بشوركم افتك من الازعاج

[هيف راعي كيف]

السلام عليكم ورحمه الله


كيفكم اخواني اعضاء مكشات


تصدقون اني اتصفح هالمنتدى كل يوووم من سنتين ومن العجز ما سجلت:D


والحمدلله اليوم جيتكم بالعده والعتاد:j


انا ابي شوركم>>تسنه بيصيح:D


اول شي بقولكم اني من عشاق السيارات القديمه النظيفه >>>شايب:D


وشريت سياره نوع جيب لاند كلوزر GXموديل (1991م) بصراحه الموتر وكاله ومخززن ما مشاء واجد ونظييف بالحيييل:cool:


لكن مثلكم عارف ان مكينه الواحد ثقيله والمروووووحه زاعجتني يطلع لها صووت والموتر نظيف وابي اكده في مشواري اليومي للبر:(


اللي ابيه منكم وش الحل في صوت المروحه وحنتها:no: ؟؟


وجزاكم الله خيير




وبالمره رحبو فيني:D

[منصوووور]

وعلبكم السلام أخوي راعي الكيف ممكن أنك تركب تماتيك للمروحه أو أنك تركب مراوح كهرب وأنا أنصحك تركب مراوح سوبارو لأنها عمليه ترا السوبارو تجي حجمين كبير وصغير وهي سرعتين

وتقبل مروري
ويا مرحبابك

[ذيب الزلفي]

يا هلا والله بك ومرحبا ...

والله ما عندي لك حل..

بس حبيت أهلي بك وأكون أول من يرد عليك...

[جت كذا]

مرحباً بك ونصيحتي لك ركب ميكنه 4500 بمروحتها وبخاخات وريح راسك تحصلها ب9000ريال في الحاير حقت شاص 2004 وجديده وبالتوفيق

[هيف راعي كيف]

وعلبكم السلام أخوي راعي الكيف ممكن أنك تركب تماتيك للمروحه أو أنك تركب مراوح كهرب وأنا أنصحك تركب مراوح سوبارو لأنها عمليه ترا السوبارو تجي حجمين كبير وصغير وهي سرعتين

وتقبل مروري
ويا مرحبابك


هلا بمنصووور

طيب مرواح السوباروا تخفي الصوت تماما >>ياهووو غاثه:D

اشكرك على ردك :)

[هيف راعي كيف]

يا هلا والله بك ومرحبا ...

والله ما عندي لك حل..

بس حبيت أهلي بك وأكون أول من يرد عليك...


ياهلا بذيب الزلفي بشر عن السبله نشفت والا للحين:D

المهلي ما يولي ويكفيني ترحيبك:)

[هيف راعي كيف]

مرحباً بك ونصيحتي لك ركب ميكنه 4500 بمروحتها وبخاخات وريح راسك تحصلها ب9000ريال في الحاير حقت شاص 2004 وجديده وبالتوفيق


هلا اخووي

ما اخفيك ان هذا اللي براسي:D

بس اخر العلاج الكي وتعرف مشاكل المكاين:confused:

ماقصرت على ردك والله يوفقك

[عاشق z71]

الحل الجذري لها انك تركب مراوح كهرب منفصله تفصلها عن سير المكينه

وبكذا تروح صوت الازعاج
تقلل من حرارة المكينه
تقلل الصرفيه شي بسيط
تريح الموتر

[الثويرات]

http://www.mekshat.com/pix/upload/images39/mk55341_zaz.gif


انا من رايي انك تركب تماتيك يمكن التماتيك الي عندك خربان مايفصل ابد يعني دايم شابك

[قرقاص888]

ياهلابك ومرحبا بك ياعزيزي
عندك حلين اختر واحد منهن
1-مراوح كهرب
2- تماتيك مروحه
وتبي شوري لاتركب مكينه اذا المكينه حقك نظيفه
لانه مافيه مثل البلد ابد
ماغير قثرده وغرابيل
وتقبل مروري اخوي
تحياتي

[ذيب الزلفي]

ياهلا بذيب الزلفي بشر عن السبله نشفت والا للحين:D





المهلي ما يولي ويكفيني ترحيبك:)


حياك الله ...

وبالنسبة للسبلة نشفت خزاناتنا ... ما بالك بالسبلة مع هالحر الشديد...

لكن حلوقنا ما نشفت بالترحيب بك ضيف علينا ... وخلك ضيفنا في صيفنا..

