ديوان الشاعر/ ســامر

[راعي مرات]

بسم الله الرحمن الرحيم
السلام عليكم ورحمة الله وبركاته
http://www.mekshat.com/pix/upload/images6/mk8178_samr.jpg
(((المقدمه)))
الشاعر / سامر - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))

ننتضرها من الشاعر

"""""""""""""""""
""""""""""

[راعي مرات]

http://www.mekshat.com/pix/upload/images6/mk8178_rrrrrrrrrrrr55nnnnn511.jpg
""""""""""""
"""""""

أطرب الى شفت الوجيه الجميلات=او الزهر لافاح في روضه له
أشم ريحه يارفيقي وساعات=اضم ورده ضمة الخل خله
لاجيت ابا امشي وين ابا امشي وماطات=رجلي فلا تاطا على غير زله
زل من الله تنسجه هالكريمات=سحايب الوسمي تهل وتعله
ذي زهرة فلت ورقها الخفيات=وذي استحت من شوفنا ماتفله
وذي تناديني وانا اقطف وريقات=عمري قليل لاتزيدوه قله
يافيضة لبست ثياب موشات=من النفل والروض والزين كله
منها الخزامى فاح مع سبع ريحات=مع كل لون ريحةٍ مستهله
طيور الضحى غنت وغنيت بابيات=جيتك عليل ورحت مافي عله
قالوا ترى البران عنها وسيعات=فيها الفياض الزاهره قلت لِلِه

[راعي مرات]

http://www.mekshat.com/pix/upload/images6/mk8178_rrrrrrrrrrrr55nnnnn512.jpg
"""""""""""""""""""
""""""""""""
محمد ابن مهنا من اهالي شقراء وكان رجلا طيب القلب كريما محبوبا لجميع من عاشره وقد طلب مني احد اصدقائي الذين تأثروا بموت هذا الرجل ان أكتب ابياتا على لسانه تصور حاله
بعد موت ابن مهنا وكيف انه كان يعطف حتى على اخوته ومنهم
عبدالرحمن المختل عقليا


قال السليمي من حروفه ومعناه=يوم الفقيده راح يا وا سفابه
ابن مهنا فز قلبي وناداه=يوم انه امسى في القبر في ترابه
ودمعي نثرته فوق خدي ووالله=لولا الحيا لاصيح من حر مابه
امحمد اللي في المواجيب تلقاه=ياقف ويفتح للرجاجيل بابه
حتى دحيم قال وينه فقدناه=عزالله انه عوضه في شبابه
اسألك تمحى ياإلهي خطاياه=وانك تخفف يالولي من حسابه
مثل الجبل راسي ولو جاه ماجاه=ومع المرض صار الصبر من ثيابه
ضو النهار اظلم ولاعاد شفناه=فالشمس غابت عند ساعة غيابه
الزاد عفته يوم ثامن دفناه=والما تكدر في لساني شرابه
بدا حياته طيب قد عرفناه=وختامها مسك جزيل ثوابه


*** الشاعر/ سامر***


رابط القصيدة بالردود هنـــــــا (http://www.mekshat.com/vb/showthread.php?s=&threadid=15347)

[راعي مرات]

