الباترول الربع يقوم على الباث فايندر في في الطعوس معقوووله..

[Eng.3beed]

بسم الله الرحمن الرحيم

في البدايه السلام عليكم ورحمة الله وبركاته ....... اخباركم ياجماعه الخير



موضوعي اليوم هو كالتالي:


انا ياجماعه الخير معي (باثفايندر 2005 )الموتر تقريبا ماشي ثنين وعشرين الف (اذكرو الله ياجماعه ترا العين حق) طبعا تماتيك موتري المهم اني محافظ عليه ومدلعه وعلى خبري اني موتري خفيف ونشيط
وفي الخط مشا الله لا يعلى عليه المهم ذاك اليوم في النفود تحداني راعي باترول ربع الفين وسته ماعدل فيه ولا شي ماعدا ان كفراته دنلوب وجنوطه ست طعش نفس حقت الفل كامل ......
وقفنا عن خشم الطعس ودعسنا وراح علي .... المهم ان الرجال راح علي تقريبا خمس مرات وانا رحت عليه مره وحده لاني كنت مدحدر موتري وهو بدا من الثبات ولا كان فيه هاك الفرق اللي يذكر


المهم اني انصدمت ياجماعه لاني كنت اتوقع موتري اقوى ياجماعه هل كلامي غلط والباترول اقوى ولا انا فيه مشكله في موتري.......


*مع العلم انه موتري كفراته شد بلد


* ومركب عليه يايات استراليه خلفيه



وش تتوقعون المشكله منه والحقيقه ياجماعه تحطمت شوي لاني توقعت موتري اقوى من كذا



ولكم جزيل الشكر ورجاء ان تبدو اقتراحاتكم


محدثكم م. عبدالاله(عبيد):d

[بـــ نجد ـــرق]

مشاء الله تبارك الله

الله يعطيكم خيرها ويكفيكم شرها

وترى ربع النيسان مهوب هين لكن موترك تماتيك ومعروف ان التماتيك اقل عزم من القير العادي في الطلوع او في القومة

[Eng.3beed]

بس ياخوي الباترول ذا نفسه مايقدر يروح علي في الخط يعني اروح عليه بمسافه كبيره

بس انه راح علي في المراقى يعني تقريبا ماخشت مزاجي:( ولكم جزيل شكري

[بواسامه]

هو اخف من موترك ومحركه قوي
ولا يضيق صدرك
بع موتر واشتر زي رفيقك ربع
وتر الطعس يبيله سواق
بدله وشف من يطلع انت ولا هو

[خشيمان]

غريبة!!
أنا معي باترول واعترف ان الباث اقوى
بس لا تنسى ان الباترول يتفوق على الباث في الطعوس بفضل نظام التعليق فيه ..
ويمكن خويك يرقى بالدبل الثقيل بالثاني وهنا يصير الباترول طيارة ما يوقفه شيئ ..
وبالنسبة للخط ..
لا تقارن الموتر بالخط والنفود
عندك على سبيل المثال الشروكي طيارة في النفود وبالخط اذا تعدى 120 طاح حيله
وعلى العكس الهايلوكس الدفرنسين ما مثله في الخط .. واذا دخل النفود سلملي عليه..

والله يحفظك انت وموترك

[escape_man]

يالبيييه

ليت من شافكم

قسم بالله لانوفر عليك انت ورفيقك بالجمس

خذ العلم وخلك عنك المزحة الي فوق

العامل الاول: نظام التعليق للباترول يساعده .. الباث لو انت رافع خشته كان ماقام عليك الباترول ابداً لكن بما ان الباث طامن فلا بد يحك ببداية الطعس ويضعف عزم التسارع.

العامل الثاني: انا معي باث 2005.. وكانت كفراته برجستون .. لو انسمه على 10 تبقى بايخه بالنفود وماتفرش على جنط 17 لو تموت.

حط جنوطك 15 وخل الكفر عريض وارفق لا تاصل السماء

ثالثاً : ترى التماتيك اضعف من العايدي بمراحل لا في القومة ولا بالتطعيس ..

[راعي المواتر]

السلام عليكم

أولاً: التنسيم موترك حطه الهواء 10 او 8 .


ثانيا: إذا موترك يطفا عزمه حطه بالثقيل لطلعه وحده بس لكي مايحتمي القير .


ثالثا : جنط 17 كشخه بس تراه يضعف العزم في الخط والطعوس (أنا مجرب)


رابعا : الكفرات 245 تراها نحيفه حاول تركب 265 عرض حقت البرادو
(((((هانكوك الأفضل في الطعوس [مجربه عمليا] )))))


خامساً: القيادة هي العامل الرئيسي بعد التنسيم والكفرات ....

[ABO AL-HESH]

اخوي شكل كفراتك برجستون ولا تنسمهن زين...
غير كفراتك لميشلان والا يوكاهاما ودق عليه...