[سوبر152]

مرحباً بك ونصيحتي لك ركب ميكنه 4500 بمروحتها وبخاخات وريح راسك تحصلها ب9000ريال في الحاير حقت شاص 2004 وجديده وبالتوفيق

[AMAZ]

اول شي اخي الحبيب عندك غلط في كتابة :
لكلوزر هي تكتب كروزر
ثاني شي
ركب مراوح كهرباء وان شاء الله تدعيلي .

[المميـز]

ياهلا والله وغلا ... منور المنتدى بوجودك معنى

وان شاء الله انك تفيد وتستفيد يالغالي

وبالنسبه لموضوع موترك امره هين ان شاء الله

نصيحتي لك ركب له مراوح كهرب + فرارات للدبل + هدرز كامل << الهدرز خله اخر حل
اذا حسيت ان الموتر ماخف معك ركب الهدرز اما اذا خف مع المراوح والفرارت خلاص لاتفكر بالهدرز

للمعلوميه / الهدرز عباره عن اكزوز اوسع من اكزوز الوكاله , والهدرز الكامل يعني مع الكنداسه الوسطية وتغير المواصير كامل الى فتحة الشكمان

واي سؤال حاضرين

[ابشرو بالسيل]

ارحب ياراعي الكيف

[هيف راعي كيف]

الحل الجذري لها انك تركب مراوح كهرب منفصله تفصلها عن سير المكينه

وبكذا تروح صوت الازعاج
تقلل من حرارة المكينه
تقلل الصرفيه شي بسيط
تريح الموتر


ياهلا وغلا بالعاشق

كل اللي ذكرت كلام طيب وزين >>جازله:D

طيب وين احصلها فيه وهل هي مخصصه للتايوتا او ترهيم:confused:

اشكرك على تجاوبك لاعدمتك

[هيف راعي كيف]

http://www.mekshat.com/pix/upload/images39/mk55341_zaz.gif




انا من رايي انك تركب تماتيك يمكن التماتيك الي عندك خربان مايفصل ابد يعني دايم شابك






هلا اخووي

بالنسبه للصوت مره يحتفي ومره يطلع هذا يدل عن ان التماتيك خرباااان ؟؟:confused:

اشكرك على تشريفك

[هيف راعي كيف]

ياهلابك ومرحبا بك ياعزيزي
عندك حلين اختر واحد منهن
1-مراوح كهرب
2- تماتيك مروحه
وتبي شوري لاتركب مكينه اذا المكينه حقك نظيفه
لانه مافيه مثل البلد ابد
ماغير قثرده وغرابيل
وتقبل مروري اخوي
تحياتي


هلا بالقريص يوم شفت اسمك سالت لعابي:D

التاميتك شغال لانه يفصل ويطفي بس مدري ابيه يكست مرره:D ؟؟

والماكينه ماني مركب:no2:

اشكرك على الشور الطيب:)

[هيف راعي كيف]

حياك الله ...

وبالنسبة للسبلة نشفت خزاناتنا ... ما بالك بالسبلة مع هالحر الشديد...

لكن حلوقنا ما نشفت بالترحيب بك ضيف علينا ... وخلك ضيفنا في صيفنا..


هههههههه

دايم المتسان ما يحليه غير اهله

المهلي ما يولي

[هيف راعي كيف]

مرحباً بك ونصيحتي لك ركب ميكنه 4500 بمروحتها وبخاخات وريح راسك تحصلها ب9000ريال في الحاير حقت شاص 2004 وجديده وبالتوفيق


ما اختلفنا لو اظمن جودتها ركبتها وريحت نفسي الموتر نظيف ويستاهل لابدي ولاشكل
بس يعيفك بسالفة الماكينه هالعماله النصابه:no:

بس خبرك ماكينه(1991م) تسنك على جحش:D ثقيله طينه:mad:

اشكرك يالسوبر

[هيف راعي كيف]

اول شي اخي الحبيب عندك غلط في كتابة :
لكلوزر هي تكتب كروزر
ثاني شي
ركب مراوح كهرباء وان شاء الله تدعيلي .


