وش أحسن بطارية تنصحوني بها .؟؟

[أخو سارة]

السلام عليكم ورحمة الله ..

حيا الله الأعضاء النشامى ..

الفزعة .. بطاريتي ماتت قبل صلاة الجمعة

السيارة يوكون 2005 والبطارية اللي خربت هي شد البلد ..

وش أحسن بطارية تنصحوني بها .؟؟

ولكم جزيل الشكر ..
:) :)

[ابوعقل]

انا معي جمس 2006

مغير البطاريه قبل 5شهور

ركبت اسي ديلكو الكترونيه

[أخو سارة]

أشكر لك المرور ..

يعني هي الأفضل ؟؟

طيب بكم سعرها ؟؟

ووين ألقاها ؟؟

[ابوعقل]

لا شكر على واجب

والله هي الافضل

والله اكثر من 250 ريال

انا بالدمام ماخذه من شارع الملك سعود

وتلقى بقطع غيار السيارات

[kalel88]

أخي الحبيب

أنا اشتريت تاهو 2003 أمريكي

وجلس معي اسبوعين وخربت بطاريته

غيرتها ببطارية آي سي ديلكو 72 / 78 بـ 360 ريال

وأول ما ركبتها لخبطت الكنبيوتر وصار القير ضعيف والمكيف ما يشتغل الكمبروسر وبهذلة

وديته للكهربائي قال الدينمو خربان

فكيت اصبع البطارية السالب وجلست 5 ساعات ثم شبكتها وشغلته وطلع فل يا سلام


تمنياتي لك بالتوفيق

[kalel88]

أخو سارة ان حبيت تشتري بطارية اي سي ديلكو فلا تشترها من البناشر لأنهم لعابين
اشترها من محلات قطع الغيار ولاحظ العدسة في أعلاها لازم تكون خضراء

وان حصلت أمريكية فهو أفضل

[هاوي الغماره]

اي سي ديلكو افضل شي انا مركبها

[شمس المغيب]

اس دلكو ولا غيرها تكد سنه بالراحه وعليها كم شهر ان الله وفق ان شاء الله ونصيحه خذها من محلات الجمله وخذ بعد ضمان الوكيل سنه من تاريخ الشراء
والله يوفق

[المشراق]

اخي الكريم مثل ما قالوا الإخوان وإذا انت في الرياض تروح شارع الريل قبل نهايةجهته الغربية وتجد اصحاب البطاريات

[مكشاتينيو]

اي سي دلكو وما عليك وسعرها 300 ريال انا مركبها قبل كم يومhttp://www3.0zz0.com/2008/07/25/15/816197712.jpg

[ناوي نيه]

والله انا مسوي مقاطعه لااي سي دلكو اولا حدها سنه وايام
وبعين دبلو سعرها الدبل ..
رحت وشريت عادي على الجمس ولله الحمد ماشيه بس زدها مويه مقطره كل فتره
انت مر على رد كار بتلقا انواع واجد

[القبقب]

خذ لك باناسونيك الى تجي من فوق حمرا أرخص وعملية أكثر ولاتحتاج الى صيانة.

[مشاغب شوي]

اذا كان الاي سي دلكو غالية بزود

جرب بناسونيك الكترونية

[القمم]

http://www3.0zz0.com/2008/07/25/15/816197712.jpg

ممتازه جدا

[alsarem]

آي سي دلكو ركبتها قبل 11شهر بعدين بداء احد الأصباع يطلع ماء ورحت للوكيل الأسبوع الماضي ومعي كرت الضمان وغيروها لي وفيه نوعية ثانية اسمها أكسايد اعتقد وكيلها التميمي حق فايرستون يمدحونها وانا مركبها على تاهو قبل شهر :good:

[ثورة الشك]

نصيحه الي سي دلكو اصبحت تصنع بالسعوديه وللمعلوميه ترا مافيها خير سنه ولا تامنها بعد كذا في اي لحظه تجي تشغل السياره وما تشتغل
فانا انصحك وانصح جميع القراء هناك نوع اسمه روكت ممتاز جدا واللي يجربها ماراح يقيرها ابد وبعدين فتره استخدامها طويله في بحور الثلاث سنوات وانت طالع وصناعتها كوريه

[سيف الظفير]

لاتاخذ الا اي سي دلكو


وسجل التاريخ بورقة عندك وخلها باليوكن

علشان تعرف متى توقيت التغيير لأن مدتها سنة او تزيد شئ بسيط


وسعرها يا الغالي بحدود 370 الى 390

وشب على راعي المحلات لاتاخذها الا بـ 370 ريال مع الضمان وهذا حقها وخذ الفاتورة ..

للمعلومية المحلات اللي فيها البنقالية وغيرهم


بيقولك عطني القديمة وبنزل سعرها 10 ريال

[شامخ ألهيلا]

اخوي فيه بطارية((( اليابانيه))) وكيلها باقادر وهي الاصليه وقليله في السوق بسبب سعرها ياصل الى 400 ريال
وماتجدها الا بالصناعيه ,, علماً ان يوجد باقادر كوري بعد ورخيص بس اتركه عنك

وطال عمرك عند البطاريه الامريكيه الي موجوده عند توكيلات الجزيره نوعيتها متازه وعمرها من سنتين الى 3 سنوات

[أخو سارة]

أعتذر عن الرد المتأخر .. بس توني أدخل المنتدى من أمس ..
ركبت أي سي ديلكو أمريكي بـ 345 وأخذ البطارية القديمة بـ 40 يعني طلعت علي 305 ..

[أخو سارة]

ابو عقل
kalel88
هاوي الغماره
شمس المغيب
المشراق
مكشاتينيو
ناوي نيه
القبقب
مشاغب شوي
القمم
alsarem
ثورة الشك
سيف الظفير
شامخ ألهيلا
أشكر الجميع على المرور .. ما قصرتوا ..

محبكم محمد