إلى خبراء ومجربي اللاند من 95 إلى 97 أو الباترول من 93 إلى 97 أرجوا الدخول

[مخاوي الكشات]

بسم الله الرحمن الرحيم ..

السلام عليكم ورحمة الله وبركاته .. وبعد :

بعيداً عن التعصب والتصرفات الطفولية طرحت هذا الموضوع لأستفيد شخصياً ومن يشاركني الجهل في هذا الموضوع السؤال للخبراء والمجربين للباترول واللاند كروزر :

الباترول

من موديل 93 إلى 97 طبعاُ يوجد بخاخ ويوجد كلبليتر صحيح ؟؟

كيف هي صرفية البنزين للبخاخ والكلبليتر ؟؟

كم سعة المكينة للإثنين ؟؟

وهل الموتر تانكيين ؟؟

كيف هو عزم السيارة هل هي قوية سواء البخاخ أو الكلبليتر ؟؟ يعني فرضاً تدخل الدهناء بدون تنسيم وتمشي بأريحية ؟؟

======

الاند :

من موديل 95 إلى 97 كان الشكل القديم هل يوجد بخاخ وكلبليتر ؟؟ أم كلها بخاخ ؟؟

وكيف هي صرفية البنزين ؟؟

وما الأفضل الفكسار أم الجكس أو الجكسار ؟؟

ومالأخف الفكسار أم الجكسار ؟؟

وهل صحيح أن الفكسار دفع رباعي مستمر ؟؟

وكيف هو الجكس هل يقارن بعزم وخفة 98 فما فوق ؟؟
هل الفكسار 8 سلندر ؟؟

وكم عدد أحصنة 6 سلندر ؟؟

هل مكينة 6 سلندر مثلال 98 ؟؟

كيف هو عزم السيارة هل هي قوية ؟؟ يعني فرضاً تدخل الدهناء بدون تنسيم وتمشي بأريحية ؟؟

وهل الموتر تانكيين ؟؟

ومن الأقوى بدون تعصب بين السيارتين ؟؟ أتكلم عن الموديلات المحددة ؟؟ والمقارنة تكون للبخاخ مع البخاخ والكلبليتر مع الكلبليتر ..

[نفود بريدة]

بسم الله الرحمن الرحيم ..


السلام عليكم ورحمة الله وبركاته .. وبعد :



بعيداً عن التعصب والتصرفات الطفولية طرحت هذا الموضوع لأستفيد شخصياً ومن يشاركني الجهل في هذا الموضوع السؤال للخبراء والمجربين للباترول واللاند كروزر :





الاند :




من موديل 95 إلى 97 كان الشكل القديم هل يوجد بخاخ وكلبليتر ؟؟ أم كلها بخاخ ؟؟




وكيف هي صرفية البنزين ؟؟




وما الأفضل الفكسار أم الجكس أو الجكسار ؟؟




ومالأخف الفكسار أم الجكسار ؟؟




وهل صحيح أن الفكسار دفع رباعي مستمر ؟؟




وكيف هو الجكس هل يقارن بعزم وخفة 98 فما فوق ؟؟

هل الفكسار 8 سلندر ؟؟





وكم عدد أحصنة 6 سلندر ؟؟




هل مكينة 6 سلندر مثلال 98 ؟؟




كيف هو عزم السيارة هل هي قوية ؟؟ يعني فرضاً تدخل الدهناء بدون تنسيم وتمشي بأريحية ؟؟




وهل الموتر تانكيين ؟؟




ومن الأقوى بدون تعصب بين السيارتين ؟؟ أتكلم عن الموديلات المحددة ؟؟ والمقارنة تكون للبخاخ مع البخاخ والكلبليتر مع الكلبليتر ..







وعليكم السلام ورحمة الله وبركاته ,, هلا بك اخوي



ابتكلم عن اللاند كروزر بحكم تجربتي ,, اما الباترول ما جربته بس يحكى عنه .




انا اخوي معي لاند كروزر G الي هو اقل من الهدد تقريبا يعني السلق موديل 96 ,, وان شاء الله ابفيدك .





من موديل 95 إلى 97 كان الشكل القديم هل يوجد بخاخ وكلبليتر ؟؟ أم كلها بخاخ ؟؟




جـ: انا موتري كلبليتر ,, والي انا اعرفه ان موديل 96 و97 يجي بخاخات وكلبليتر ,, اما للــ 95 مالي علم والله به .