http://www.mekshat.com/pix/upload/images6/mk8178_rrrrrrrrrrrr55nnnnn53.jpg
بسم الله السلام عليكم
هذه قصه حصلت لي مع بعض الربع من سنتين نبي
الروحه لحفر الباطن لجمع الفقع ايام الربيع وكانت رحله فاشله
بكل المقاييس لا استعدادات ولا سياره توسع الصدر ولابرنامج للرحله ومعنا
سياره من نوع فورد اكسبلورر ولااكتشفنا ان ما فيها دبل الا عقب يومين يعني يوم جينا
في التغاريز لا وفي الليل بعد والربع نقوه يعني من عنتر ابن شداد وانت جاي:D المهم صفطنا
من ام الجماجم اللي لها من اسمها نصيب على شعيب جراب وعقب الصفطه بدا برنامج البهذله غرزنا ست مرات ويوم جينا نوقف وفرشنا للنوم :o وصار الليل ليلين كن بعض الربع مستاحش وقال خل نمشي احسن قلنا نشوف راي الباقين واثر كل عنتره بس من برا المهم ونشغل علشان تصير نومتنا حول الروضه :redcar: وفي وحده من هالتغريزات ( نسيت من كثرهن) مادرينا الا وهالنور اللي تحتنا ونتلفت والى ماورانا سيارات وننزل من المقرود واثر الضو قد بدت تاكل في القير :hot: :hot: ونتناحش وينحاش عنا النوم المهم ان هكااليوم و الليله مهيب اربع وعشرين ساعه ابد:confused:الله اعلم انها من ليالي امرئالقيس بس اللي مسهرنا مهوب الحب وكاد لا ونسمع اصوات مستنكره
في ليله مافيها قمر ويوم اصبح الصبح ونشغل السياره ونعشق الدبل والى مافيه قلنا مانبي الدبل ونعشق الاول وفاضي وكل نمرهتقول انا اردى من الثانيه ويوم ناضرنا تحت السياره والى نقعه
هالزيت وعرفنا في ساعه مايفيد فيها العرف ان الصوفه مهربه :eek: والله ونشغل رجلينا وهات يامشي واقرب ديره جراب وماوصلناها الا بعد ماوصلت الروح الحلقوم ونبي احد يلتفت وانس.. المهم
ننصى الاماره قلنا بس جا الفرج لكن الاماره مافيها احد واخر شي مرنااجودي منهم وقلطنا واتصلنا من عنده وجبنا سيارتين سياره تسحب من البر والتغريز وسياره سطحه تقلعه للرياض وماوصلناالرياض الا وحنا تافلين العافيه:mad:المهم يوم رد الدم في عروقي وتشاويت عقب سبوع كتبت هالقصيده الفكاهيه معالسموحه من الاخ الحربي والذيب
ياأيها الرحلة العرجاء آخرها=شر وأولها بطء وتعذيب
لقد سألت صديقي لاأمازحه=هل كان منكم رديء الوعد عرقوب
ماإن ركبنا إلى الصحراء يدفعنا=فرت مكينته فيها عذاريب
حتى انطلقنا نريد الحفر كمأته=وليس ثم مع الأعباء ترتيب
ترى المطبات في ظهري لها أثر=وفي الحشا منه نيران وتلهيب
لما نزلنا بليل لا أنيس به=قال الفريت دنا موت لكم توبوا
فقد رأينا به نارا بأسفله=وصوفة القير غطتها التهاريب
هذي الفلاة ولا صوت ليسمعنا= فليس ينفعنا طاط ولابيب
بتنا نقلب فيه الرأي في عجل=وهل يفيد مع الأموات تطبيب
كل تذكر بالإقدام عنترة=وأين عنترة منا وشيبوب
حربينا يشتكي فالجن تفزعه=والذيب يرعبه أن يُذكرَالذيب
كل العفاريت قد صارت تلاحقهم=والشاةمنظرها في الليل مرهوب
إذا تحرك صرصار على حجرٍ=قالوا أتانا من الأشباح مندوب
حتى إذا الشمس أبدت من أشعتها=قالوا الرحيل فإن الجد مطلوب
هذي جراب التي بانت منارتها=كأن بؤسابتلك الأرض مكتوب
قلناالأمير يهلي بالضيوف وقد=يقول هيا فعندي الزاد والطيب
لكننا لم نجد في بيته أحدا=فأصبح الحال طرق ثم تجريب
حتى لقينا كبيرا من كرامهم=فقال فنجالنا لابد مشروب
وفي المساء رجعنا حظنا عثر=لأنه من مطب الفرت مقلوب

*** سامر****


والسلام عليكم

[راعي مرات]

http://www.mekshat.com/pix/upload/images6/mk8178_rrrrrrrrrrrr55nnnnn544.jpg

اعزائي زوار منتديات مكشات السلام عليكم هذه قصيدة لقريب لي
توفي ابنه وله من العمر تسعه عشر عاما
فرثاه بتسعه عشربيتا