هلا اخوي لاتدقق واجد تعرف السياره قديمه ومايعترفون فيها شركة الكروزر:D

بدعيلك وبدعيلي بالتوفيق حتى لو ما صلحت طلتك تكفي:good:

[هيف راعي كيف]

ياهلا والله وغلا ... منور المنتدى بوجودك معنى

وان شاء الله انك تفيد وتستفيد يالغالي

وبالنسبه لموضوع موترك امره هين ان شاء الله

نصيحتي لك ركب له مراوح كهرب + فرارات للدبل + هدرز كامل << الهدرز خله اخر حل
اذا حسيت ان الموتر ماخف معك ركب الهدرز اما اذا خف مع المراوح والفرارت خلاص لاتفكر بالهدرز

للمعلوميه / الهدرز عباره عن اكزوز اوسع من اكزوز الوكاله , والهدرز الكامل يعني مع الكنداسه الوسطية وتغير المواصير كامل الى فتحة الشكمان

واي سؤال حاضرين


المميز على اسمك:)

والمنتدى منور برجاله اللي فيه شروى هالوجه

الفرارات مركبه فيه ومشيه خفيف بس لانطحه الهواء دج:D

مرواح الكهرب وين احصلها؟؟

والهدرز دوره بس يخفف الصوت؟؟ وهل له دور بسرعة السياره ؟؟

ما تقصر والله

[هيف راعي كيف]

ارحب ياراعي الكيف


المهلي ما يولي

مرورك شرف لي

[راعي المقانيص]

اخوي الغالي انا اذكر واحد قابلته في الصناعيه من قديم شوي كان معه شاص موديل 90 او 89 ما اتذكر والله

ماكنت اسمع صوت لا للمكينه ولا للمروحه ماشاء الله وتلقفت وسئلته وقال مركب مروحة جمس

لكن اعذرني ماخذت والله منه لاتفاصيل ولاغيره ويمكن الاخوان يقدرون يفيدونك اكثر مني بالنقطه هذي

[تركي98]

حياك الله اخوي هيف
ونورت المنتدى بتسجيلك

بالنسبه للموضوع
انا شريت سفاري 99 قبل حوالي شهرين ونص وكان فيه صوت حنه ولقيت التماتيك خربان حق المروحه
ونصحوني اركب مراوح كهرب وركبتها وفعلا والله انها افضل حل اولا خف الموتر وزاد عزمه بشكل ملاحظ وثانيا راحت الحنه مره معد تسمع حس اعرف اني لاقومت الموتر عند الاشاره بالاول يوصل الظغط عند 3 مادريت عنه والله ماله حس الموتر ابد وثالثا خفت صرفية البنزين بشكل بسيط لانه المكينه مرتاحه مافيه سير على المروحه
انا ركبتها عند واحد في الصناعية القديمة عن طريق واحد من الربع يعرف راعي الورشه سعودي يشتغل بنفسه وشغله مظبوط ماشاء الله عليه طبعا هو يرهمها لك ترهيم بس لاتخاف شغل مظبوط اعرف ناس مركبينها عنده من سنتين واكثر ولا شافوا منها شي ابد بالعكس الا يدعون له والرجال اصلا راعي ترهيم مكاين مهب عاد مروحة يعني ماتعوق معه وشغل مظبوط واذا تبي اقابلك وتشوف الموتر بنفسك قبل تركبهن ابشر بسعدك نتواعد وتشوف الموتر وتجربه وتشوف تركيبتهن بنفسك وتحكم
واذا بغيت تركب اوصف لك الورشه

انا كلفتني 550 ريال ولا جبت له شي حطيت الموتر المغرب وجيته بكرى العصر واستملته ركب لي مروحتين حقات سوبارو وهي اشهر شي يركبونها وحساس وتصير تشتغل وتطفي تماتيك وحرارة الموتر زي شد البلد مره ولو توقف ساعه والموتر شغال والمكيف شغال بعد ماتحرك الامبير واسال مجرب

وتقبل مروري وان شاء الله اكون افدتك

[سوبر VTC]

هلا و غلا
لكن مادم انك شايب شكلك من كبرك لك احفاد احفاد:D
ورى ما تحط مكينة ديزل ازين شوي:mad: :mad:
لان سواقتك راكده و لا تعدى 90
هههههههه تراي امزح بس احب الشيبان من اعماق قلبي:)
تحياتي

[هيف راعي كيف]

اخوي الغالي انا اذكر واحد قابلته في الصناعيه من قديم شوي كان معه شاص موديل 90 او 89 ما اتذكر والله

