باث فايندر قير تماتيك صوت في القير ؟؟

[أبو عزوز]

السلام عليكم ورحمة الله وبركاته
واحد من الشباب بيشتري باث مستعمل قير تماتيك
يقول إذا عشقت من P إلى R يطلع صوت طقه خفيف
مدري يالربع الصوت طبيعي ولا لا
الباث موديل 2005

[أبو فهد11]

يا أخي الكريم هذه الطريقه في التعشق خاطئه مئه في المئه

وأكيد راح يطلع صوت في أي موتر لكن إذا جيت تحطه بـــp

عشق من N إلى P وشف يطلع الصوت أو لا

والموتر إن شاء الله ما فيه أي شيء

[أبو عزوز]

كيف من P إلى N
تسلسل النمر P ثم R ثم N ثم D
إذا تقصد من N ثم R ثم P هذي ما يطلع صوت الطقة

[أبو فهد11]

سواء كذا او كذا راح يطلع صوت خفيف مره

لا تقلقل حتى إذا جيت تعشقه من P إلى R

يطلع صوت خفيف فقط في الريوس

وهذا ما فيه أي شيء

وإذا حب يتأكد يفحصه عندي مكانيكي

وهذا الصوت مره علي في أنفنتي شبيه الباث فندر

[أبو عزوز]

يعني طبيعي

[القمم]

والله هذي الطقه تطلع عندي بعض الأحيان

أعتقد أنه طبيعي

[أبو عزوز]

لا هنتوا على

[الستانس]

من رايي تفحصه عند البريدي ولا ورشه الغروب

[أبو عزوز]

طيب وش الأفضل في فحص القيور
البريدي ولا الغروب
س سؤوال الدفرنس مصدي هل بالإمكان إذا رشه قار تضبط أموره وإذا ممكن وين يرشه

[escape_man]

الي عنده باث تماتيك زي خشتي بيسمع هالطقة

وهي ناتجة عن الاستعجال بالتعشيق احيانا ورفع الرجل عن الفرامل قبل لا تكتمل مرحلة التعشيق

عاديه جدا وجرب تعشق ولا ترفع رجلك عن الفرامل تلاقيها تخف

[ابو النادر]

هذي وانا اخوك عندي في سيارتي 2004 والسبب جلب المقصات الي تمسك الدفرنس وتلقاها عند الماضي الي في الصناعيه القديمه وسعره حول 300 ريال وشكرا

[مستكشف الدروب]

معي 2004 ونفس الطقة تطلع لي عادية

[الموسيقار6]

الموضوع قديم بس نبي الحل لأني أعاني من المشكله ,,