هل - فعلا - هذا التصرف يضر الجيوب وخاصة الجديد ؟؟؟؟؟؟

[خالد77]

أسمع ويسمع غيري عن خطورة الدبل الثقيل مع الأول وأنه خطر جدا والأخطر منه أن تهلك بالصحراء ولا تعشق الثقيل !!
والبعض يقول حط الثقيل مع الثالث وهذا صعب حتى بالثاني وخاصة عند تطليع الجيب من الغراز ..
فأرجو إفادتي عاجلا لأني قررت أبيع الموتر وأشري تماتيك عطي الله لاخراب كلتش ولا ريحة حراق ولاغيره ..

[بواسامه]

اسمحلي ان هالكلام مب صحيح
بعض الرباضات ما يطلع الموتر الا الثقيل وبالاول

وثانيا لا تبيع موترك عشان ريحة كلتش
كلهن تروح اذا جاها جور زايد

[رجل كريم]

نعم هذا الكلام غير صحيح البتة . سيارتي استخدم الدبل الثقيل من الترس الاول الى الثالث وهذا اللي يسمح فيه المصنع واذا تجاوزت فيه سرعة 70 يبدا يقطع ولا تقدر تزود السرعة حماية من المصنع وفي سيارات يوصل فيها الى الترس الرابع وخطورته انه ممكن يسخن او يتلف اذا استخدمته على الاسفلت او في ردمية ولمسافة كبيرة ويسبب استهلاك مرتفع للوقود . وللعلم الدبل الثقيل للتغريز الصعب وللسحب .


تحياتي .,

[الجيب الريو]

نعم هذا الكلام غير صحيح البتة . سيارتي استخدم الدبل الثقيل من الترس الاول الى الثالث وهذا اللي يسمح فيه المصنع واذا تجاوزت فيه سرعة 70 يبدا يقطع ولا تقدر تزود السرعة حماية من المصنع وفي سيارات يوصل فيها الى الترس الرابع وخطورته انه ممكن يسخن او يتلف اذا استخدمته على الاسفلت او في ردمية ولمسافة كبيرة ويسبب استهلاك مرتفع للوقود . وللعلم الدبل الثقيل للتغريز الصعب وللسحب .






تحياتي .,





والنزول من المنحدرات الشديدة

[خالد77]

بيض الله وجيهكم على المعلومه اللي من ذهب ..

[واكس]

انا مع كلام الشباب
موتري فتك وفي الرباضات والا التغاريس الشينه دبل ثقيل وسرعه 40/50 ولا فيها شي وهو ما حطه المصنع الا لكذا

[خشيمان]

بالنسبة لموتري ما ينفع الاول مع الثقيل .. يحفر
ما ينفع الا بالثاني ويطلع لو انه ناشب للدفرنس بالثاني

والله اعلم

[بيبسي]

اللي اخبره الاول مايمشي انواع الحنه ... انا كنت اتمشى بالدبل الثقيل في الاماكن الصعبه بالثالث والرابع

[المميـز]

أسمع ويسمع غيري عن خطورة الدبل الثقيل مع الأول وأنه خطر جدا والأخطر منه أن تهلك بالصحراء ولا تعشق الثقيل !!
والبعض يقول حط الثقيل مع الثالث وهذا صعب حتى بالثاني وخاصة عند تطليع الجيب من الغراز ..
فأرجو إفادتي عاجلا لأني قررت أبيع الموتر وأشري تماتيك عطي الله لاخراب كلتش ولا ريحة حراق ولاغيره ..


للمعلوميه حتى التماتيك له كلتش

واذا انت سلمت من الكلتش يمكن ماتسلم لاقدر الله من الفرررط
لأن القير التماتيك مايتحمل السحب الثقيل مثل القير العادي
بعض التغاريز مايطلع الموتر منها الا اذا كان قير عادي
لان القير العادي ينتل نتل اما التماتيك ماينتل روووووووحه لازم واحد يجره

باختصار فوائد القير العادي اكثر من التماتيك
حتى بالارتفاعات والمنحدرات

[أبوإبراهيم1]

اعتقد انه غير صحيح

[خالد77]

يعطيكم العافية جميعا وأخص الشكر المميز على هالفائدة ..