايطفي فيني الموتر :D من زود الوسوسوسة ...
بس تنبهت قلت أنا بوسط الرياض ولو طفى أقرب لوموزين:confused:
وشكلك دايم في معناة، السفاري ماخذ همك وشكلك تتوجس منه الخيفة كل مرة ،مسامير ثلاجة وكتاوت طرمبة وو ..
بس أحس فيه علاقة بين الجمس والسفاري ما أدري ليش ..وإلا أقولك ماسمعت بمباحثات إندماج نيسان مع GM يقولون قربت خلاص وحول مايصيرون سوا سوا ..
يعني الأمريكان يبون يصممون ثلاجة الفتك ولهاتها واليبانيين يبون يضبطون طرمبة البنزين:D
بس.. على طاري الجمس 2005 ، ترى بالفعل من عام 2004 تم تغيير نظام الوقود في الجمس بحيث حطوا فلتر البنزين داخل التانكي وهو فلتر حديد مايحتاج تنظفه عشان كذا غيروا مسامير الطرمبة ..
وأقول كان الله بعونك وأشكرك لتبصير أخوانك المساكين ، لأننا بحاجة للتوعية وبالفعل المفروض الواحد كل ما خرب عليه شيء بالسيارة ياخذ نص ساعه تفكير وتأمل قبل مايفر على الورش بحيث يحاول معرفة وإستنتاج الخلل ومسبباته ، وأعجبتني حركة الترهيم وفك المسامير والتربيط ،والحبرشه حول فيش الطرمبة ..

بس أهم شيء لو شريت موتر في السنين القادمة إن شاء الله علمنا ، عشان نهج منهن:D
وبالتوفيق

سيف الظفير

23/07/2008, 10:24 AM

يا ليت دعمك موضوعك يا الغالي بالصور

سؤال//

هل مشكلة طرمبة البنزين موجود ة في الـ 2500/2006

مع العلم بأنك تقول من 2005 جاءت حديد

هل هالكلام مضبوط

القصبي

23/07/2008, 10:39 AM

ياصبرك صبراة اي والله
انا الللي اعرف فية واحد من الجماعة معة صالون 2000 تصدق غير الطرمبة 4 مرات المشكلة يودية الى الوكالة ثم تخرب ثم يرجعة لهم الين باعوة وافتكو

سوبر152

23/07/2008, 10:56 AM

http://www.mekshat.com/pix/upload/images12/mk8008_185.jpg

سوبر VTC

23/07/2008, 08:53 PM

ذيب صعافيق /// لا و انت الصادق كليله و دمنه:d :d :d تحياتي لك

سيف الظفير /// انت شفت بنفسي دفرنسين 2005 حديد لكنه كبيره و

ابحاول انزل صور تحياتي

سوبر VTC

23/07/2008, 09:16 PM

ياصبرك صبراة اي والله
انا الللي اعرف فية واحد من الجماعة معة صالون 2000 تصدق غير الطرمبة 4 مرات المشكلة يودية الى الوكالة ثم تخرب ثم يرجعة لهم الين باعوة وافتكو

على كلام احد زملائي يقول معي 2004 و غيرت الطرمبه اربع مرات و كل مره تنكسر طبعا على الضمان

و انا بصراحه بالامور هاذي موسعن صدري و حاط بالبريق ماء طبعا قد يكون البديل عن الجمس الباترول او

الجيب لكن بصراحه الجمس بلحاله تخيل ناخذ راحتنا بالسفر وسيع و راسي بالخط و عزيز و حتى بالبر نفس

الشي

تحياتي لك

سوبر VTC

23/07/2008, 09:17 PM

http://www.mekshat.com/pix/upload/images12/mk8008_185.jpg

شكلك غلط بالرقم:D :D :D

سوبر VTC

23/07/2008, 09:27 PM

ماجلان

و من الحب ما قتل :D :D

وحط يدي على قلبي قلت لايطفي فيني الموتر :D من زود الوسوسوسة

تخيل يطفاك بطريق خريص و الا بطريق الملك فهد و يالله

قطع بصل و طماط:D :D

و الباترول يهمن لانه مع رجال عزيز علي و لا تهون

ياماجلان:)

و ياليت لو يندمج الامريكان و اليابانيين:rolleyes:

بس أهم شيء لو شريت موتر في السنين القادمة إن شاء الله علمنا ، عشان نهج منهن:D

ههههههههههههههه ياحبيلك يا خلفهم ابشر بعزك:D :D

شرفني مرورك

ساري 111

26/07/2008, 08:35 AM

سوسة حطب

26/07/2008, 11:53 AM

لن أمل من العطاء

26/07/2008, 12:08 PM

ابوعقل

26/07/2008, 12:42 PM

حياك الله اخوي

ولكن شكل الامريكي توافيق من الله بعضهم يخرب عليه كثير والبعض ماشاء الله تبارك الله بدون مشاكل

