فزعتكم يالنشامى عاجل

[عاشق المضابيع]

أريد السفر أنا وزوجتي مع طفلي الأثنين من القصيم إلى أبها على سيارة صغيرة لأول مرة لو كلافنا عليكم أريد مايلي:
1- إتجاه الطريق خصوصاً هناك أكثر من طريق وكم المسافة
2- أسعار الشقق وأماكنها وإن أمكن الهواتف
#مع العلم هذه أول مشاركة وأنا من المتابعين القديمين في هذا المنتدى * ولكم مني جزيلا الشكر

[محب الصمت]

الطرق الى أبها متعددة لكن الطريق الذي اجمع عليه الأعضاء هو الطريق من الرياض الى الحوطة ثم الافلاج وبعدين وادي الدواسروخميس مشيط وأخيرا ابها ويبلغ طوله من الرياض الى ابها 1000 كلم تقريبا معظمه طريق سيدين ( مزدوج) لكن يفضل ان تسلكه نهارا لوجود ابل كثيره تعبره وعدم وجود حواجز على الطريق .. .
وان اردت ان تذهب عن طريق الطائف الباحة فالمسافة متقاربة مع طريق الرياض لكنه ليس بالسهل خاصة على السيارات ذات القير الاوتوماتيك وتمر ساعات وانت على سرعات 40 - 80 كلم ولكن ما يميزة كثرة القرى والهجر الجميلة التي يمر بها فضلا عن المدن المعروفة كالباحة وبلجرشي والنماص وغيرها .
وان اردت الاختصار فعليك بطريق ظلم الخرمة رنية بيشة خميس مشيط ابها لكنه ما يعيبه قلة المحطات وتباعدها وكثرة الابل السالكة له ,,,
عموما اتمنى لك ولاسرتك سفرا سعيدا وعوداحميدا ,,,

[عاشق المضابيع]

لك أشكر على التوضيح الجميل ودمت بخير،ولكن ماقلت لي طريق أتربة الخرمة أفضل وأقرب

[محب الصمت]

من ناحية المسافة للقادم من القصيم بالتأكيد طريق الخرمة رنية بيشة أقرب لكن له عيوبه التي أوضحتها ,,,

[عاشق المضابيع]

من ناحية المسافة للقادم من القصيم بالتأكيد طريق الخرمة رنية بيشة أقرب لكن له عيوبه التي أوضحتها ,,,
بارك الله فيك يا محب الصمت عزالله إنك ماقصرت وكفيت وفيت... كنك مقهويني من ادلالك،،،،،،،،،تقبل خالص شكري لك

[النشمي11]

تاصل بالسلامة ان شاء الله

كان تبي شوري

عليك بطريق الخرمة

حلو وسريع وبدون جبال حتى بيشه

والمحطات ما تاصل خمسين كيلو الا وتجيك محطه

أنا ماشيه مرتين من قبل

والأسبوع الجاي ابروح معه ان شاء الله

كان بك خوة

أربع سيارات متوجهين معه باذن الله

الطريق هو

بعد ما تمسك السريع من عند ظلم طريق عفيف

تجيك لوحة الخرمة اطلع معها

وبعد ثمانين ك تجيك الخرمة

ثم رنية

ثم يجيك مفرق

يمين الباحة والطريق الجبلي

ويسار بيشه وطريق الوادي

عشرين ك وانت في بيشه

ثم 180 ك وانت بخميس مشيط

20 ك أبها

والحمد لله على السلامة

نبي نمشي يوم 2 - 8 ان شاء الله من القصيم

هاه تبي تخاوينا

اخوك ابو محمد

[ابشرو بالسيل]

الطريق من الرياض الى الحوطة ثم الافلاج وبعدين وادي الدواسروخميس مشيط وأخيرا ابها ويبلغ طوله من الرياض الى ابها 1000 كلم (هو افضل طريق ,كما ذكر اخونا محب الصمت )

[عاشق المضابيع]

مرحباً بك يالنشمي وعز الله إن خوتكم تنشرى ولكن ماقلت لي كم المسافة من القصيم إلى أبها وأسعار الشقق إن أمكن وأفضل الأماكن بالنسبة للعوائل وتقبل خالص تحياتي يالجار ورافقتكم السلامة ياأبا محمد،،،،

[عاشق المضابيع]

الطريق من الرياض الى الحوطة ثم الافلاج وبعدين وادي الدواسروخميس مشيط وأخيرا ابها ويبلغ طوله من الرياض الى ابها 1000 كلم (هو افضل طريق ,كما ذكر اخونا محب الصمت )
مرحباً بك أخوي ،، ما تلاحظ أن المسافة من القصيم إلى الرياض ثم أبها أبعد شوي ،،ولك مني جزيل الشكر

[نقى المطوع]

يا رجال خلك بنفود القصيم انفه لك
واوفر
خخخخخخخخخخخخخ
رحتو والا توكم