ياللي تعزوني كفى ماسمعناه=تعزاتكم لي مثل جمر وطيته
تكفون جوزوا لاتعدوا حلاياه=يزيدني حر على ماصليته
قالوا تبي تسلا وتدله وتنساه=قلت:آه لو طال العمر مانسيته
يجض قلبي كل موحيت طرياه=او شفت في سنه شباب بكيته
ياعين جودي كل دمعك لفرقاه=ولاتبخلين الدمع ملي شكيته
يعقوب عمي من البكا كود يلقاه=وانا فقيدي في الثرى مارجيته
لويفتدى بالف يمين فديناه=ولو يشترى له عمر والله شريته
لكن ذا تدبير ربى رضيناه=له مايريد وحكم ربي رضيته
يتمير لوتدري وش اللي دفناه=في تربتك يتمير خير حويته
البر والتقوى بضلعك تركناه=أشهد ويشهد له كثير دريته
جماعة التحفيظ صاحوا فقدناه=الدين والاخلاق عنوان صيته
الفجر دايم عن يميني مصلاه=وباقي الفروض اما سبقته لقيته
يحفظ كتاب الله وربي تولاه=ياقل جنسه في شباب غذيته
تسعة عشر عام أربيه وارعاه=أعد له مستقبل قد رجيته
ومرت حياته مثل حلم حلمناه=أو برق وسم لاح لي مارعيته
الله يا حبل طويل مددناه=لعبد المجيد وبامر ربي طويته
الله ياقصر كبير بنيناه=لعبدالمجيد وطاح قصر بنيته
عزاي فاخوانه عساهم على خطاه=يمشون في دربه على ماهقيته
يالله عسى الفردوس داره ومثواه=ويكون ماالسبعة على ما قريته



وقد عارضت هذه القصيده بقصيدة من الفصيح
على نفس المعنى لكل بيت:




أيا من يعزيني كفاني عزاؤكم=لقد زادني كالجمر في قدمي حرا
فلا تحرقوا قلبي بذكر صفاته=وأخلاقه إني أزيد بذا ضرا
يقولون فلتسلو وتنساه راضيا=ولست بناسي ذكره العمر والدهرا
يخفق قلبي حين أسمع ذكره=وحين أرى الشبان في مثله عمرا
أيا عين جودي بالدموع لفقده= ولاتبخلي فالدمع قد خفف الشرا
رأيت نبي الله قد ضر لابنه= فكيف أرجي لي فتى أودع القبرا
ولو كان يفدى بالرجال فديته=وأعطيته عمرا إذا كان قد يشرى
وذلك تدبير الإله رضيته=ففي لوحه المحفوظ قد كتب الأمرا
فقلت أنادي ياتمير ألا اعلمي=ففي تربك تحوين من جمع الخيرا
دفنت بك برا وتقوى تركته=شهدت بهذا والصحاب به أدرى
أولئك أهل الدين يبكون فقده=فعنوانه الأخلاق أعطت له الذكرا
لكل فروض الله قد كان سابقا= أراه على يمناي لم يترك الفجرا
لحفظ كتاب الله ربي أعانه=فمثلك في الأبناء قد أصبحوا نزرا
وقدأكمل العشرين إلا سنية=أربيه لاستقبال أيامه الأخرى
ولكن ذا الأيام كالحلم أوفقل=كبرق سحاب الوسم إذ لاح أو مرا
لعبد المجيد الأمس حبلي ممدد=ولكنني أطويه لم يشتكي قصرا
بنيت من الآمال قصرا مشيدا=فإذ بي أرى قصري الغداة وقد خرا
سأسلو بإخوان له قد حسبتهم=يسيرون ما سار الفقيد وهم أحرى
إلهي اجعل جنة الخلد داره=مع السبعة اللائي قرأت لهم خبرا

""""""""""""""
"""""""""

[ريف النشاما]

"""""""""""""""""
""""""""""
http://www.mekshat.com/pix/upload/images6/mk8178_rrrrrrrrrrrr55nnnnn50055.jpg
"
"
"
"
"
""""""""""""""""""
"""""""
"

[ريف النشاما]