عموما

قلي هل الموتر اللي معاك هو 8100 او 6000

قلي اش نوع المحرك لاني ابافيدك بشيء

على حسب الشفت اللي اشتغل بالسياره

:D

ابونوف الشلوي

26/07/2008, 02:25 PM

شامخ ألهيلا

26/07/2008, 03:20 PM

مشاغب شوي

26/07/2008, 04:30 PM

والله الصراحة معاناتك مابعدها

وبالنسبة للطرنبة عندي سوبربان 99 خربت حقت الوكالة وركبت وحدة جديدة واضفت عليها طرنبة مرسيدس

وماشاءلله مثل العسل له 4 سنوات عقب التغيير

سوبر VTC

26/07/2008, 07:32 PM

ههههههههه ياحبي لك اثر عبي هنا وانا ماأدري

تصدق توي اعرفك وعرفتك من معاناتك اللي انت كاتب

بس بيني وبينك بعذر الموتر وماورى جوده اللي صابر عليكم ماشاء الله .. كم رجل تسوقه ؟؟ ههههه

ياخي تذكر الجمس اللي كان معي 2001 مشى 200 الف وبعته مافكيت فيه صامولة
إلاطرمبة البنزين وماخربت بعد بس انكسر قوعه اللي فوق من ضربة رمثه!!

بس يبدو انهن توفيق هالمواتر

ماادري انت اخذت الطرمبة من فارس وصلحت لك او لا ؟؟(اكيد عرفتن الحين) هههه

ورطنا اثرك تعرفن :D :D

لكن ترى مشكلة الجمس ان الطرمبة تنكسر فقط و الا ماخربت او جيمت تدري انه جلس سنة كاملة و الطرمبة منكسرة اقصد منسدحه بالتانكي و الانبير يرعى على كيفه :D

و فارس ما عندك احد انواع السهج :D لو بيدي اوريك شغله شنق حتى الموت:D لكن الطرمبة حصلت حديد احسن من البلاستيك

ما قصرت تحياتي لك

سوبر VTC

26/07/2008, 07:35 PM

مداخلة فيه واحد من الشباب معه صالون 99 الطربه كل فترة عطلانه مر به على خوي له وشار عليه أنه بدال ما يفك التانكي يقوم يشق له فتحه من داخل السيارة بحيث تكون تحتها الطرمه يفكها ومو شرط ينزل التانكي ويخلي معه وحده أسبير طريقة مجربه وناجه إلى الآن

هلا بك اخوي طريقة ناجحة و اكثر ما تطبق على الجيب الشيروكي
لكن المسالة قناعات و انا ماحب اني احفر بالموتر:D
شكرا لتشريفك موضوعي:)

سوبر VTC

26/07/2008, 07:38 PM

حياك الله اخوي

ولكن شكل الامريكي توافيق من الله بعضهم يخرب عليه كثير والبعض ماشاء الله تبارك الله بدون مشاكل

عموما

قلي هل الموتر اللي معاك هو 8100 او 6000

قلي اش نوع المحرك لاني ابافيدك بشيء

هلا و غلا المواتر توافيق
و الموتر الله يسلمك 6000 فورتك علما ان الجمس يجي اربع مكاين 4800 و 5300 و 6000 و 81000
تحياتي لك انتظرك

سوبر VTC

26/07/2008, 07:39 PM

على حسب الشفت اللي اشتغل بالسياره

:D

هلا ابو عقل
وشو الشفت ؟:confused: :confused: :confused:
تحياتي

سوبر VTC

26/07/2008, 07:45 PM

مشكلة الطرمبة في الموديلات كلها
وبالأخص الأستخدام
لأن عندنا شفر 1500 موديل 2001 استخدام
غيرنا الطرمبة مرتين ومعنا ما شالله عليه
لكن انت وانا اخك تكررف الموتر
وبعدين مكينة 2500 يشرب شرب الويل
في البنزين

هلا ابو نواف
ترى الطرمبات ماخربن او جيمن بس ينكسرن فقط لا غير و الا كل الطرمبات ضغطهن قوي و اذا على كرف الموتر نسوق على سنع بس الدعوى توفيق بالنهاية و الا انا ما اعسر الموتر على غشامه على قولة الشيبان سواق طارة دق سلق و امش
و اذا على الصرفية مكنية الموتر 6000حجم 2500 الكفرات 8مسامير و يمشي معي بالديرة 600 كيلو و زيادة طبعا التانكي 140ليتر
حسابيا يمشي بلتر البنزين الواحد 5.5 كيلو و نص بالعكس صرفية ممتازة جدا مقارنة بالجيب و الباترول
تحياتي لك

