ساعدوني في حل المشكله

[الكايف2]

السلام عليكم اخواني النشاما
ودي اعرض عليكم المشكله وهي ان عندي باث 2002
وبهذلني المكيف ان كان احد يعرف له واحد مضبوط
راعي مكيفات يدلني عليه الله يعافيكم جميع
وتقبلوا تحياتي:confused:

[عاشق السيل]

وعليكم السلام ورحمة الله وبركاته ،،

أخوي الكايف ،، أنا أعرف سوداني بالصناعية القديمة شغلته المكيفات من ثلاثين سنة وبصراحة ناوي أروح له هاليومين واحتمال كبير بكرا الخميس فإذا لك رغبة نتخاوى سوى حط جوالك برسالة على الخاص وأبشر بعزك ،، والكلام للجميع !!

[الكايف2]

هلابك اخوي عاشق الله يعافيك علي الفزعه وان شاءالله احاول اخاويك بكره
وتلقي رقمي علي الخاص

[عاشق السيل]

وعلشان يستفيد الجميع هذا وصف ورشة السوداني :

اطلع مع مخرج 16 باتجاه الغرب وإذا جتك إشارة شارع علي بن أبي طالب رضي الله عنه اطلع يسار باتجاه الجنوب وارقى الكبري حق القطار تجيك إشارة شارع سلمان تعداها وبعدين ادخل على الخدمة لحد مايجيك شارع الأربعين على يمينك وبالزاوية مسجد العويضة ادخل مع الشارع يمين كأنك رايح لورشة المواهب واجاهك غرب وبعد ماتمشي مسافة يجيك أول فتحة بالرصيف ( يوتيرن ) لاتدخل معها تعداها وأول شارع يجيك بعدها على اليمين ادخل معاه ويصير اتجاهك شمال وشف تاسع محل على يسارك ( الورشة الهندسية ) تلقى السوداني أبوفارس ،،،،

((( وللمعلومية والله مالي دخل بالورشة لكني زبون قديم ومرتاح للرجال )))

[إعصار]

وعلشان يستفيد الجميع هذا وصف ورشة السوداني :





اطلع مع مخرج 16 باتجاه الغرب وإذا جتك إشارة شارع علي بن أبي طالب رضي الله عنه اطلع يسار باتجاه الجنوب وارقى الكبري حق القطار تجيك إشارة شارع سلمان تعداها وبعدين ادخل على الخدمة لحد مايجيك شارع الأربعين على يمينك وبالزاوية مسجد العويضة ادخل مع الشارع يمين كأنك رايح لورشة المواهب واجاهك غرب وبعد ماتمشي مسافة يجيك أول فتحة بالرصيف ( يوتيرن ) لاتدخل معها تعداها وأول شارع يجيك بعدها على اليمين ادخل معاه ويصير اتجاهك شمال وشف تاسع محل على يسارك ( الورشة الهندسية ) تلقى السوداني أبوفارس ،،،،


((( وللمعلومية والله مالي دخل بالورشة لكني زبون قديم ومرتاح للرجال )))







بيض الله وجهك بالذيب ..



والله يغفر ذنبك ويسهل دربك ..



الحمد لله ماعندي اي مشكلة مع المكيف ..



يس يعجبني حبك للخير وفزعتك دايم للشباب ..




:)

[عاشق السيل]

بيض الله وجهك بالذيب ..





والله يغفر ذنبك ويسهل دربك ..





الحمد لله ماعندي اي مشكلة مع المكيف ..





يس يعجبني حبك للخير وفزعتك دايم للشباب ..






:)




أخوي إعصار ،، وجهك أبيض ،، وهذا أقل شي نسويه لرجال مكشات وتراها قليلة بحقهم لأنهم ذيابة مثلك وشرواك يالغالي ....