وش رايكم بالهايلكس دفرنسين غمارتين للمقناص ؟

[أبوصنيتان]

السلام عليكم و رحمة الله و بركاته

مساء الخير يا شباب

انا ناوي اشتري هايلكس دفرنسين و بخليها للمقناص و السلق لكن السؤال هل هي تنفع للطرق الوعره و النفدان القويه ؟

مثل مقناص في الرمله و في اماكن قويه على السيارات ؟


اتمنى الافادة و سبب النظر في الهايلكس الدفرنسين الحدود الماديه ما تساوي الا هايلكس دفرنسين جديد

وانا اريد جديد :)

في امان الله .

[مجالس الرجال]

والله يالغالي انا مجربها عز الله انه سياره 2006 مشت معي 100000 ولا شكت معي ابد وانا راعي جلد وبطنيج ولا قرشه ولارجعت غسلتها بستم وطلعت ولا مثله طبعا اللي معي ديزل

[مكيف لو تدري]

خذ رجال الله الله بالركاد لأنة ينقلب

[مخاوي الكشات]

إن كانك راعي سيارتين سيارة للديرة وسيارة للبر والقنص فأنا إقتراحي تأخذ هايلوكس غمارة دفرنسين حوضه طويل وعزمه أروع من الرائع ..
طبعا أبقول لك كلام واحد راعي قنص ما أعرفه ولكنه خوي وجار واحد من الأخوان يقول أنه جرب جميع الأحواض الأمريكية واليابانبية ..
أبختصر الكلام في الهايلوكس يقول الرجال وهو راعي قنص وكشتات دائمة في الربع الخالي وإذا كان ذاك وده يطلع طلعة خفيفة يعني الناس الطلعة الخفيفة عندهم هي مخطط وإلا إن كثرت الثمامة هو يا طويل العمر الطلعة الخفيفة الدهناء والتنهات هاهاهاها المهم نرج لكلامنا هو جرب هايلوكس غمارة دفرنسين موديل 2002 مدري 2004 يعني حولها المهم يقول ما مثلها قوة وسعة الحوض ولا يعلق الموتر يقول أنه إذا راح الربع الخالي يروح مع 5 أو 6 سيارات إليا بغوا يقنصون يقول والله أن معنا جيوب تغطس وهو يمشي زي الحلاوة ولا يعلق مثل الشاص بسبب أن شاصيه طويل وبعيد بين الكفرات والرجال ركب عليه هدرز علشان يزيد من قوته في في الربع الخالي والرجال يقول للكشتة واللصيد والطرد وللوناسة ممتاز ويقول عنه أنه ثاني أطول سيارة جلست معه .. وجرب الهايلوكس الغمارتين 2005 وإلي الآن معه وشراها بسبب السعة يقول انها ممتازة ويمدح بشكل قوي ويقول ممتازة ومايحتاج ولكن الغمارة مدحها بشكل كبير ..

[.أبوعبدالرحمن]

ولد عمي معه هايلكس اس جي ال اكس دفرنسين واروع ما يمكن

علما ان اللي معه غمارتين والموتر ما عليه كلام ابدا في البر بطل ويبيض الوجه وفي التحميل كذلك

ونشيييييييط ماشاء الله تبارك الله اعقلها وتوكل على الله

[بنزرت]

إن كانك راعي سيارتين سيارة للديرة وسيارة للبر والقنص فأنا إقتراحي تأخذ هايلوكس غمارة دفرنسين حوضه طويل وعزمه أروع من الرائع ..
طبعا أبقول لك كلام واحد راعي قنص ما أعرفه ولكنه خوي وجار واحد من الأخوان يقول أنه جرب جميع الأحواض الأمريكية واليابانبية ..
أبختصر الكلام في الهايلوكس يقول الرجال وهو راعي قنص وكشتات دائمة في الربع الخالي وإذا كان ذاك وده يطلع طلعة خفيفة يعني الناس الطلعة الخفيفة عندهم هي مخطط وإلا إن كثرت الثمامة هو يا طويل العمر الطلعة الخفيفة الدهناء والتنهات هاهاهاها المهم نرج لكلامنا هو جرب هايلوكس غمارة دفرنسين موديل 2002 مدري 2004 يعني حولها المهم يقول ما مثلها قوة وسعة الحوض ولا يعلق الموتر يقول أنه إذا راح الربع الخالي يروح مع 5 أو 6 سيارات إليا بغوا يقنصون يقول والله أن معنا جيوب تغطس وهو يمشي زي الحلاوة ولا يعلق مثل الشاص بسبب أن شاصيه طويل وبعيد بين الكفرات والرجال ركب عليه هدرز علشان يزيد من قوته في في الربع الخالي والرجال يقول للكشتة واللصيد والطرد وللوناسة ممتاز ويقول عنه أنه ثاني أطول سيارة جلست معه .. وجرب الهايلوكس الغمارتين 2005 وإلي الآن معه وشراها بسبب السعة يقول انها ممتازة ويمدح بشكل قوي ويقول ممتازة ومايحتاج ولكن الغمارة مدحها بشكل كبير ..
انا اعرف اللي شاصيه طويل وبعيد بين الكفرات هو اللي يعلق

[مخاوي الكشات]

وليييه والغمارة 2004 الدفرنس مهيب زينة ؟؟؟

نسيينا سبحان مغير الاحوال وين اللي يسب الغمارة 2006 دفرنسين ويقول أنها ماتنفع وحقت مدينة بس ؟؟

واللحين مرة غمارتين دفرنسين يالظالم .. هاهاهاهاهاهاهاهاها والصر احة بحثت عن إسم أبو صنيتان في قوقل بالصدفة مار ألقى لك موضوع في أحد المنتديات حاط صورة الغمارة 2004 وتسب الغمارة الدفرنسين 2006 لذلك عرفت أنه كان عندك غمارة دبل وأنا من النوع اللي إذا صرت فاضي أدخل أسماء الأعضاء موقع قوقل وأدور في أرشيفهم هاهاهاهاها ..

[مخاوي الكشات]

:) :) :) :) :)
انا اعرف اللي شاصيه طويل وبعيد بين الكفرات هو اللي يعلق
صح عليك مية في المية وأنا كنت أقصد الشاص مهوب الهلي .....

[خشيمان]

والله اشوفه مع اثنين من الشباب ...
بقره بمعنى الكلمه
ولا فيه عزم ابد
وبسرعة يمديك تاخذ شيئ ازين

[مجالس الرجال]

خذ رجال الله الله بالركاد لأنة ينقلب
كلام غيرمنطقي ضاع عمري بالهايلوكسات ولا اتردد اطلع النفود على اي جهه والمنحنيات من 80 وطالع

[ابو هشام]

تراه يناقز من أقل مطب

ما أنصح فيه

[مخاوي الكشات]

ولكن يا أخوي رغم مدحي للهلي الدبل إلا أنه لا يستاهل نهائياً سعره العالي معقولة أدفع على هلي 85 ألف 4 سلندر 2700 .. يقولون بأن ونيت المستوبيشي البابين الدبل 6 سلندر .. وعلى فكرة هذا الوانيت فاز برالي ليبيا ..

[ابووولجين]

الله الله بالإستخارة

[منصوووور]

أنا معي هيلوكس غمارتين دفرنسين 2005 مايعوقه شي ابد ماشاء الله بس المشكله في القير لاتجور عليه با الدبل الثقيل لأنه مايتحمل الجور ولا تسحب شي ثقيل بدبل :)