سوبر VTC

26/07/2008, 07:55 PM

اخوي سوبر ربي يعطيك العافيه ويسلم هاليدين والله

طيب مادام الدعووه فك وربط وترهيم واسيام وتجبير

ليش ماحطيتها خارجيه وانا اخووك وارتحت منها مره

سمعت ان طرمبة الفكسار تركب وهم بعد ناس جربوا طرمبة 200 ال ويمدحونها في الجموس

هلا اخوي شامخ
و اياك الله يسلمك
كيف تكون خارجية لان نظام الطرمبة ما تقدر تدفع بنزين للمكينة الا كانت بداخل التانكي و اذا كانت برى التانكي تسحب هواء فقط ؟:confused: :confused:
و طبعا بعضهم يحط طرمبة فورد و البعض يحط طرمبة بي ام دبليو و البعض مرسيدس طبعا كل هالطرمبات توضع بوسط جرم الطرمبة شدبلد الجمس و الافضل حقت البلد لان دفع الطرمبة كافي للمكينة و اذا حطيت غير حقت الجمس احتمال تزود الصرفية شوي لكن المشكلة ليش تنكسر عندي و عند غيري؟ باعتقادي لانه بلاستيك و ليست حديد و لا توجد حواجز تمسك الجرم من ضرب البنزين غير كذا ترى الطرمبات الثلاث اللي عندي ضغطهن قوي ماخربن لكن المشكلة بالكسر
تحياتي لك:)

سوبر VTC

26/07/2008, 08:02 PM

والله الصراحة معاناتك مابعدها

وبالنسبة للطرنبة عندي سوبربان 99 خربت حقت الوكالة وركبت وحدة جديدة واضفت عليها طرنبة مرسيدس

وماشاءلله مثل العسل له 4 سنوات عقب التغيير

هلا بك مشاغب الجمس مالك غناة عنه تشيل عليه كل اهلك و خوالك تقل باص مدرسه:D
و كل الطرق تؤدي الى روما ماختلف معك بس المشكلة ان خامت الجرم البلاستيك ضعيفة و لذلك ينكسر غير كذا لا توجد حواجز تمسك الجرم
تحياتي

الربذي

26/07/2008, 08:17 PM

زين قلت واقع ولانقول خيال
الله يعينك على هالقمس!!!
لو عندي احرقت فيه 0

الربذي

26/07/2008, 08:19 PM

هلا بك مشاغب الجمس مالك غناة عنه تشيل عليه كل اهلك و خوالك تقل باص مدرسه:D

و كل الطرق تؤدي الىمكةماختلف معك بس المشكلة ان خامت الجرم البلاستيك ضعيفة و لذلك ينكسر غير كذا لا توجد حواجز تمسك الجرم

تحياتي
000000

صححت لك الجمله لكي تصبح صحيحة 0000000000000

سوبر VTC

09/08/2008, 02:25 AM

للرررررررفع:d :d

aboriyadh

09/08/2008, 12:25 PM

للرررررررفع:d :d

الله يرفع مقدارك

انا عندي نفس المشكلة عداد البنزين نوب على النص واكثر المرات على الزيرو والطرمبه فيها صوت زنه

لها الان ثلاث سنوات على هذا الحال

اش نوع الطرمبة اللي تقول عليها حديد ؟؟ ومن وين تشترى ؟؟ اي سي ديلكو والا شركة ثانية

ولو تكرمت سعرها تقريبا كم

وبعدين شوف ذا الموضوع شقر عليه بطريقك
http://www.mekshat.com/vb/showthread.php?t=148516

H I T L E R

09/08/2008, 02:02 PM

الجمس من مديل 2005 ماافيه اي مشاكل من ناحيه البنزين من طرمبه او عوامه او غيرها
و من مديل 2000 الى 2004 فيه مشاكل مثل مشكلة اخونا الغالي

احترامي لكم

سوبر VTC

19/09/2008, 08:18 AM

الجمس من مديل 2005 ماافيه اي مشاكل من ناحيه البنزين من طرمبه او عوامه او غيرها
و من مديل 2000 الى 2004 فيه مشاكل مثل مشكلة اخونا الغالي

احترامي لكم

و لا تنسى م99 و تحت نفس الاعطال
(برق لاح) لاهنت بشر عن الموتر عساه ضبط :)
تحياتي لك

االديحاني

09/10/2008, 08:14 AM

موضوع رائع عليه بصمات المكانيكيا

سوبر VTC

16/10/2008, 08:01 AM

موضوع رائع عليه بصمات المكانيكيا

لاهنت مشكور على المرور يابعد حيي :)
تحياتي

محمد6655

23/10/2008, 03:03 PM

احسن حل عندي000000000ركب له طرمبة جيب فكس آر وتسلك لك ولزمن ولا عاد تخرب مره ثانيه (عمركم شفتوا جيب فكس آر متعطله طرمبة البنزين) وتراها تركب ولا كل كهربائي يعرف يركبها 00000

