يا اهل المراوح فزعتكم الله لايهينكم

[ابوفيصل السهم]

السلام عليكم ورحمة الله
اخواني ودي اركب مراوح كهرب على باترول بخاخ4500 موديل 98وكذالك على داتسون بخاخ دفرنسين موديل2004وش رايكم بالنسبه للعزم وصرفية البنزين

[6670]

أخوي أبو فيصل :المراوح تغير العزم وتقلل الصرفيه ويصير الموتر يشيل نفسه وتروح حنه مروحه الوكاله( اذا شبك كلتش المروحه).

[ابوتركي666]

اخوي المراوح مثل ماقال اخونا 6670
للباترول لاتعدى مراوح ماكسيما حق موديل 2000 فمافوق وتراي اكلمك عن تجربه
اما الددسن لااعلم لاكن اسمع عن مراوح السوبارو سرعتين و إن شاء الله الشباب يفيدوك اكثر
بتوفيق الله

[ضلع الجنينه]

السلام عليكم اخوي انا عندي ددسن دفرنسين 2003
مركب مراوح سوبارو من اربع سنوات مافيها مشكله لكن للحراره مراوح حقت الوكال احسن
لكن مراوح السبارو تروح الحنه حقت الددسن والصرفيه تقل والعزم يزيد شوي
انصحك تركبها عند ابو عبدالله الي في الشرق انا مركبها عنده من الربع سنين ولا فيه مشاكل
تحياتي ابومنصور

[أبو أسامة]

وعليكم السلام ورحمة الله وبركاته

أخي الكريم : مثل ما قال الأخوان وبالنسبة للددسن ترى مروحة الكهرب وقاعدتها وتمتيدات الكهرب جاهزه كنت مركبها على 2007 سوبر جي إل وبعت الموتر والمروحه عندي إذا لك فيها نظر وتراها من شغل أبو عبدالله الدغييري اللي يوصفه لك الأخ ضلع الجنينه.

[المميـز]

بالنسبه للباترول راح تلاحظ فررق بالعزم

توكل على الله وطق المراوح الكهرب

[خشيمان]

بالنسبة للباترول..
تبي تروح الحنه (وهي اهم شيئ بالنسبة لي)
العزم والصرفية الفرق بسيط
ولكن ,,,,
بالنسبة للحرارة اذا انت راكد ما راح يفرق معك اما اذا كنت راعي كتم على الموتر بالبر (وخاصة بالصيف) تبي ترتفع الحرارة
اما مروحة الوكالة مالك امل ترتفع

اتمنى اني افدتك

[ابو سوبر]

كلام الشباب ممتاز بارك الله فيك وفيهم

انا ماشري موتر الى من اولويات الشغل اذا ماكان رقم
1
توكل على الله وقل بسم الله

[ابوفيصل السهم]

السلام عليكم
الله لايهينكم
عزالله انكم نفعتوني وبيض الله وجيهكم
الاخ ابواسامه هل سيمن المراوح ? هذا جوالي
0555219984ابوفيصل

[فتى التويم]

بعد اذن صاحب الموضوع

انا يالربع معي ددسن دفرنشين 2007


ولا ادري ان كانت تنفع المراوح عليه

لأني ابيه ينهظ عزمه

وسألت واحد قال اذا تعديت 150 ترتفع الحراره

[ابوحماد]

منهو شغل أبو عبدالله الدغييري

وين وصف ورشته

[خشيمان]

ابحث وانا اخوك في المنتدى
موجود في احد المواضيع الوصف كامل

تقبل مروري