فرخ ينقل بكر للبيع

[وَسَام!]

الذي اعرف عنه
طول 17*17
معلم على حبارى
لونه بين الاحمر والاشعل
مخرج من الامير احمد بن عبدالعزيز
وباقي علومه عند راعيه ماجد 0559333177
هذي صورته
http://www.mekshat.com/pix/upload02/images75/mk77173_20071022041.jpg
http://www.mekshat.com/pix/upload02/images75/mk77173_fdsf.jpg

[محمد الفهيد]

ماشالله تبارك الرحمن
الله يوفقكم انشالله

[ناصرأبونواف]

أخواني الأعزاء ما تلا حضون وجود فرق واضح بين الطيرين
ولا عيوني صابها شئ

[أسير الدمعة]

صادق يااخوي
بس يمكن التصوير من كاميرت الجوال يخدع احيان
الله يكتب اللي فيه الخير

[العمراني]

الله يرزقك بل البيعه السنعه

[وَسَام!]

أخواني الأعزاء ما تلا حضون وجود فرق واضح بين الطيرين
ولا عيوني صابها شئ
حيالله الاخوان !
كلامك صحيح يابو نواف ولونه الحقيقي على يد الصقار اما لون ظهره فهذا بعدما رشه
راعيه بعلاج القمل وزود له شوي وبغى يودع وغسله بماء وصابون وتغير لونه فعلا!

[ناصرأبونواف]

إذا كان خالي من الأمراض ويرتفع ويلحق الحمام الولع ويلعب على الملواح
هذي فتحت الباب 2500 ريال والله يرزق المسلمين

[راعي اللزقز]

علي الطير بـــ 4000 الاف ريال وتراني صامل وشكل الصوره الثانيه ريشته كنها ريشه جني عش والا مرشوش عليهااا مويه

[هدد950]

وسام صبحك اللة بالف خير اذا الطير خالي من الامراض واذا انة الطير الي على كف الرجال انا اسومة 10الاف شرط المعاينة واللة يكتب الي فية الخير وترا واللة ما سمت الا انا صامل

[العمراني]

والله الطير يستااهل الله يتمم عليك

[ناصر الحمد]

مشاء الله طير شيخ ويستاهل

[qtr5]

وش باقي عليه

وكم واصل السوم ..

[المان العرب]

ماشاء الله طير طيب والله يرزق راعيه بالبيعه الطيبه
يسناهل ابو معجب

[قلب شاهين]

ماشاء الله ،،

طير طيب الله يرزقكم بالبيعه الطيبه ،،

تحياتي / قلب شاهين ،،

[شواااش]

السلام عليكم .. مساك الله بالخير ابوصالح .. الطير طيب بالحيل الله يطرح فيه البركه انشالله .. الطير عندي بابوصالح ب 15 ألف بشرط الصحاه والطيار الزين
اذا بعتني او انك قريب من سومتي ناطر ردك عالخاص طال عمرك ..
والطير مبين عليه بالصورتين انه بالاولى كان بالموسم والثانيه بالمربطه

[وَسَام!]

هلا والله بشواش وسومتك طيبه لكن اتصل على راعيه والله يكتب اللي فيه خير!
بعدين ترى توقيعك يضيق صدري لاذكرت سالفة الطير اللي فيه!
لاهنت!

[وراد.]

الطير اللي على يد الرجال ومفرع عن اذنكم اسومه 16 الف

[gyrefalcons]

الطيور الآول فرخ و الثاني بكر يغرنس ثنو واضح من ريشته
الفرخ معلم والبكر صايد ثنتين من علوم ماجد وسبقه فارط

[وَسَام!]

الطيور الآول فرخ و الثاني بكر يغرنس ثنو واضح من ريشته
الفرخ معلم والبكر صايد ثنتين من علوم ماجد وسبقه فارط
هو نفس الطير بس يومه مفرع ايام المقناص وصورة ظهره في المربط!
اما القرناس فهو موجود في موظوع ثاني!

[بوخالد الكعبي]

بالتوفيق ان شاءالله والطير يستاهل

[وَسَام!]

للمعلوميه!
ياصقاقير مكشات الطير وصل 21000 ريال!
وقرب البيع!

[وَسَام!]