قريب الدار

25/10/2008, 01:06 PM

السلام عليكم
مشكور يالغالي على هذه المعلومات
وانا صارت معي نفس المشكلة (ونفص الموديل 2001 ) غيرت الطرمبة عند الوكالة و بعدها بحوال سنة الى سنتين خربت مرة ثانية
ولا عاد صلحته :no2: صرت اعتمد على الله ثمن على عداد المسافات (كل 400 كم اعبي بنزين) وما شي الوضع تمام

اما بخصوص الدبل الثقيل : لعلك تدري انه لازم تكون السيارة واقفة تماما و القير موضوع على (N ) والا تراه ما يعشق ولا يفصل

ومن الأعطال التي لم تذكرها وإن شاء الله انه ما تصير معك : دينمو الشبابيك و خاصة الخلفية ياكثر ما تخرب و ينقطع السير وكل مرة بذيك القيمة (فوق الألف ) اللي انا سويته في الأبواب الخلفية فصلت الكهرب و رفعت القزاز و ربطتهن بسيم و الحمدالله برضه ما شية معي تمام

والله يوفقك

محمد6655

25/10/2008, 05:02 PM

يا ناس اذا طلع صوت بطرمبة البنزين غيروها وركبوا طرمبة جيب vxrوريحوا انفسكم وتراهاتركب له و لك ولزمن 00000000000

حرابة الدول

28/10/2008, 02:10 PM

Magellan

28/10/2008, 02:19 PM

انا عندي مشكله الي هي
اذا بغيت اعبي بنزيم على طول يطق يعني مايعبي الا ريالين <<<مااقصد الانبير

فصرت اعبي بجركل خارجي ثم اصبه من الجركل الى التانكي<<<علشان اتفادي الطقه الي تطلع عند ماتعبي فل

شوف لي حل

الله يعطيك العافيه

أنا تطلع معي وأقول للي يعبي رجع يد المضخة ورى شوي ويضبط
وإذا مانفع يقولون في بلف تنسيم فوق التانكي ممكن إنه متسدد

جاسم الهاجري

28/11/2008, 06:52 PM

وفقك الله على الشرح

Magellan

28/11/2008, 07:00 PM

الباسلي

28/11/2008, 08:14 PM

نصيحة لاهل الجموس

اذا خربت الطرمبة لاقدر الله عليك لاتقع في نفس الخطأ وتغير
طرمبة جمس

غير طرمبة جيب Vxr والموديل من 97 98 99 2000 كلها تركب
بس غير الفيش وتوكل على الله

ولإطالة عمر الطرمبة لاتعبي بنزين والسيارة دايرة (شغالة)
ولاينزل الامبير اقل من الربع

نايلات11

28/11/2008, 10:07 PM

عليك بطرمبة تايوتا بمشيئة الله تنسى سالفة الطرمبة

عاشق GM

01/12/2008, 10:33 PM

توني امبدلها بالوكاله وعلى فكره تختلف طرمبة الجمس السوبرمان عن الدينالي ماتغير عندي العداد بس السياره صارت تطفي تطفي واحطها بسطحه والى الوكاله يوم فحصوها طلعة طرمبه والحمدلله بدلناهااا

سوبر VTC

01/01/2009, 08:47 AM

إلا ياجماعه ماحد يدري عن أخونا سوبر vtc
من زمان ماشفت له ولامشاركة
صراحة أحس إبتعاده غريب، الله يكون في عونه ويرجع لنا
من زمان عن مشاركاته الزينه وطلته الحلوه
اللي يعرف عنه شيء وخصوصا الساري11 يطمنا تكفون،،

يا بعد راسي و الله اخوي ماجلان :)
وافي يابعدي لاهنت ;)
العذر و السموحه عن هذا الانقطاع للظروف الخاصة
شي مقدر ما معي فيه حيلة :D
تحياتي

ابوعقل

01/01/2009, 06:49 PM

هلا ابو عقل

وشو الشفت ؟:confused: :confused: :confused:

تحياتي

:D :D :D

ماعرفت الشفت؟؟؟؟؟؟؟؟؟؟

دوام الشركات مره الصبح ومره العصر ومره الليل

هذا يسمونه دوام شفتات

يعني كل اسبوع دوام غير

وانا اقصد ان اللي يشتغلون

مفلت

05/01/2009, 03:00 AM

يالحبيب معليش على الرد المتاخر لكن انا سالت حقين الجموس يقولون كنا متبهذلين من الطرمبه وركبو حقت لاندكروزر فكسار من 98 الى 2007 ويقولون حلااااااااااااوه وسلامك

سوبر VTC

07/01/2009, 02:25 AM

يالحبيب معليش على الرد المتاخر لكن انا سالت حقين الجموس يقولون كنا متبهذلين من الطرمبه وركبو حقت لاندكروزر فكسار من 98 الى 2007 ويقولون حلااااااااااااوه وسلامك