[Eng.3beed]

ابو اسامه مشكور لتفاعلك: وبالنسبه للسواقه انا ماامدح عمري بس مهوب ازين مني بسواقته.....الله يعافيك اخوي شكرا على تفاعلك

خشميان: لا مايراقي بالثقيل وخو خويي ترى والله يعافيك على ردك ومشكور

بن غييثات: شاكر لك على حماسك والله يعطيك من خير هالجمس ويكفيك شرره وتراني من العاشقين لها السياره وكلامك اللي قلته زي ماتوقعت انا
انا اتوقع من كفراتي لانها قاسيات بالحيل ومنسمها عشره على فكه ومع ذلك ماتفرش وتعيق الموتر في المراقى .. وشاكر لك اخوي على ردك الجميل


ابو الهش وراعي المواتر: شاكر لكم على ردوكم وتفاعلكم وهذا اللي ناوي اسويه بركب له كفرات ثانيه بس خل الكفرات اللي معي تتحلل وتخلص مدتها واطق له دنلوووووب وشاكر لكم مره ثاانيه تفاعلكم



وماتسغني عن اراء الخبراء الثانين يمكن فيه شي اجهله انا




وعلى فكره انا ودي اقولكم اني انسم له عشره واذا جيت اراقي بالخفيف احطه بواحد لاني اشوف تجاوبه معي يصير افضل ومع ذلك يروح علي بنص طول تقريبا ويعافيكم ربي على تفاعلكم

[الربذي]

اما الي يقول يرقا بالثقيل
فهذا يدل على انه مايعرف بالتطعيس الا اسمه الثقيل اذا غرس او تبي عزمه جاهز وماهو حق طلعات نفود وسرعه اصلا يوصى ماتتعدى عليه سرعه 50
اما الباث كانت مع ولد عمي 20005 تصدق ياعليها عزم طبعا قير عايدي اقوى عزم وانشط من اللاوتو
تصدق اذا كان واقف وداس قوه انها ماتتحرك من مكانها ليش تقعد تفحط بالاسفلت من قوا العزم ولا تمشي الا اذا خف الدعسه
جرب كفرات هنكوك ونزل الهواء وايضا قير عادي واتحدا البترول اما الاوتو ثقيل مع النفود

[خشيمان]

اما الي يقول يرقا بالثقيل
فهذا يدل على انه مايعرف بالتطعيس الا اسمه الثقيل اذا غرس او تبي عزمه جاهز وماهو حق طلعات نفود وسرعه اصلا يوصى ماتتعدى عليه سرعه 50
اما الباث كانت مع ولد عمي 20005 تصدق ياعليها عزم طبعا قير عايدي اقوى عزم وانشط من اللاوتو
تصدق اذا كان واقف وداس قوه انها ماتتحرك من مكانها ليش تقعد تفحط بالاسفلت من قوا العزم ولا تمشي الا اذا خف الدعسه
جرب كفرات هنكوك ونزل الهواء وايضا قير عادي واتحدا البترول اما الاوتو ثقيل مع النفود

اخوي الربذي
انا ماجيت اقول لك من كلام سامعه
انا معي الموتر ودايم بالنفود وراعي مطاعس وراعي هبال
الباترول لامنك حطيته بالخفيف وعطيته ثاني طاح عزمه يبيلك تشد من بعيد
لامنك صرت بخشم الطعس يالله يرقى بالاول والاول ما يتعدى 30
اما بالثقيل يمد معك الثاني وان كانك بعيد يمديك بالثالث ..
وسلامتك

[مخاوي الكشات]

أولاً إلي يقول لك نسم على 10 أو 8 سلم لي عليه وين يا أبوي موترك ددسن وأنا ما أدري موترك جيب باث 3500 ستة سلندر فيه دبل إن كانك بتنسم نسم على 20 علشان تستانس ولا تقول إنفسخ الكفر ولا شيء طبعاً هذا إذا كنت راعي هبال على العموم موترك اخف من الباترول في النفود رغم أن سعه المكينة عند أكبر 4500 ولكنه ثقيل ولا تنسى الباترول النمرة الأولى ضعيفة بالحيل فيه وبعدين أنت أوتوماتيك يعني المفترض تحط الموتر على L أو 1 وإذا وصل الضغط 5 أو 4 غير إلى 2 وأرقى الطعس على 2 هنا يمكن أنك تصف تجنبه .. الله أعلم لكن أنا أعطيك الأسباب بعدين يمكن هو مشغل الدبل ماتدري ؟؟

[إعصار]

أبد ..

غير الكفرات ..

وارفعه شوي ..


ودربه زين قبل لا تحداه ثاني مره ..


وتشوف الي يسرك ..


معلومة ..


الباث 2005 .. في النفود شي ثاني خاص العايدي ..