الطير بيع يااخوان بـ22000 ريال والله يرزق البايع والمشتري !
ووصل عند راعيه الجديد 23000 ريال!
والى هنا انتهى موضوعه من مكشات!

[مكتف أسد]

الطير هذا كان معي العام بكر الطير ماشاء الله يرتفع ويلحق الحمام وطياره مافيه كلام ابد لزمه زين والطير جسر على الصيد وصايد معي ثلاث كراوين وبالنسبه للشلو يجي على حمامه حيه اما اذا بالشلو والحمامه ميته يحوم حبيت اشارك للإفاده فقط

[وَسَام!]

الطير هذا كان معي العام بكر الطير ماشاء الله يرتفع ويلحق الحمام وطياره مافيه كلام ابد لزمه زين والطير جسر على الصيد وصايد معي ثلاث كراوين وبالنسبه للشلو يجي على حمامه حيه اما اذا بالشلو والحمامه ميته يحوم حبيت اشارك للإفاده فقط
:no2: :no2: ماظنيت ! الطير وين مطروح ووين محل اقامتك! بعدين الطير الان فرخ ويطلع بكر!

[مكتف أسد]

انا بالخرج وشريته العام وقنصت فيه واظنه هو لان نفس الشكل ونفس العلوم اللي وصلتني له مخرج من الامير احمد واخذته عن طريق واحد يقال علي العجمي

[وَسَام!]

ياحبيبي انت قنصت به العام بكر والطير هذا العام فرخ شاريه الامير احمد من راعيه اللي مصور معه شراه فرخ مطروح ورى الافلاج وصقاره مع الامير احمد وقيان بن محمد وخرج عليه وشراه ماجد بن معجب قبل تقريبا اقل من شهر وباعه على سبيعي والطير الان موجود في مقيض ماجد!
تبي اكثر توضيح والا يكفي!

[مكتف أسد]

طبعا شوف الصوره يختلف لكن والله العالم اذا انا ماني واهم انه نفس الطير ياوسام فيه حاجات كثيره منه وعلى فكره تراني بعته بالسوق وانا محتاج والا كان مافكيته ابد وبعته رخيص ب9500

[مكتف أسد]

على العموم الله يرزق الجميع لا تزعل طيب ههههه

[وَسَام!]

ياخوي شككتني في معرفتي الله يهديك بعدين خلاص كل واحد يزين سيارته!
بعدين شف اللي يتفرجون علينا ماصدقوا
‏وَسَام! (http://www.mekshat.com/vb/member.php?u=77173), ‏الهدد الذهبي (http://www.mekshat.com/vb/member.php?u=57321), ‏راعي فاروق (http://www.mekshat.com/vb/member.php?u=79705), ‏عبرود الشمال (http://www.mekshat.com/vb/member.php?u=60260), ‏نبع الدموع (http://www.mekshat.com/vb/member.php?u=65673), ‏قرناس صلا (http://www.mekshat.com/vb/member.php?u=63513), ‏قشاع الرمث (http://www.mekshat.com/vb/member.php?u=4475), ‏قنيص غبر (http://www.mekshat.com/vb/member.php?u=78179)

[البحر-111]

الله يرزقه
ويستاهل ماشا الله تبارك الله

[قنيص غبر]

ههههههههههههههههههههه وسام اصحاب الجيره يتابعون مشاكل اصحاب الوحوش .. يا زينك يوم تشتري طيرك مقرطس من الوكاله هههه ياعني من البيضه مختوم عليه لقنيص غبر لاحد يقول طيري ولا لا .. جواز مختوم رسمي .. تشم ريحت الوكاله فالطير لما يجيك .. خخخخخخ

[قرناس صلا]

صحيح هههههههههههههههه

والله انك خطير يا مكتف أسود

ما عندك شي جديد؟؟؟ قبل تروح السوق تكفى علمني


ما شاء الله تبارك الله الطير يستاهل ومبروك لراعيه

[وَسَام!]

قنيص غبر عندي احساس انه بيصير شي

[قشاع الرمث]

السلام عليكم ورحمة الله وبركاته

عينو خير يالربع
وسام لايهمونك الصقاره وحش .

مع احترامي للطير الي ابوه جير بيور هههه.