مشكور على الرد لاهنت
الغريب في الامر انه تباع بالوكالة بسعر 500 ريال و طالع
طبعا استكر الوكالة الاحمر الاصلي على كلامهم :mad:
و تباع في المحلات العادية ب280ريال
لكن الفرق ان الكرتون لونه ابيض و توجد عند المحلات العادية
طبعا محفور بالدريل على نفس الطرمبة كتابة دينسو
للدلالة على انه يابانية و اصلية
شركة دينسو اليابانية
و اكثر ما تركب للجيب الشيروكي

abu morya

24/02/2009, 10:45 PM

اكثر مايكرهني في الجموس هو ( الطرمبة)

والقيرات

نفس المشكلة في الصالون شكل 99

كل ماخذ له كم شهر خربت وهات سطحة ودور ورشة

لكن الحمد لله بعناه وافتكينا ان شاء الله

koc

28/02/2009, 03:08 AM

عندى كم معلومه يمكن تفيد بخصوص لطرمبه
1- لاتعبى السياره بنزين والسياره شغاله
2- لاجيت تشغل السياره افتح السويك واسمع الطرمبه لين تشتغل ثمن شغل السياره
3- بدل فلتر البنزين كل 3 شهور
4-لاتخلى البنزين اقل من ربع
5-اضف دواء الينزين مره بالشهر
6- احرص دائما على تعبية البنزين المفلتر من المحطات
7- عند التعبئه بالمحطه خل العامل يفتح غطاء البنزين وخل الهواء يطلع قبل التعبئه

اخير وليس اخرا عند الالتزام بهذه النصائح سوف يتم اعطاء عمر اطول لطرمبه وانتهاء
اغلب المشاكل

ayaqaz

02/03/2009, 05:38 AM

السلام عليكم ورحمة الله وبركاته..

يا أخواني الله يوفقكم يبدوا والله أعلم أن لدي مشكلة في طرمبة البنزين بسيارتي سوبربان 2001 وقد كتبت المشكلة على الرابط التالي..

ما يهمني في الموضوع هو أن يدلني أحد على فني بمكة

المكرمة يستطيع تركيب طمبة لاندكروزر مكان طرمبة

سوبربان2001 وجزاكم الله كل خير..

http://www.mekshat.com/vb/showthread.php?p=2508046&posted=1#post2508046 (http://www.mekshat.com/vb/showthread.php?p=2508046&posted=1#post2508046)

أخوكم/أبوعبدالرحمن..

ايكو2002

30/07/2009, 03:29 PM

لام الله من لامك وانا اخوك وياليل البعارين والله انها معانتي بعد مع هالجمس ماتدري وش الخراب ومنين جاي على غفله وها اللمبات الي في الطبلون ماغير شيك وافحص انواع الحساسات وتروح للميكانيكي ما يبرد سبدك بعد يبي دراهمك وبس
مشكور على الموضوع الجميل

سوبر VTC

31/07/2009, 05:14 AM

لاهنتوا ياخوان

تشريفكم و تعليقاتكم اثرت الموضوع

موفقين ان شاء الله

عبدالله.999

31/07/2009, 05:33 AM

شوفو يا شباب مكشات 
 
معلومه قيمه من واقع تجربه
 
الجموووووووووووس مدري عن الشفر 
 
 
افضل الموديلات 20006.20005.20004.2000
 
اسئلوني انا اما الموديلات من 20001الى 20003
 
 
رايحه فيها كلها عيوب مصنعيه
 
واللهم لك الحمد عندي صالون جمس 2000
 
وعندي وانيت جمس 20004
 
 
كلهن شاريهن وكااااااااااله
 
والله اني كادهم كد الحفاريت 
 
بالنسبه للجمس  الصالون اللي موديل 2000 ما خليت مكان بالمملكه مارحته
 
رحت الجنوب رحت الشمال رحت الغربيه رحت الأمارات فيه كذا مره 
 
 كرفته كرف وباقي شغال الى يومكم هذا والحمدلله
 
 
وبالنسبه للوانيت اللي عندي اللي موديل 20004
 
ماخليت فيه محل في الير مارحت له سنويا اروح الصمان فيه بالمره وبالمرتين كل ربيع
 
والسفانيه والنعيريه والله ما شاء الله تبارك الله 
 
وشكرا هذي فقط معلومه صغيره 
 
وشكرا

بنزرت

31/07/2009, 07:10 AM

سلام اخوان
المعاناه هذي بس عندنا ماهي موجوده في امريكا
صحيح السيارات نفس السيارات والعطل نفس العطل في السياره لكن التجار ماهم زي التجار اللي عندنا
شوف الموقع هذا http://www.nextag.com/gmc-yukon-fuel-pump/compare-html
وشوف الصفحات اللي بعده ... اخونا فتك دور لين داخ عشان يلاقي فيش في التشليح هنا كل شئ متوفر فيش سلك ربل كل شئ يباع لحاله
وازيدكم من الشعر استراحه ... اغلب طرمبات البنزين عندهم ضمان مفتوح Lifetime Warranty