وكيف هي صرفية البنزين ؟؟




جـ: والله اخوي انا اعاني من صرفية البنزين مره بوسط الديرة يعني بالديرة يااااله يمشيك 420 او 430 كيلو ,, هذا اذا ما منتب تحن الموتر ,, اما اذا كنت تحنه يعني رجلك حاره يااااله يمشيك 320 او 330 كيلو ,, طبعا انا اتكلم عن الكلبليتر ,, اما البخاخ اكيد اقل صرفيه ,, وبالنسبه للسفر يعني اذا مسكت خط ,, تقريبا امشي 140 ,, صرفيته حلووه مره الصراحه بالنسبه لي ,, انا موتري تانكيين وتقريبا يمشين بالخط 650 وحوله .






وما الأفضل الفكسار أم الجكس أو الجكسار ؟؟




جـ: انت ما وضحت اخوي افضل بــ وشو ؟؟ بالنسبة للمكينه تراها وحدة ما فيه 8 سلندر للفكسار يعني من السلق الى الفكسار كها مكينه وحدة ,, اما بالفخامة اكيد الفكسار وما فيه مقارنه ويجي بعده الجكسار ثم الجكس ,, اما للقوة والعزم والتحمل اكيد الــ الجكس GX (الهدد) والي تحته الي هو الــ الجي G بعدين يجي بعده الفكسار وبعدين الجكسار ,, انا موتري الــ الجي G جاه كرف الصراحه ,,وما شاء الله الى اللحين حليو ,, شف حقين القنص ترا كلهم ياخذون GX , G لانه يتحمل واخف واقوى عزم بحكم خفته ,, بس الفكسار فيه ميزه ما فيه بكل الانواع الي هو بعضهن يجي دفع رباعي مستمر 24 ساعه ما يفصل ابد مثل الجديد .





ومالأخف الفكسار أم الجكسار ؟؟




جـ: اكيد الجكسار اخف ,, بس بفارق طفيف جدا جدا يعني ما يلاحظ .





وهل صحيح أن الفكسار دفع رباعي مستمر ؟؟




جـ: سبق وقلت انا ان الفكسار يجي بعضهن دفع رباعي مستمر وبعضهن يجي لا ,, انت والي تبي على حسب مزاجك ,, موب مثل الجديد كله دفع رباعي مستمر .





وكيف هو الجكس هل يقارن بعزم وخفة 98 فما فوق ؟؟




جـ: بالنسبة للعزم اذا كان بخاخات القديم ,, يقارن ونص بالجديد بفارق طفيف واسال مجرب مع ان موتري كلبليتر ,, اما الخفه لا اكيد الجديد اخف لان الحديد خففوه عن القديم ,, وشي ثاني القديم يجي دفرنس قدام ,, اما الجديد لا كله يجي فليورات ,, وهي اخف من الدفرنس ,, اما التحمل لا الدفرنس افضل بواجد .





هل الفكسار 8 سلندر ؟؟




جـ: لا اخوي ما يجي ثمانيه سلندر الا من 98 وفوق ,, اما القديم كله مكينه وحدة .





وكم عدد أحصنة 6 سلندر ؟؟




جـ: مالي علم وانا اخوك ,, بس ترا ما تفيدك علم عدد الاحصنه لان مثل هذه السيارات ماهي سيارات سباق ولا سرعه ,, هي سياره عائله وبر .






هل مكينة 6 سلندر مثل 98 ؟؟




جـ: اذا كانت بخاخات ايه مثله بالضبط ,, لان الجديد بخاخات ,, اما اذا كانت كلبليتر فهي تختلف .






