ما أفضل توقيت للسفر بالسيارة من محافظة الخرج والتوجه لمدينة أبها ؟

[الملك المتوج]

عندي نية للسفر لمدينة أبها خلال الإسبوع القادم حيث اسكن قريب من مدينة الخرج طبعا سيكون بمعيتي عائلتي حفظها الله وسيارتي من نوع فورد كذلك لست من الذين يحملون السلاح في السفر .

السؤال كما هو في عنوان الموضوع

ما أفضل توقيت للسفر بالسيارة من محافظة الخرج والتوجه لمدينة أبها ؟
والله يحفظ الجميع ويرعاهم ويسدد لدروب الخير خطاهم

[البريدالعاجل]

افضل وقت تصلي الفجر بالطريق يعني في اخر مسجد من ديرتكم

حتى يكون الطريق بارد وآمن

واذا قرب الحر والظهر تكون اقتربت من البراد

[كاشخ 24 ساعه]

معليش بس انا جدا متحير من المواضيع المشابهه لهذا الموضوع في الفترات الاخيره وخاصه اللي يبي يسافر لابها والجنوب اول ما يفكر يفكر بالشر والمشاكل اذا بيسافر كأنه رايح لجزر الواق واق


ياخي انت رايح من الخرج لابها يعني تقريبا 800 كيلو والخط داخل ديرتك اللى هي السعوديه ولاحظ انك بتمشي أزفلت وكل 20 كيلوا تقريبا محطه وكل قريه او هجره بتمرها نقطه تفتيش + مطاعم + شقق مفروشه.

وانت وصلت لدرجه انك تبي الوقت المناسب خلال اليوم اللي يصلح للسفر لان ما معك سلاح والعايله معك!!!!


والله اني خابر الخرج كله ذيابه

ولا تزعل ياخزي بس سؤالك يعصب شوي

[السد الغزير]

ياولد الخرج .. طلبت منا مساعدة .

أنا بقولك وانت بكيفك

ياطويل العمر قبل ماتمشي لاتفكر في سلاح ومدري ايش . وان حصل السلاح كان بها واما حصا فأنت في السعودية أمن وأمان .

لكن انت بينك وبين أبها يمكن يجي 850 الى 900 كيلو على ماأظن

وأقدر الوقت تقريبا مابين تسع الى عشر ساعات بالعوايل

والأفضل انك توصل هناك في ابها قبل الظهر .. عشان يمديكم انت وعايلتك الكريمة ترتبون وضعك ووضع السكن . وتوصلون في وقت بارد (يمكن تتعبون من الخط)

يعني اقترح الافضل الافضل انك تمشي الساعة 2من الليل . وقبلها خذ كفايتك من النوم .

تحياتي للمسافرين .

[برق555]

افضل وقت ... انك تكون مرتاح وشبعان نوم .... ويكون في النهار .... وحاجز سكن ...
الله يحفظ الجميع ....

[همّام]

العادة بالنسبة لي
أمشي من الرياض الساعة الثانية ظهرا
حرارة الشمس انكسرت ،،
وتستمتع بالخط في النهار

الساعة 9 أو 9.30 أنا في السليل
آخذ عشاي وفي إحدى حدائق السليل ،،
الأطفال يلعبون ، والعشا ناكله ،، والنوم الساعة 11
محطة استراحة في الطريق ،، ومتعة للأطفال والعائلة
والصبح نبدأ السفر من جديد ،،
فطورنا الساعة 7 ،، الجو براد توصل أبها على 10.30 أو 11.30 أفضل وقت للبحث عن السكن ،،
والخط تمشيه بالراااااحة ،، يعني من أطلع من البيت أنا كاشت ..

[آل مغيرة2011]

معليش بس انا جدا متحير من المواضيع المشابهه لهذا الموضوع في الفترات الاخيره وخاصه اللي يبي يسافر لابها والجنوب اول ما يفكر يفكر بالشر والمشاكل اذا بيسافر كأنه رايح لجزر الواق واق


ياخي انت رايح من الخرج لابها يعني تقريبا 800 كيلو والخط داخل ديرتك اللى هي السعوديه ولاحظ انك بتمشي أزفلت وكل 20 كيلوا تقريبا محطه وكل قريه او هجره بتمرها نقطه تفتيش + مطاعم + شقق مفروشه.

وانت وصلت لدرجه انك تبي الوقت المناسب خلال اليوم اللي يصلح للسفر لان ما معك سلاح والعايله معك!!!!


والله اني خابر الخرج كله ذيابه

ولا تزعل ياخزي بس سؤالك يعصب شوي

هاهاها .. رد سريع .

[السفاري سابقا]

تبي النصيحة والطريقة اللي اتبعها خاصة لزيارة ابها انك تحمل العفش من العصر وتنام بعد العشاء مباشرة واذا جت الساعة 2 ليلا اتكل على الرحمن وتصلي الفجر اذا مشيت 250كيلووماتجي الساعة 9 او 10 الا انت حول البراد يعني طوال الخط وانت مبرد الفجر والصبح والضحي تكون قريب من ابها والخط امن وامان وانا توي جاي من ابها يوم الجمعة الماضية ولا تنسى تاخذ الملابس الشتوية خاصة للاطفال وتروح وترجع بالسلامة .

[ابوعبدالهادي]

أمش في الليل 000 الليل يطوي الطريق 000 والمسافة 1130 كيلو متر

[الاتصال السريع]

انا اسافر لابها كل صيف ، وامشي من الرياض بعد صلاة العصر

[abuthamer]

أما أنا فرأيي مطابق لأخي همّام . عين العقل والصواب

[راعي المسرى]

العادة بالنسبة لي
أمشي من الرياض الساعة الثانية ظهرا
حرارة الشمس انكسرت ،،
وتستمتع بالخط في النهار

الساعة 9 أو 9.30 أنا في السليل
آخذ عشاي وفي إحدى حدائق السليل ،،
الأطفال يلعبون ، والعشا ناكله ،، والنوم الساعة 11
محطة استراحة في الطريق ،، ومتعة للأطفال والعائلة
والصبح نبدأ السفر من جديد ،،
فطورنا الساعة 7 ،، الجو براد توصل أبها على 10.30 أو 11.30 أفضل وقت للبحث عن السكن ،،
والخط تمشيه بالراااااحة ،، يعني من أطلع من البيت أنا كاشت ..

عين الصواب:good: وهذا حالي إلا رحت لها وإن شاء الله ما أنت محتاج سلاح.. أمان وطاعة رحمن تفائل بالخير