الى خبراء السفريات (( واقي الأتربه ))

[طبيب بيطري]

بسم الله الرحمن الرحيم

والصلاة والسلام على محمد ابن عبدالله وعلى آله وصحبة الطيبين الطاهرين

الله لايهينكم يأخواني وربعي المكشاتية

ماهو أفضل شي يوضع على مقدمة السيارة أثناء السفر خصوصاً في الطرق العاصفة الرملية ؟؟؟

لاتحرموننا من ردودكم النيره

وبارك الله فيكم جميعاً

[ABO AL-HESH]

اخوي بالنسبه للقزازه الاماميه حط عليه تضليله شفافه مع برا وتكون عازل ام 30 ريال عشان ما تمخش... وبالنسبه للوج اشوف اغلب الشباب ينصحون بشامبو لا دموع بعد اليوم

[ابو حسان الجنوبي]

اخوي بالنسبه للقزازه الاماميه حط عليه تضليله شفافه مع برا وتكون عازل ام 30 ريال عشان ما تمخش... وبالنسبه للوج اشوف اغلب الشباب ينصحون بشامبو لا دموع بعد اليوم



نفس الكلام
وكلام اخويABO AL-HESHما عليه زياده
تقبل تحياتي ودمت بود

[طبيب بيطري]

الف شكرلكما على المرور

[6670]

بالنسبه لي افضل الفيري لأنه أوفر ولايأخذ وقت معك
وزي ماقالوا الأخوان.
وتقبل مروري.

[طبيب بيطري]

بالنسبه لي افضل الفيري لأنه أوفر ولايأخذ وقت معك
وزي ماقالوا الأخوان.
وتقبل مروري.



شكرا لك اخوي 6670 على المرور

ولكن سمعت ان الفيري له تأثير على البوية هل هو صحيح ؟؟

تحياتي لك ،،،

[بيبسي]

أنا أنصحك بالتايد ... رهيب لا يفوتك .. لا أمزح لاتصدق ضلل زيرو زيرو للقزازه الاماميه من الخارج .. وعلبة فيري وعليك بالوجهيه لا تخلي شي الا تملطه ..

[6670]

أخوي العزيز:طبيب بيطري مافيه ضرر أنا من ثلاث سنين مجربه ولأثر على البدي أبدا وجميع ربعي مايحطون الأ الفيري.

[المميـز]

انا لاجيت اسافر اغبر الواجهه وممتاااااز جدا الغبار بس شرط لايرش عليه
ماده مثبته , لان التثبيت يخرب عليك لمعة البويه بعد الغسيل .

وفيه شي اسمه ( تغليييف الواجهه مع القوائم والمرايات ) عند محلات التلميع
وتكلفتها تقريبا 2000ريال , وضمانها مدى الحياة لأنها شفافه وماهي باينه ابد .

واعرف شباب حاطينها على مواترهم ومرتااااااااااحين اذا جاء يسافر مايشيل
هم السفر وهم الغبار دق سلف وامش ماشاء الله .


والله يسهل درب كل مسلم مسافر وجعله يوصل بالسلامه ويررررجع بالسلامه

[احب البرواهله]

تجليد الكتب بس يبهذلك ببقايا الغراء وتشيله بتلميع بس نتائجه ممتازه لحد الأن معي بس مدري إذا له اثار مستقبليه والشمعات فصل غطاء بلاستيك مع اني افكر اني اطنش الموتر وكل سنتين اغير الشمعات وارش الصدام بويه وبعدين عندي الجنوط راحت لمعتها والقزازه الأماميه رملت ....الخ وش تحمي وش تخلي

[ابووولجين]

الشباب ما قصروا كفوا ووفوا بس اقتراح بسيط استعمل الفيري والأنوار والكبوس إن وجدت في تجليد الكتب الشفاف وإذا رجعت بالسلامة شل التجليدة وشي ديزل يشيل لك صمغ التجليد وفقنا الله وإياك لما يحب ويرضى

[المستجيربالله]

والله انا شريت بخاخ من عند البازعي في الرياض طريق خريص


قيمة العبوة الكبيرة 60 ريال


والمنتج أمريكي


يقول البائع ان هالمادة شفافة ومضمونة بإذن الله وتروح بالماء


الحقيقة أنا شريت العبوة لكن ماجربت إلى الآن


وكلام الناس كثير حول الفيري والبرقع وبقية المواد الأخرى منهم المؤيد ومنهم عكس ذلك


والله يدلنا واياكم لما فيه الخير

[tarazan2005]

جرب الفازلين

[speed 557]

عـلبـة فـيـري بطعم الفروله او اليمونه انت وختيرك ؟؟؟

[إعصار]

البرقع ..



لا يتأثر ولا شي ..


وان تقطع .. انطله وفصل واحد جدبد ؟؟

[برق الهضب]

السلام عليكم
اخي الكريم اتكلم معك من واقع تجربه شخصية احذر الفيري فقد وضعته على سيارتي وهي جديده ولم اسمع نصيحة من نصحوني منه ولكن للأسف سبب ضرر لبوية سيارتي 0

[المميـز]

البرقع ..



لا يتأثر ولا شي ..