كيف هو عزم السيارة هل هي قوية ؟؟ يعني فرضاً تدخل الدهناء بدون تنسيم وتمشي بأريحية ؟؟




جـ: اخوي بالنسبه للممشى بالبر فهي تعتمد 70% على نوع الكفرات و30% على السياره ,, مثلا:

انا كان على موتري كفرات وجنوط الوكاله الي هي الشنبر السخيف وكان الكفر الي عليه ميشلان اسخف شي الي يسمى سواطير حق الجبال ,, يعني قاسي مره ,, يوم كنت اطلع للبر بالكفرات هاذي والله ما تصدق انسمهن 15 ومشغل الدبل الخفيف ويااااله يمشي الموتر بالهيار ,, اما اذا كانت مليانه هوا انسى يمشي معك بدبل والا بدون ما فيه امل يمشي على طول يغرز ,, اما الان انا ركبت على الموتر جنوط الفكسار اللمتد عريضات وكفرات دنلوب 275\75\16 عريضات ولينات وحلوه مره ,, اذا طلعت للبر (النفود) والله ياهي تمشي بالراحه ,, كل ما عليك ان تصير كفراتك به 35 اعلى شي ولا يزود وتشغل الدبل الخفيف وتتمشى على كيف كيفك ,, يعني زبده الكلام ان الممشى يعتمد على الكفرات وبالنسبه للموتر بالكفرات العراض ممشاه حلو مره بالنفود .







وهل الموتر تانكيين ؟؟




جـ: ايه نعم تانكيين .






ومن الأقوى بدون تعصب بين السيارتين ؟؟ أتكلم عن الموديلات المحددة ؟؟ والمقارنة تكون للبخاخ مع البخاخ والكلبليتر مع الكلبليتر؟؟




جـ: اخوي اول شي فيه مواتر نايمه وفيه مواتر عزمه قوي على حسب تمرين مكينه السيارة ,, اما اذا قلت فرضا طلعناهن كلهن من الوكاله جدد ,, (((( بالنسبه لي وبدون تعصب)))) اللاند كروزر اقوى من الباترول بكلا الحالتين سواء بخاخ ام كلبليتر ,, الا الفكسار والجكسار ما ادري عنهن ,, لانهن ثقيلات ,, اما بالنسبه للراحه والفخامه ومسكت السعر والتحمل اكيد الاند كروزر ,, ترا الباترول القديم موب مثل الجديد ,, الجديد ابدعو بوه نيسان وبالنسبه لي يغطي على الاند بكل شي الا مسكت السعر والفخامه .








ارجو اخوي اني وفقت بكتابة وتوضيح الاجوبه ,, وان من صواب فمن الله ,, وان من خطأ فمن نفسي والشيطان .





والسلام عليكم ورحمة الله وبركاته





اخــوكــمـ

نــفــود بــريــدهـ

[مخاوي الكشات]

وعليكم السلام ورحمة الله وبركاته ,, هلا بك اخوي


ارجو اخوي اني وفقت بكتابة وتوضيح الاجوبه ,, وان من صواب فمن الله ,, وان من خطأ فمن نفسي والشيطان .





والسلام عليكم ورحمة الله وبركاته





اخــوكــمـ


نــفــود بــريــدهـ



مشكور وماتقصر والله يجزاك وأشكرك مرة أخرى على تحملك لكثرة الأسئلة وهذا إن دل .. دل على طيب أصلك .. بس سؤال الكلبليتر حقك سعة المكينة 4500 ؟؟

[أبو أسامة]

وعليكم السلام ورحمة الله وبركاته

بالنسبة لسؤالك عن نظام حقن الوقود ...... فنعم يجي عليه كلبليتر وبخاخ والبخاخ يجي فقط على السوبر سفاري بداية من عام 94 إلى 97 يعني ماراح تلقى سوبر سفاري بخاخ 93 شد بلد .......

بالنسبة للصرفية البخاخ يصرف أقل وإن شاء الله الشباب راح يعطونك خبر بها ( أتمنى من اللي يملكون الباترول حالياً من الموديلات 93 إلى 97 يذكرون حجم التانكي يعني كم لتر عشان يفللونه وكم يمشيهم ويذكرون هل هو كلبليتر أم بخاخ ) ........ لكن بشكل عام في كل السيارات البخاخ أقل صرفية من الكلبلتر وأفضل عزم ........

سعة مكينة البترول من عام الـ88 إلى عام 97 4200 سي سي ولا تختلف سواء بخاخ أم كلبليتر .....

بالنسبة لوجود تانكيين المنتشر والغالب وجود تانكي واحد فقط لكن بالدفعة الأخيره من عام 97 أتى على البترول تانكيين ......

