لمن لهم معرفه في رفع الباثفيندر شوي ..

[عبود15]

السلام عليكم ورحمة الله وبركاته
عندي الباثفيندر الحين اذا حملت عليه اغراض او ركب احد معي وخاصة اذا كانوا اربعه او اكثر تنزل السياره من ورى ...
صراحه اشوف سيارات مثل سيارتي مرتفعه فوق وسألت قال بعضهم ركب ( كعكات ) وبعضهم قالو ركب ( ياي استرالي ) وصراحه مادري وش احسن واللي مايضر على السياره ...

:j :j
ولكم الشكررر..

[عرق جهام1]

اخوي عبود معي باث 2005م
انصحكـ بتركيب ياي استرالي واذا ان الماده حلوة ركب مساعد استرالي او مساعد جبريال الأبيض ارخص من الأسترالي وجودته قويه واحذرك من الكعكات لـئـني توهقت فيها .
موقع التركيب فيه فلبيني في محطة نفط نهاية شارع التخصصي بتجاه الشمال يركب لك واذا ما جازلك يفكها وكن ما صار شي وهو تابع لرماية . امل ان اكون اوصلت لك المعلومة وانا تحت اشارتك ،،،،،،،،

[6670]

عرق جهام1
اخوي عبود معي باث 2005م
انصحكـ بتركيب ياي استرالي واذا ان الماده حلوة ركب مساعد استرالي او مساعد جبريال الأبيض ارخص من الأسترالي وجودته قويه واحذرك من الكعكات لـئـني توهقت فيها .
موقع التركيب فيه فلبيني في محطة نفط نهاية شارع التخصصي بتجاه الشمال يركب لك واذا ما جازلك يفكها وكن ما صار شي وهو تابع لرماية . امل ان اكون اوصلت لك المعلومة وانا تحت اشارتك ،،،،،،،،
كلام سديد بس حذ بالحسبان الفرامل بيتغير عليك شوي لأ الضغط بصير على الأمام .
وتقبلوا مروري.

[صدري شمالي]

اخوي عبود انا نفس الشي موتري 2005 وكانت عندي نفس المشكله لكن بعد

تغيير الياي صار الوضع ممتاز وفوق الممتاز..

ياي استرالي لا يفوتك وهو الحل الاسلم والله اعلم..

[القمم]

لتفادي المشكله
ركبت ياي أسترالي + كعكه 1سم +مساعدات لاند 97

وطلع الموتر تمام التمام

[مجالس الرجال]

السلام عليكم 0000
من تجربه كان معي الباث وركبت له كعكات 2 سم وكنت مركب له كفرات 265-65-17 بعني اكبر من شد بلد كان مظبوط ولما رجعت كفرات شد بلد لاحظت على الموتر مع المطب يتروجح يعني يروح يمين ويسار فكيت الكعكات ورجع الموتر كما هو

[مستكشف الدروب]

كم سعر الياي الاسترالي لا هنتوا

[عبود15]

الله يجزاكم خير وما قصرتوا
انا من القصيم( الرس ) وسيارتي 2005 , يعني وين احصل الياي الاسترالي ؟؟ اذا احد يعرف ؟؟ وكم سعره ؟؟
ومشكورررررررين

[مُباشر]

سعر الياي من 550 إلى 590 والتركيب أظنه بـ 75

[إعصار]

الحل الياي ..


ركب قدام مفاس اصغر من الي ورى ..

عشان يصير الموتر انسيابي مع الهواءفي الخط ..


تحصله عند محل السنيدي في بريدة ..



وياليت تدق عليهم قبل ماتروح لهم ..



والله يوفقك ..:)

[KREEM9]

ارجوك خاله شدبلد وشكرآ

[ابوعقل]

ركب ياي استرالي

اضمن من الكعكات

ماشاء الله

http://www.Pixsup.com/uploads/529c2cdb3b.jpg (http://www.Pixsup.com)

ما شاء الله

http://www.Pixsup.com/uploads/7503d3b626.jpg (http://www.Pixsup.com)

[عبود15]

مشكورين وماقصرتوا ويعطيكم العافيه على المساعده ,, والظاهر على كلامكم الياي الاسترالي هو الاحسن والاضمن ..