سوبر VTC

28/08/2009, 01:52 PM

اخوي عبدالله999
الله يطعمك من خيرهن و يكفيك شرهن
المواتر توافيق لاشك

اخوي بنزرت
دخلت الرابط الصراحه ما شاء الله مميز :good:
الاسعار حول بعض لكن الميزة توفر جميع القطع
لكن يبقى مشكلة قيمه الشحن + مده الشحن
علم ربعنا :mad:
اجل ضمان مفتوح
جزيت خيرا على المرور

أبوعبدالله202

28/08/2009, 02:50 PM

الله يعينك ويصبرك على موترك
هج عن الامريكي هجوجك من الاسد

سوبر VTC

28/08/2009, 03:05 PM

الله يعينك ويصبرك على موترك
هج عن الامريكي هجوجك من الاسد

كثر خيره هالجمس يابو عبدالله
سفريات و كشتات مره للصمان و مرتين للدهناء غير سفرات الاهل
لكن عزالله انه موتر خط
غير الامريكي بالخط لا تدور
و الحمدلله ما غيرت الا طرمبه ماء ب270ريال قبل 7شهور تقريبا
+ فلنجه عكس
يعني كديته 8سنين :good:

عاشق الفرعه

06/09/2009, 08:12 PM

بخلي الخبره لأهله

مغلي

07/09/2009, 01:01 PM

كثر خيره هالجمس يابو عبدالله

سفريات و كشتات مره للصمان و مرتين للدهناء غير سفرات الاهل
لكن عزالله انه موتر خط
غير الامريكي بالخط لا تدور
و الحمدلله ما غيرت الا طرمبه ماء ب270ريال قبل 7شهور تقريبا
+ فلنجه عكس
يعني كديته 8سنين :good:

اذكر في مشاركات سابقه لك ... انك غيرت 3 طرمبات ... واكتشفتا انهم يشتغلن ... والمشكله ماهيب منهن بل من اشياء اخرى

سوبر VTC

07/09/2009, 04:53 PM

اذكر في مشاركات سابقه لك ... انك غيرت 3 طرمبات ... واكتشفتا انهم يشتغلن ... والمشكله ماهيب منهن بل من اشياء اخرى

كلامك غير صحيح
الطرمبات موجودات عندي
اللي حصل ان جرم الطرمبه البلاستيك ينكسر من صفق البنزين
عند التهدئة لانه لا يوجد في التانكي جسور او عوازل تمنع الصفق
و لا يوجد قاعده في نفس التانكي من الاسفل
تمسك الطرمبه من التحرك
الحل الاخير :good:
ركبت طرمبه حديد :good:
اعطال اخرى اللي هو الريقيوريتر
موفق

مغلي

08/09/2009, 01:01 PM

شكرا للتوضيح اخي سوبر فتك

ssmq2004

21/09/2009, 01:52 AM

الله يعطيك الف عافية مشاء الله عليك تعجبني يومنك تصلح موترك بنفسك انا بعكسك اقدر اعرف العطل ولكن اعجز عن تصليحه وبالمناسبة عندي قصة ومعانة طويلة مع الطرمبات ما تتخيلها ولكن نقول حسبنا الله على Gmc

arrayyyan

30/11/2009, 09:54 AM

السلام عليكم

واقع خبرتى الكبيره

كسرالطرمبه يكون بسبب انكماش تانكى البنزين ,, لان الموديلات الجديده التانكي بلاستيك مقوى ...ففى حال انكماشه فانه يكسر الطرمبه

كيف تعرف ان التانكى ينكمش
بسيطه جدا

افتح غطا البنزين ,,, عند وجود هواء قوى ,,, ففى هذه الحاله يكون التانكى مشفوط

وللتاكد من ذلك ,,,, اغلق تانكى البانزين جيدا,, وقم بقياده السياره لفتره بسيطه ,, وبعدها انظر الى التانكى مباشره ,,, سترى بعينك انه منكمش

تحياتى للجميع

سوبر VTC

30/11/2009, 11:53 PM

شكرا للتوضيح اخي سوبر فتك

لاهنت اخوي مغلي

الله يعطيك الف عافية مشاء الله عليك تعجبني يومنك تصلح موترك بنفسك انا بعكسك اقدر اعرف العطل ولكن اعجز عن تصليحه وبالمناسبة عندي قصة ومعانة طويلة مع الطرمبات ما تتخيلها ولكن نقول حسبنا الله على Gmc

http://www.mekshat.com/vb/images/misc/progress.gif الله يعافيك
جزاك الله خير
عطنا معاناتك في اقرب فرصة
منك نستفيد و نتعلم :D
لماذا تعجز عن التصليح ؟؟؟