بالنسبة لقوة عزم الموتر ....... طبعاً لا تقارنه بقوة عزم السيارات الجديدة يعني الددسن البخاخ لو تبي تتقاوم معه راح يروح عليك لكن الموتر ما فيه مثله بالبر وأتحدى به أي سيارة في أي تضاريس ... صراحة الموتر شهادتي به مجروحة أحببته بسبب طلعة للبر على باترول 93 والله ما تركت مكان يدخل مزاجي إلا وأنا جايه بكل بساطه لدرجة أحببت أني أقطع شعيب وأمشي على الطين وأنا معي العايله يمكن تقول مجنون معه العايله ويسوي كذا أقول لك أيه كل ما تذكرتها أقول كيف سويتها والعايلة معي لكن الموتر يشجعك على أكثر من كذا .... طولت السالفة هههههههههههه لكن مدحي للبترول لا يقلل من أحترامي للاند وأهله .....

[مخاوي الكشات]

وعليكم السلام ورحمة الله وبركاته

.... طولت السالفة هههههههههههه لكن مدحي للبترول لا يقلل من أحترامي للاند وأهله .....

مشكورو ماتقصر والله يجزاك الخير عدد الخبراء اللي قرأوا الموضوع 90 لم يرد ولم يجب منهم سوى 2 وهذا إن دل .. دل على طيب معدن الإثنين ومشكور يا أبو أسامة ويازين سالفتك لو تطول لو تجلس إلى باتسر .. :j إنفضحت مانيب سديرواي مرة >>>هاهاهاهاهااه

[راعي البندق]

يعطيكم العافيه اتحفتونا باالمعلومات الجميله

[مخاوي الكشات]

يعطيكم العافيه اتحفتونا باالمعلومات الجميله

الله يعافيك وصدق كفو ووفو ..

[نفود بريدة]

مشكور وماتقصر والله يجزاك وأشكرك مرة أخرى على تحملك لكثرة الأسئلة وهذا إن دل .. دل على طيب أصلك .. بس سؤال الكلبليتر حقك سعة المكينة 4500 ؟؟


وش دعوة اخوي ,, بالعكس تعبك راحة يالذيب ,, اصلا المنتدى مقتوح لتبادل الآراء والخبرات ,, موب الواحد يدخل يتفرج ويطلع ,, لازم يفيد ويستفيد .

الله يجزاك خير ما عليك زود يا خلفهم .

وبالنسبة للسؤال : سعة المكينة كلها وحدة بين البخاخ والكلبليتر ,, يعني كله 4500 بس الفرق البخاخ والكلبليتر .

ارجو اني افدتك اخوي

تــشــكراتــي

اخـــوكـــمـ
نــفـــود بــريــدهـ

[مخاوي الكشات]

وش دعوة اخوي ,, بالعكس تعبك راحة يالذيب ,, اصلا المنتدى مقتوح لتبادل الآراء والخبرات ,, موب الواحد يدخل يتفرج ويطلع ,, لازم يفيد ويستفيد .



الله يجزاك خير ما عليك زود يا خلفهم .


وبالنسبة للسؤال : سعة المكينة كلها وحدة بين البخاخ والكلبليتر ,, يعني كله 4500 بس الفرق البخاخ والكلبليتر .


ارجو اني افدتك اخوي


تــشــكراتــي


اخـــوكـــمـ

نــفـــود بــريــدهـ


مشكور وماتقصر والله يعطيك العافية ..

[النايف999]

نصيحه لوجه الله لا تتعدي اللاند .. هذا هو عندنا له 12 سنه وماشاء الله عليه يرررررن .. لاخرابات ولا غيره وقوه ومتانه .. يمكن يكون اثقل من الباترووول بس هو الافضل في الخدمه الباترووول مشاكله كثيره وعزمه مهوب ذاك الزووووووود

[مخاوي الكشات]

نصيحه لوجه الله لا تتعدي اللاند .. هذا هو عندنا له 12 سنه وماشاء الله عليه يرررررن .. لاخرابات ولا غيره وقوه ومتانه .. يمكن يكون اثقل من الباترووول بس هو الافضل في الخدمه الباترووول مشاكله كثيره وعزمه مهوب ذاك الزووووووود

مشكور وماتقصر والاند مايحتاج موتر ولهن أجود منه ولكن النيسان فيه حقه عز الله أن بعد أجودي