[ابوعبيده]

هل اذا غيرت الياي الاسترلي لازم من تغير المساعدات ؟

[ابوعقل]

هل اذا غيرت الياي الاسترلي لازم من تغير المساعدات ؟


لازم تركب مساعد اطول من حق الوكاله

لان المساعد يبي يصير قصير

[AZOO9Z]

السلام عليكم

أخوي أنا ودي أركب هاليايات الأسترالية لكن خايف من مشكلة واحدة :

* انا الموتر يصير قاسي و ويصير في النفود و المطاب قاسي مهوب مثل يايات شد بلاده

و أيضاً مساعدات أسترالية خايف من انها هي الي فعلا بتكون قاسية في المطاب فهل أنه عفلا قاسية أم لا ؟

و الله يعافيكم .

[فارس العمور]

مداخله ياشباب

هل الحل يناسب الباث 2008 ؟

لانه نفس المشكله وهي موجوده حتى في الفكسار والجي اكس ار نفس الكلام

[أبو فهد11]

يا أخوان نصيحه اللي يبي يرفع موتره وخاصه باث فندر

يركب يايات استراليه وإذا يبي رفعه زود يركب كعكه استراليه ( ربل وهي أفضل الكعكات )

ويخلي مساعدات الوكاله عليه ولا يغيرها

وراح يشوف الفرق للأحسن وصدقوني هذه من تجربه على الباث فندر

[عبود15]

مشكورين ماقصرتوا على المجهووود

[AZOO9Z]

أخواني أنا ودي أركب هاليايات الأسترالية لكن خايف من مشكلة واحدة :

* انا الموتر يصير قاسي و ويصير في النفود و المطاب قاسي مهوب مثل يايات شد بلاده

و أيضاً مساعدات أسترالية خايف من انها هي الي فعلا بتكون قاسية في المطاب فهل أنه عفلا قاسية أم لا ؟

و الله يعافيكم .

[القمم]

اخواني
بالنسبه للمساعدات أنصح بمساعدات لاند 97
رخيصه وقويه لكن لازم ترهم له ما يكرب على طول

أنا مركب يايات أستراليه وكعكه أستراليه ومساعدات لاند
والموتر قاااسي ومطبه قااسي
لكن ترتاح في البر

[عبود15]

السلام عليكم ورحمة الله وبركاته

عندي الباثفيندر الحين اذا حملت عليه اغراض او ركب احد معي وخاصة اذا كانوا اربعه او اكثر تنزل السياره من ورى ...
صراحه اشوف سيارات مثل سيارتي مرتفعه فوق وسألت قال بعضهم ركب ( كعكات ) وبعضهم قالو ركب ( ياي استرالي ) وصراحه مادري وش احسن واللي مايضر على السياره ...


:j :j

ولكم الشكررر..



ممكن اعرف ايش اغير بالضبط لما اجي اركب الياي الاسترالي ؟؟؟؟
وكم تكلفته كل الشغل تقريبا ؟؟

[أبو فهد11]

أخزي عبود 15 تركيب الياي ما يحتاج اي شيء اضافي بس تفك ياي الوكاله وتركب هذا مكانه ويرفع لك الموتر تقريباً ثلاثه ( سم ) وإذا تبي ارتفاع اكثر

مثل ما قلت لك سابقا ركب كعكه استراليه وهي ربل وتجي كل كعكه ( 1 سم ) ويرتفع الموتر

من ورى ( 4 سم )

تكلفة اليايات على حسب علمي قبل 4 أشهر 520 ريال في محل الرمايه

تكلفة الكعكه الوحده بـ 25 ريال يعني اليمين واليسار كلها بــ 50 ريال

تكلفة التركيب عندهم في محل الرمايه بـــ 70 ريال وسعرهم في التركيب غالي

كاسرهم ويخلونه بــ 50 ريال

هذا ما لدي

واي خدمه انا حاضر