[باثفايندر03]

السلام عليكم


بما اني راعي بااااث لازم اساعدك>>>بس قير عادي

بالنسبه للتماتيك بصفه عامه يوجد زراللي يطول نسم الموتر>>>في ناس يسمونه تيربوا

اذا عندك الزر جربه وما عليك

[باثفايندر03]

من ناحيه الكفرات
فيه ناس يقولون جنط 17 ما يفرش
فأنا اقوله غلطان>>>لاني في الحقيقه مجرب

الكفرات ما تفرش على طول لازم تلينها بنفسك
اكيد بتقولي كيف؟؟؟
الطريقه انك تخلي موترك منسم حول 20 - 15
في الديره (على الاسفلت)
حتى يلين وتروح قساوته

انا مجربها مع البرجستون والهنكوك
بس الهنكوك تلين اكثر

[المميـز]

ميزة الباترول انه مايفاحط في مكانه مثل موترك
والباترول دفرنس قدام يعني الدبل اقوى ودوران الكفرات منظم
لكن الباث فريولات قدام

وهذا اللي مخلي الباترول اقوى من التايوتا بالنفود

[Eng.3beed]

كا واحد ادلى براي واحس ارائكم فيها شي من الصحه


والحقيقه بالنسبه للي يقول ان الباث فريولات قدام والباترول دفرنس انا ارى ان هذا من صلح الباث لانه بيطلع اخف وزن والمفروض هذا يساعده ....

والبنسبه للي يقول لين كفراتك وحطه عشرين في الاسفلت اسمحلي اقولك ان هذا اكبر غلط صح ان بتكسب لين كفراتك لكن في المقابل ترا المكفر من داخل بتقطع وانت ماتدري ويقل عمره الافتراضي وممكن تحصل لك مشكله وانت مسرع ولا شي


وبالنسبه للاخ الي قال انه فيه زر يطول النمره هذا مو موجود بالباث فايندر نفس موديل اللي معي وعلى حسب دعستك تطول النمره مالها لا زر ولا يحزنون



وبالنسبه للي قال حطه بواحد بعدين بثنين هذا اتوقع انه يصلح مع لاعايدي لاني شفت واحد يسويه وضبط معه الامر لكن التماتيك مايضبط لان نمرته طويله واذا حطيته بثنين يموت عزم الموتر وانا مجرب هذا الامر وماضبط معي ........




واخيرا انا بعد تحليلات اكتشفت شيين هم السبب في المشكه هذي

اولا السياره من ورا خفيف ومافيها وزن وهذا يخليه يخسر وقت اول ماتدعس له ويقعد يباوش محله وثانيا كفراته قاسيات بالحيل ومهيب عريضه وايضا تتعب الموتر في الطلوع وتضيع عزمه في اول الدعسه والدليل على كلامي هذا اني يوم خليته يبدا من الوقوق وجيت انا مدحدر موتري وخليته تقريبا يمشي خمسه رحت عليه بكل بسهوله




شاكر للجميع تفاعلهم مع المووضع والله يطرح فيكم البركه ويخليكم لمنتدانا الغالي على قلوبنا



محدثكم اخوكم المهندس عبيد

[راعي المسرى]

السلام عليكم

اعقل وخل عنك تكسير الموتر ما دام الموتر نظيف خله على نظافته ولنتاب مستفيد سبقته أو سبقك

بعدين التماتيك تراه ما يتحمل الجور ولا يهمونك الأخوان مهوب فايدينك الله يهدي الجميع

وان كان في راسك حب ما طحن دور كسرة شروكي 94 وكسرة إلين تدوخ وبعه بقيمته

تقبل مروري يالغالي

[راعي طويلات]

السلام عليكم

اعقل وخل عنك تكسير الموتر ما دام الموتر نظيف خله على نظافته ولنتاب مستفيد سبقته أو سبقك

بعدين التماتيك تراه ما يتحمل الجور ولا يهمونك الأخوان مهوب فايدينك الله يهدي الجميع

وان كان في راسك حب ما طحن دور كسرة شروكي 94 وكسرة إلين تدوخ وبعه بقيمته

تقبل مروري يالغالي
مع كلام أخوي راعي المسرى
وليش مستحقر الباترول وهو ملك سيارات الدفع الرباعي الباث تسلم له مكينة الألتيما الي عليه أشوفك مستغرب كن الي قايم عليك سزوكي ديزل
وعموما القير العادي مايقارن بالتماتيك في جميع الاحوال
خصوصا الباث فرق بين العادي والتماتيك فرق كبير من تجربه للاثنين

[Eng.3beed]

هههههههههههههههههههههههههههههه الله يعافيك ياراعي الطويلات انت وراعي المسرى

ومشكورين على التفاعل وعلى العموم لا توصي حريص من ناحيه المحافظه ازهلها بس اني جربت هاك اليوم باز بموتري وانا متوقع ان موتري مرهم وطلع موب قد كذا.........
شاكر لكم تفاعلكم