ماكنت اسمع صوت لا للمكينه ولا للمروحه ماشاء الله وتلقفت وسئلته وقال مركب مروحة جمس

لكن اعذرني ماخذت والله منه لاتفاصيل ولاغيره ويمكن الاخوان يقدرون يفيدونك اكثر مني بالنقطه هذي


ماشاء الله عليه

اشكرك على المعلومه وان شاء الله بسال عن مروحه الجمس

ربي لايهينك على الرد

[هيف راعي كيف]

حياك الله اخوي هيف
ونورت المنتدى بتسجيلك

بالنسبه للموضوع
انا شريت سفاري 99 قبل حوالي شهرين ونص وكان فيه صوت حنه ولقيت التماتيك خربان حق المروحه
ونصحوني اركب مراوح كهرب وركبتها وفعلا والله انها افضل حل اولا خف الموتر وزاد عزمه بشكل ملاحظ وثانيا راحت الحنه مره معد تسمع حس اعرف اني لاقومت الموتر عند الاشاره بالاول يوصل الظغط عند 3 مادريت عنه والله ماله حس الموتر ابد وثالثا خفت صرفية البنزين بشكل بسيط لانه المكينه مرتاحه مافيه سير على المروحه
انا ركبتها عند واحد في الصناعية القديمة عن طريق واحد من الربع يعرف راعي الورشه سعودي يشتغل بنفسه وشغله مظبوط ماشاء الله عليه طبعا هو يرهمها لك ترهيم بس لاتخاف شغل مظبوط اعرف ناس مركبينها عنده من سنتين واكثر ولا شافوا منها شي ابد بالعكس الا يدعون له والرجال اصلا راعي ترهيم مكاين مهب عاد مروحة يعني ماتعوق معه وشغل مظبوط واذا تبي اقابلك وتشوف الموتر بنفسك قبل تركبهن ابشر بسعدك نتواعد وتشوف الموتر وتجربه وتشوف تركيبتهن بنفسك وتحكم
واذا بغيت تركب اوصف لك الورشه

انا كلفتني 550 ريال ولا جبت له شي حطيت الموتر المغرب وجيته بكرى العصر واستملته ركب لي مروحتين حقات سوبارو وهي اشهر شي يركبونها وحساس وتصير تشتغل وتطفي تماتيك وحرارة الموتر زي شد البلد مره ولو توقف ساعه والموتر شغال والمكيف شغال بعد ماتحرك الامبير واسال مجرب

وتقبل مروري وان شاء الله اكون افدتك


اولا اشكرك على هالشرح الجميل

وانا اقراء ردك تخيلت موتري مافيه صوت يعني ينافس 2008:D

انا دايما يعجبني شغل السعودي لكنهم قليل رغم خبرتهم:(

طيب اخوي ما تعرف اسم الورشه ؟ لاني ماني من الرياض والا تسان اجيك هالحين:D

مشكور على ردك

[هيف راعي كيف]

هلا و غلا

لكن مادم انك شايب شكلك من كبرك لك احفاد احفاد:D
ورى ما تحط مكينة ديزل ازين شوي:mad: :mad:
لان سواقتك راكده و لا تعدى 90
هههههههه تراي امزح بس احب الشيبان من اعماق قلبي:)

تحياتي



المهلي ما يولي

حبتك العافيه

بس تراي مب شايب:D

[تركي98]

اولا اشكرك على هالشرح الجميل

وانا اقراء ردك تخيلت موتري مافيه صوت يعني ينافس 2008:D

انا دايما يعجبني شغل السعودي لكنهم قليل رغم خبرتهم:(

طيب اخوي ما تعرف اسم الورشه ؟ لاني ماني من الرياض والا تسان اجيك هالحين:D

مشكور على ردك


اسم الورشه ورشة التركي في الصناعيه القديمه

اسال عنها هناك وبيوصلونك

الله يستهر من المسؤولين في هالمنتدى لايهاوشوني يقولون تسوي دعايات :j

[سوبر VTC]

اسم الورشه ورشة التركي في الصناعيه القديمه

اسال عنها هناك وبيوصلونك

الله يستهر من المسؤولين في هالمنتدى لايهاوشوني يقولون تسوي دعايات :j



ههههههههههههه :D
اضحك الله سنك
اجل دعايات
ذكرتن بالتلفزيون قبل 15 سنة
نفرح اذا جت الدعايات التجارية :p