وان تقطع .. انطله وفصل واحد جدبد ؟؟


البررررررررقع اذا ماكان مفصل صح على الموتر يجرررربح البووويه عليك

لأنه يرفرف بالخط ويعدم البويه سلام سلام

[طبيب بيطري]

الله يعطيكم العافية جميعاً على المرور وإثراء الموضوع

بردودكم الجميلة

وبالفعل شي محير تجد كل شخص له وجه نظر ولكن ماهي الصحيحة ياترى ؟؟؟؟

شكراً للجميع

[escape_man]

السلام عليكم
اخي الكريم اتكلم معك من واقع تجربه شخصية احذر الفيري فقد وضعته على سيارتي وهي جديده ولم اسمع نصيحة من نصحوني منه ولكن للأسف سبب ضرر لبوية سيارتي 0

هذا لانك ياطويل العمر تركت الموتر كم يوم وهو عليه الفيري

المفروض اول ماتطب الديرة الي انت رايح لها على طووووول تغسل الموتر وتشيل الفيري

[الستانس]

شا مبو
ولا تدور غيره أسمع كثيرين نصحوني بالشامبو بس للحين ما جربت
يقولون عشان فيه مواد مرطيه بس الفيري عشان الدهون ومن ها القبيل فيه مواد حارقه
فيه ناس يقولون حط شحم!!!وأنا سؤالي وش يشيله



جرب الفازلين

وش لون يشال من البويه؟

[سعد777]

انا لاجيت اسافر اغبر الواجهه وممتاااااز جدا الغبار بس شرط لايرش عليه

ماده مثبته , لان التثبيت يخرب عليك لمعة البويه بعد الغسيل .


وفيه شي اسمه ( تغليييف الواجهه مع القوائم والمرايات ) عند محلات التلميع
وتكلفتها تقريبا 2000ريال , وضمانها مدى الحياة لأنها شفافه وماهي باينه ابد .


واعرف شباب حاطينها على مواترهم ومرتااااااااااحين اذا جاء يسافر مايشيل
هم السفر وهم الغبار دق سلف وامش ماشاء الله .



والله يسهل درب كل مسلم مسافر وجعله يوصل بالسلامه ويررررجع بالسلامه




سيم سيم كلام هزا نفر


انا حاط عازل من زيبارت على الأنوار الأماميه والكشافات وربع الكبوت من الأمام ممتااااااااااااازه ولا تبين ولا كأنه فيه شي

[icebird101]

الفيري ما بينفع
انا سافرت من قطر للبنان, تفجر وجه السياره والزجاج وكل شي

انا غلطت اني ما غطيت الزجاج

بس وجه السياره عملت فيه فلم

قبل السفر بيومين دهنت الوجه بفيري
وقبل بيوم عملت وجه تاني
ويوم السفر عملت وجه ثالث ورشيه عليه شويه رمل وتوكلت

جاني طوز وضليت ماشي قلت مافي امل تصير يصير شي

بعد ساعه مشي بالطوز نزلت اشوف السياره لاقيتها مدمره

الليتات الوجه الزجاج وكل شي تدمر

الحمدلله لما رجعت قطر عملت حادث بسيط وتاميني شامل فغيرت الوجه كله على حساب التامين<<< حركات

[طبيب بيطري]

شكراً لكم على المرور

ولكن بالفعل كما ذكر الاخ الستانس الشامبو أقرب للصواب

لأن الفيري يحتوي على مواد محللة للدهون مما قد يتسبب بالضرر على البوية

والشامبو اعتقد انه هو الانسب

ونريد من الاخوان التشاور حول الشامبو لنخرج بنتيجة طيبة

وبارك الله في الجميع

[icebird101]

يا شباب انا لما كنت طالع بالبر على لبنان مريت بشباب جايين من الامارات سياراتهم تلمع لاكنها مش لمعه نظافه من كلمه لكلمه طلعو راشين السياره من الامام بيبسي !!!!!

من مبدأ ان البيبسي كله سكر والسكر يعمل طبقه صلبه!!!!

وانا بصراحه شفت وضع سيارتي كيف تدمر مع الشامبو وشفت البيبسي كيف سيارتهم ولا فيها شي !!!

أذا حد عنده رأي بالبيبسي ياريت يخبرنا اذا في له جوانب سلبيه؟؟؟؟

[طبيب بيطري]

يا شباب انا لما كنت طالع بالبر على لبنان مريت بشباب جايين من الامارات سياراتهم تلمع لاكنها مش لمعه نظافه من كلمه لكلمه طلعو راشين السياره من الامام بيبسي !!!!!

من مبدأ ان البيبسي كله سكر والسكر يعمل طبقه صلبه!!!!

وانا بصراحه شفت وضع سيارتي كيف تدمر مع الشامبو وشفت البيبسي كيف سيارتهم ولا فيها شي !!!

أذا حد عنده رأي بالبيبسي ياريت يخبرنا اذا في له جوانب سلبيه؟؟؟؟

مشكور اخوي على المرور

ولكن البيبسي قد يكون جيد لانه ماء وسكر ويكون طبقة حامية ولكن ممكن يكون ازالته صعبة شوي

[icebird101]

لا ولا شي اسهل من ازالته مافي

ماي بس حتى بدون صابون

بس اهم شي انه قبل الاستعمال خض العلبه شويه عشان تفور ويطلع الغاز منها << ما حد يسأل ليش ما بعرف :-)

[طبيب بيطري]

الخض يطير الغاز اللي فيه لانه زي الاسيد يكون فقاقيع

[الخادم]

ما مثل الفيري
تحصلة في كل مكان و لكن شرط مايجلس اكثر من يوم على السيارة بمعني تغسل السيارة من يوم تاصل

[kalel88]

بسم الله الرحمن الرحيم

فيه رشة مدري وش مكوناتها لكنها تحمي البوية بإذن الله وليس لها تأثير تلاقيها عند حقين التغبيرات والرشات

لكن الفيري يشيل لمعة البوية بعد غسلة

أم القزاز فله تظليلة خفيفة جدا لكن عيبها أنها تنقشع مع الهواء

أرجو اني افدتك