الصدام اللي يجي بعدة ... احتاج مساعدتكم

[طخيمان]

يا جماعة الخير انا من كم يوم ترودني فكرة تركيب الصدام اللي يجي فيه مسحاة ومطرقة ووو

وودي آخذ مرئياتكم حوله وعن ازين الورش وبكم يزينونه

ولكم مني جزيل الشكر

[عاشق z71]

هلا اخوي بالنسبه للدعام هذا فهو افظل واحد يفصله هو المميز تفصيل بدقه لدرجة ان محممود المصري الي هو الي يفصلها يشتغلها بالمسطره والسانتي وشغله نظيف نظيف

وسعرها اذكر زمان ركبناها على هايلوكس 450 ريال


تقبل مروري

[طخيمان]

يعطيك العافية اخوي وما قصرت

[المميـز]

حتى الورش اللي بالرس يسوونه

مثل ورشة الضويان

[طخيمان]

يعطيك العافية اخوي المميز بس والله ودي بورشة في الرياض

[القمم]

وش موترك؟؟
والمميز موجود بصناعيه الدائري الجديده

بس ترى مو ذاك الشغل

واحد من الشباب أنكسرت عليه القاعده
وأيضا سهوله رجوعها على الكبوت في حال الحوادث لا سمح الله

أنا فصلت عن المميز لسياره باثفايندر والأن الدعاميه مجدوعه بالملحق

وكان سعرها 550 مع العده ((طبعا نيكل))

[عاشق السيل]

أولا أنصحك تفصل عن المميز لدقة الشغل عندهم وتراهم بصناعية الدائري ،،

ثانيا احرص إنك تفصلها من الحديد وخذ الأغلى لأنها تجي مقاسات بالملي ،،

ثالثا ترى الأسعار ارتفعت يعني لاتتفاجئ بغلاها !!

رابعا إذا ماأعجبك المميز رح لورشة المواهب بالصناعية القديمة شغلهم تمام برضو ،،

خامسا خلها على حد الصدام وبكذا تصير قوية جدا ،،

سادسا تقبل مروري يالغالي ......

[بيبسي]

عندك ورشة فهد في الرياض في صناعية العويضه شرق الصناعيه القديمه .. على نفس الشارع مقابل ورشة وفاء نجد

[طخيمان]

الله لا يهينكم يا الربع وبالنسبة للسيارة هي لاند كروزر 97

أخوي

برايفت اخوي عاشق السيل



خامسا خلها على حد الصدام وبكذا تصير قوية جدا


ما فهمت قصدك والله ليتك توضح لي الله لا يهينك

[عاشق السيل]

فيه دعامات كبيرة يوصل إرتفاعها إلى علامة السيارة اللي بالشبك وفيه دعامات ارتفاعها تزيد عن الصدام بـ 5سم تقريبا وهذي اللي أقصدها لأنها إذا جتها صدمة لا قدر الله تضرب بالصدام وتنتهي المسألة ،، لكن الكبيرة ولأنها لالفة وداخلة إلى الشبك أي ضربة تميل على الشبك وتكسره وممكن تصل للكبوت !!

وقريبا إن شاء الله أحاول احط لك صورة للكبيرة والصغيرة (( حسب الاستطاعة )) ،،

[فتى التويم]

فيه ورشة المواهب في الصناعيه القديمه شغله مررره ممتاز


وسعره 650 ريال


بس ماتتحسف على شغله