السلام عليكم
واقع خبرتى الكبيره
كسرالطرمبه يكون بسبب انكماش تانكى البنزين ,, لان الموديلات الجديده التانكي بلاستيك مقوى ...ففى حال انكماشه فانه يكسر الطرمبه
كيف تعرف ان التانكى ينكمش
بسيطه جدا
افتح غطا البنزين ,,, عند وجود هواء قوى ,,, ففى هذه الحاله يكون التانكى مشفوط
وللتاكد من ذلك ,,,, اغلق تانكى البانزين جيدا,, وقم بقياده السياره لفتره بسيطه ,, وبعدها انظر الى التانكى مباشره ,,, سترى بعينك انه منكمش
تحياتى للجميع
و عليكم السلام و رحمة الله
انا ماعندي انكماش بالتانكي :no2:
بدليل انه افتح الغطاء خصوصا اذا كنت مسافر و لا يطلع هواء
تجربة فقط لاغير و بمشورة راعي ورشة
قمت بفك غطاء التانكي و اخراج السبرنق حق رداد (بلف بوسطه سبرنق) الغطاء و الغائه
و النتيجة بدون فائدة على لا شيء
برضه الطرمبة تنكسر
العيب في قاعدة التانكي عيب مصنعي لا توجد قاعدة تمسك الطرمبة مع الجوانب
مع ان تركيبي للطرمبة بالملي بهدوء سنتر
طبعا ركبت طرمبه جرم حديد و ارتحت و لله الحمد
مشكور على المرور

م م ل غ د م

15/12/2009, 01:23 AM

الحمد لله أنه إنحلت المشكلة عندك مع العلم بأنني غيرت ثلاث طرمبات من نفس المشكلة (الكسر) وما أدري وش الحل مع قطع الغيار وسؤال بسيط عندي يوكون موديل2000 دبل والموتر مع الهويات يتأرجح فحصت عند المجد اليرموك العضيب ويقولون ما فيه شيئ سليم غيرت جلد المقصات وغيرت الدودة لاكـــــــــــــن نفس المشكلة أرجوا من يعرف ينورني الله يجزاه خير وشكراً

فايدالشمري

24/12/2009, 04:39 PM

سوبرvTC .....أقدم لك كل الشكر على أهتمامك بموضوعي السابق بخصوص سيارتي الفان ووصفك لي لورش العثيم وأبشرك أشتغلت السيارة ... ..واشكر كل أعضاء المنتدى

alqadi2002

11/01/2010, 04:14 PM

يعطيك الف عافية .......

ابومشخص

11/01/2010, 04:30 PM

الله يكون بعونك
الونيتات يبيلها رجل خفيفه الرجل الحاره تطلب هههههههههههههههههههههههههه

ابوحماد

11/01/2010, 06:17 PM

ابد انا مغير طرمبة الجمس 2001 بطر مبة جيب لكزس والحمد الله طالعه تمام

خزان الوادي

13/01/2010, 08:10 PM

الاخوة الاعضاء

ويسرنا دعوتكم للمشاركة فى مسابقة خزان الوادي الشهرية لافضل 3 مواضيع , على الرابط :

http://www.mekshat.com/vb/showthread.php?t=253688

مع تحيات ادارة
خزان الوادي

q8ty

13/01/2010, 08:30 PM

السلام علكم ونصيحه للأخوان اللي يبي يشتري يوكن ولا تاهو يكون الموديل من 2005 و2006 افضل موديلات وانا عندي 2005 والحمدالله فوق فوق الممتاز وصارله ثلاث سنوات عندي ولا اشتكيت منه بشي

hargan22

22/03/2010, 08:46 PM

شكرا لك وبارك الله جهودك واطال عمر والدك الميكانيكي المعتزل مثلي

تقبل اجمل تحياتي وتقديري

سوبر VTC

24/03/2010, 09:59 PM

سوبرvTC .....أقدم لك كل الشكر على أهتمامك بموضوعي السابق بخصوص سيارتي الفان ووصفك لي لورش العثيم وأبشرك أشتغلت السيارة ... ..واشكر كل أعضاء المنتدى

يعطيك الف عافية .......

الله يكون بعونك
الونيتات يبيلها رجل خفيفه الرجل الحاره تطلب هههههههههههههههههههههههههه

السلام علكم ونصيحه للأخوان اللي يبي يشتري يوكن ولا تاهو يكون الموديل من 2005 و2006 افضل موديلات وانا عندي 2005 والحمدالله فوق فوق الممتاز وصارله ثلاث سنوات عندي ولا اشتكيت منه بشي

شكرا لك وبارك الله جهودك واطال عمر والدك الميكانيكي المعتزل مثلي

تقبل اجمل تحياتي وتقديري

ابد انا مغير طرمبة الجمس 2001 بطر مبة جيب لكزس والحمد الله طالعه تمام

حياكم الله جميعا و بارك الله فيكم
الاخ فايد الله يبشرك بالخير
و جزاكم الله خير على دعواتكم

