سؤال لأهل الخبرة في الجيوب الديزل ؟؟

[ابو جبل]

السلام عليكم ودي أسأل عن الجيب الباترول الديزل ؟
أنا لقيت باترول ديزل موديل 98م ماشي( 250)ألف والبودي نظيف
والمحركات فيما يبدو نظيفة وحاده راعيه بـ(60) ألف
وش رايكم فيه هل هو يستاهل هالمبلغ وكيف قوته وسلوكه لأني مقرر أشتري
ديزل ذبحنا البنزين
أرجو الرد السريع يا أحباب ولكم مني الدعاء



أخوكم أبو جبل،،،،،،

[الحاتمي]

الغالي ابو جبل
اشوف ان سعرالجيب وممشاه زايد شوي
لو تزرق دبي تشتري واحد بنزين ومعه مكينة ديزل ولا مشى كثيرافضل لك وارخص
مااضن يتعدى45الف يعني توفر15الف
وترى الاخ (صقر) خبير بالديزل ماشاء الله عليه
واتوقع انه هو اللي يفيدك اكثر مني
( وعند جهينه الخبر اليقين )
عموما مبروك مقدما والله يعطيك من خيره ويكفيك شره اذا جزمت عليه او على سياره ثانيه
الحااااااااااااااااااااااااااتمي

[الدبل الثقيل]

ياخوي لاتشتري ديزل مستعمل .. لأن قطع غيار الديزل غاليه جدا ... على سبيل المثال سعر طرمبة الديزل حقت الهايلكس بعد الخصم 4الاف.....
لكن عليك باللاندكروزر جديد او شبه جديد... ولو تلاقي جي اكس ديزل موديل 2002 تراه افضل من الجكسار واخف منه ...وتراهم وقفو الجي اكس الديزل ماعاد يجي الا جكسار من 2003....

[صقر]

اخوي ابو جبل اليك رأي المجرب

المكينة اشتريتها من الامارات بـ 4500 ريال تقريبا وكلفتني كاملة مع التبديلات و... و...................... يعني الموتر كان قبل اسبوع بنزين وصار ديزل 2500 ريال فقط وغيرت مع العملية الدسك والكلاتش مع ملاحظة اني احضرت المكينة بنفسي من الامارات والان لي سنة بالضبط وما شاء الله من ابدع ما يكون لا خرابات ولا غيره ... بس يجب انك تأخذ على فرق القوة تبي تفقد قوة البنزين وتبي تحك راسك اذا شفت نفود طويل شوي.. وبالنسبة للصرفية لا تحط له ميزانيه.. اي شيء يكفيه..

وعموما راجع الموضوع التالي:

http://www.mekshat.com/vb/showthread.php?s=&threadid=11317