استفسار هل من يسلك طريق أبها يلزمه المرور بتثليث ؟ ...تكفوون أجيبوا بسرعة

[الملك المتوج]

بعض الإخوة يذكر أن طريق أبها المزدوج يسلك المدن التالية : الحوطة –الوادي –طريب-تندحة – الخميس – أبها
مع العلم أن بعض الإخوة يذكر طريق آخر
الحوطة- الوادي –تثليث –وادي بن هشبل – الخميس -أبها

وعندما أرى خريطة الفارسي ألاحظ أن الخط السريع يمر بجانب تثليث
من يوضح هذا اللبس وله الدعوات الخالصة
حبذا يوضح الطريق المزدوج المؤدي لأبها بشكل مفصل وتوضح جميع الهجر المار بها حيث أرى في الخريطة الصبيخة والمضة وغيرها .
والله يحفظ الجميع ويرعاهم ويسدد لدروب الخير خطاه

[سسته]

والله الاخوان يفيدونك لا كن لاتخاف امن وامان

[السكب 1153]

أخوي الملك المتوج صبحك الله بالخير بالنسبة للطريق توني جاي منه قبل يومين الخط ممتاز ومزدوج من الرياض حتى الخميس مع وجود وصلات بسيطة العمل جاري فيها فالخط فيها غير مزدوج أما بالنسبة للطريق بعد الوادي تمر بمركز القيرة ويجيك بعدها محطة ساسكو وهذي قبل مدخل تثليث بخمسة كيلو يجيك بعدها الكوبري الي يفرق بك على تثليث طبعا أنت ماراح تدخلها بعد تثليث تجيك جاش بعدها تمر على الصبيخة بعد الصبيخة تمر على المضة بعد المضة يجيك الكوبري الي يفرق على طريب وهذا الطريق أحسن من الطريق الثاني الي يمر من يعرى ووادي بن هشبل لأنه مزدوج حتى الخميس بخلاف الطريق الثاني الي مسار واحد والمسافة نفسها بعد ماتفرق من الكوبري تجيك طريب وانتبه من المطبات الي فيها تراها واجد بعدها تطلع في القاعة ومن القاعة على مجعل ومن مجعل على تندحة ومنها على الخميس تقبل مروري واعذرني على القصور

[السد الغزير]

الكلام الأكيد من غير قصور في إخواننا الباقين ..

الرياض - حوطة بني تميم - الأفلاج(ليلى) - البديع - العجلية - السليل - وادي الدواسر - القيرة - تثليث - جاش - ---وفيه طريقين

اذا تبغى من طريب فهو مختصر بستين كيلو تقريبا
واذا تبغى من وادي بن هشبل فهوو اطول وزين


التحويلات : قبل العجلية بثلاثين كيلو . وبعدها بثلاثين كيلو .. يجي خط واحد
والبــــــــــــــــــــــــــــــــــــــــــــــ ـــــــــاقـــــــــــــــــــي مزدوج

[طبيب بيطري]

أخوي الملك المتوج صبحك الله بالخير بالنسبة للطريق توني جاي منه قبل يومين الخط ممتاز ومزدوج من الرياض حتى الخميس مع وجود وصلات بسيطة العمل جاري فيها فالخط فيها غير مزدوج أما بالنسبة للطريق بعد الوادي تمر بمركز القيرة ويجيك بعدها محطة ساسكو وهذي قبل مدخل تثليث بخمسة كيلو يجيك بعدها الكوبري الي يفرق بك على تثليث طبعا أنت ماراح تدخلها بعد تثليث تجيك جاش بعدها تمر على الصبيخة بعد الصبيخة تمر على المضة بعد المضة يجيك الكوبري الي يفرق على طريب وهذا الطريق أحسن من الطريق الثاني الي يمر من يعرى ووادي بن هشبل لأنه مزدوج حتى الخميس بخلاف الطريق الثاني الي مسار واحد والمسافة نفسها بعد ماتفرق من الكوبري تجيك طريب وانتبه من المطبات الي فيها تراها واجد بعدها تطلع في القاعة ومن القاعة على مجعل ومن مجعل على تندحة ومنها على الخميس تقبل مروري واعذرني على القصور



كلام مابعده كلام


مع الاخذ بعين الاعتبار خطورة الطريق من الجمال السائبة خاصة مابين الوادي وتثليث


تحياتي لك ورحلة سعيدة ان شاء الله

[الملك المتوج]

السكب 1153والسد الغزيرو طبيب بيطري

ألف شكر على التوضيح وغفر الله لكما ولوالديكما ولجميع المسلمين ورزقكما من غير لا تحتسبان