VIP-503

24/03/2010, 10:18 PM

مشاء الله عليك

تقبل مروري تحياتي

راكب الجمس

26/03/2010, 01:42 AM

هلا بك يالغااالي

سؤال

وشلون افتك من مشكله طرمبه البنزين يالليت الحل يالغالي

وشكرا

قمر الوشم

20/04/2010, 03:07 AM

أخوي السوبر أسأل الله أن يجعل جهودك في هذا المجال في ميزان حسناتك ... وبودي تكرماً أن تفيدني إذا خربت طرمبة البنزين وأنا في مقطعة ولاعندي أحد وش الحل ؟ وش السواة ؟

الرائد

09/05/2010, 12:44 PM

السلام عليكم ورحمة الله
نفس المشكلة وهي انكماش التانكي والذ يؤدي الى كسر الطرمبة. والحل بكل بساطة ان هناك منظم لدخول الهواء للتانكي يكون قدام التانكي ويحتاج الى تنظيف أو استبدال ويختفي انكماش التانكي وذلك بعد طول معاناة وتغيير اربع طرمبات. ولكم تحياتي
:good2:

f450

09/05/2010, 02:44 PM

الله يعينك يا اخي الجمس خرابات

سليمان حامد

03/09/2010, 08:57 AM

السلام عليكم:
اخواني السيارات الامريكية موصفات الخليج خاصة مشاكل الطرمبة هي:
1-ارتفاع حرارة الطرمبة داخل التانكي عندما يكون البنزين اقل من الربع دايم او المبة شغالة على طول.
يجب بأن يكون البنزين دايم اكثر من النصف لان مع كثرة التحرك بالسيارة او الدهاب بها اماكن بعيدة والبنزين اقل من النصف يتلف طرمبة البنزين لانها جدا حساسة بارتفاع الحرارة.
دايم مادة البنزين عندما تضعها على يدك تكون باردة وتحس بالفرق
ادا كانت الطرمبة دايم البنزين عليها تكون باردة وهدا يساعد على عمر الطرمبة اكثر.
#أما السيارات الاستخدام امريكي:
عند استخدامها فترة قصيرة يجب تغيرها لمادا؟
لان الامريكان دايم اسعار البنزين غير ثابتة والسيارات الامريكية اكثرها تكون مزودة بعداد خاص للبنزين يعرف كم كيلوا سوف بعدها تنطفي السيارة فلهادا هم دايم مايعبون f لاكن دايم الاجواء باردة.
بعد استخدامها في الخليج اختلف النظام جدا
#ملاحظة:
من اعطال او بداية اعطال الطرمبة ارتفاع صوتها
عند شراء الطرمبة يجب ان تشريها من الوكالة وتحضر معك رقم الهيكل او الاستمارة

سليمان حامد

03/09/2010, 08:58 AM

123456789012

سليمان حامد

03/09/2010, 09:01 AM

خربات الجمس المريكي

م م ل غ د م

13/11/2010, 02:43 AM

لو تسمحون
مداخلة الله يعين على الطرمبات وغثاها عندي يوكون موديا الفين2000 دبل ثلاث مرات ينكسر عندي الكوع اللي فوق وأغير طبعاً الطرمبة كاملة وما أدر ي وش المشكلة لكن الله يعين الجميع كلن عنده غثاة ودمتم...

رسلان الوايلي

10/07/2011, 08:59 PM

الله يعطيك العافيه
المفروض يعطونك امريكاء براء ابتكار ماشاء الله عليك

ذئب اليل

10/07/2011, 11:09 PM

الله يعينك لوكنت مكانك مصبرة علية وكان بعته من ثالث مرة تخرب الطرمبة معاي

هيتاشي

21/07/2011, 11:53 PM

ماشا الله عليك
انشهد انك من الشباب اللي يحتذابهم

بس غيرك كل ما راح للصناعيه يدفع وزاد جشع
اصحاب الورش
مايرضيهم شي اما تدفع او غيرك دفيعه

هيتاشي

22/07/2011, 12:07 AM

الله يعطيك العافية

الله يعطيك
العافية

ctbpdv

04/03/2012, 09:52 PM

اخواني انا اكتشفت ان التانكي لأنه فيبر ينصفط بعوامل الرمل عند التطعيص او الأحجار في المواقع الوعرة مما يسبب تكسير الطرمبة وكنت دائما اواجه نفس المشكلة ولما غيرتها اخر مرة استمرت معي مدة طويلة لاني صرت احافظ عليها من الدخول في تغاريز قوية تجعل الرمل يضغط على التانكي ونجحت ولكن ما لم يخطر على البال حصل الأن حيث لا يوجد في السوق طرمبات اصلية والموجود ما يطول معاك. اذكر اول مرة تخرب معي كانت الطرمبة ب4000 ريال الأن نزل الرخيص المخيس ب 1000 ريال ولا يوجد غيره شكلي يمكن اطلب بالنت يمكن احصل اصلي