رحمك الله

ياامي

فقد شاء الله ان تموتي في التاسع من محرم في يوم الجمعة من هذا العام بعد ان اضناك المرض
انطلقنا عصر ذلك اليوم لموعد لم لها لم تدرك غايته
كنت المح في عينيها ووجهها نظرة الوداع لمنزل عاشت فيه عمرا ولأبناء ربتهم صغارا هم انا واخوتي
لقد تركت ياامي في اكناف هذا المنزل بعدك الكثير من الذكريات والدموع والحزن
وكيف انسى ايام المزرعة(الاثيلة) وعشيات كنت أقضيها مع أمي
لقد رضيت بقضائك يارب وواريت أمي الثرى ثم عدت وإذا البلد غير البلد والمنزل غير المنزل وإذا أمي غير موجودة
نظرت فإذا الحزن يملأ المكان وتلك أغراضك قد جمعت وكأنها تأبى البقاء بعدك ثم نظرت وإذا القدور مغطاة والأواني مغبرة وبقايا من كليجا كنت تصنعينه على الرفوف
رحمك الله ياأمي ولكن أين مني تلك الأيام
كم من ليلة وأنا صغيركنت أسهرتك فيها من أجلي لمرض أو أيقظتك لجوع أو أشغلتك بشقاوة تتبسمين لي من أجلها
أفليس من أدنى حقك علي وقد أغلق عني باب برك أن أدعو لك وأذكرك وأحزن عليك ؟

لقد كنتما أنت ووالدي كل يرقد في مستشفى فهو لحادث أصابه وأنت لمرضك هذا

فإذا زرتك سألت عن والدي ثم هو يسألني عنك




لقد كان موقفا تصمت فيه الألسن لتسكب العبرات وتخفق القلوب




ثم أصبحت وأنا أسأل الله لوالدي تمام العافية وأدعو لك بشمول الرحمة

=============================================


قال الطبيب الموت حق وتعزيت=ثم(ن) بكيت وصحت من حر مابي
وجريت عبراتي على امي وظنيت=ان البكا يخفف عليه مصابي
واثر البكا زاد الجوى يوم رديت=واوجست جوفي من لظى الحر ذاب
عقب العصر ركبت وسمت وسميت=قالت مشينا ودمعها في الثياب
دمعة وداع(ن) شفتها او تماريت=في شمسها يوم اشرفت للغياب
ملفوفة(ن) شالت علاجات وبشيت=والقابلة في مستكن التراب
وفي ساعة(ن)في مثلها ماتهقويت=شفت القدر صابك وضيع صوابي
مايوم قال تشتكي كيف عانيت=وهي تذوق الزاد علقم وصاب
كم ليلة(ن)قامت تناجي وانا اوحيت=تقول خفف يالولي من حسابي
ان شفت في وجهك توجع وصليت=دعيت لك يمه طهور وثواب
ياكيف وديتك لقبرك وقفيت=ولاجل العزا هجيت مصراع بابي
باب(ن)من الجنة تطرف وهجيت=أوراق قلب(ن)ماجمعها كتاب
تخنقني العبرة والى رحت ناديت=اقول يايمه ولا من جواب
فقدت وجه امي وهي شمعة البيت=وصوت(ن)لنوره في دجى الليل غاب
فتحت دالوب الملابس ومريت=بالحوش والغرفة وباقي الزهاب
هذي ثيابك صوبوها وصديت=ياكيف اباصبر عنك ياوا عذابي
وشوف القدور اللي بها تالي الزيت=ذكرني الماضي وكدر شرابي
يمه خذي كاس اللبن يوم صبيت=خبري تحبينه الى ابطا وراب
وذكرت ماضي(ن) بالاثيله وونيت=على عصاريها على اول شبابي
يوم انها تنشد عساني تعشيت=مع دعوة(ن)منها عساها تجاب
الى ذكرت ايامها قلت ياليت=واثر التمني مايرد الغياب
اصبر يابيي واحمد الله تعافيت=يعطيك من فضله بليا حساب
الموعد اللي له عنينا وعديت=عساه موعد في جنان ومتاب
يارب عطها من الحساني تعاليت=اكثر من امطار(ن)حوتها السحاب

****
**
*