المساعد الشخصي الرقمي

مشاهدة النسخة كاملة : لمبة الدبل .. عطلانه؟؟ تفضل وعطنا رأيك ..


إعصار
29/07/2008, 01:07 AM
السلام عليكم..



ياجماعة الخير ..



موتري هايلكس 2007 دبل ..




اللمبة حقت الدبل ماتشتغل..



وش السواة ..




الموتر ماشي 36الف ..



وش الرأي ..أوديه للوكالة .. ولا ان كان فيه احد يعرفنا ورشة شغل مظبوط يدلنا ..




الله يدلنا واياكم لطريق الجنة ..
الكـاسـر
29/07/2008, 02:12 AM
والله ياخوي واحد من الشباب عنده نفس مشكلتك ودخلها على الوكالة تحت الضمان وصلحوها له بس مشكلتهم ان السيارة قعدت عندهم 10 ايام
لعّاب المنايا
29/07/2008, 02:24 AM
الوكاله طيبه وانا اخوك

الموتر جديد
ابوعقل
29/07/2008, 03:35 AM
اذا هو على الضمان وده

وش انت خسران
المميـز
29/07/2008, 04:15 AM
ماادام عليه ضمان لا يردك الا الوكاله

وعادةً لمبة الدبل تكون من ( الساعه اللي بالدبل من تحت )

يبي لها وزن
إعصار
29/07/2008, 11:18 PM
والله ياخوي واحد من الشباب عنده نفس مشكلتك ودخلها على الوكالة تحت الضمان وصلحوها له بس مشكلتهم ان السيارة قعدت عندهم 10 ايام


زين صلحوها له .. بس انا ماجي الوكالة في الصيانة الدورية ..


مدري يصلحونها ولا لا بالعربي الضمان ساري ولا لا .. على العموم انا بامرهم والله يعين .. بس 10 ايام كثيرة بالحييل ..




الوكاله طيبه وانا اخوك





الموتر جديد





الله يعافيك يالغالي ماقصرت .



اذا هو على الضمان وده






وش انت خسران






نوديه ونشوف وش يصير.


بس اخاف يقولون انت ما دومت على الصيانة الدورية ..


لاني من بعد 10 الاف معد قبلت عليهم ..


خبرك الوكالة تغير زيت وتنظيف فلتر ومدري كم شغله بسيطة .. يصلخونك 500 زي السلام عليكم ..





ماادام عليه ضمان لا يردك الا الوكاله


وعادةً لمبة الدبل تكون من ( الساعه اللي بالدبل من تحت )


يبي لها وزن





يعطيك العافية يالذيب ..


بنوديه ويصير خير ..



يعني تتوقع المشكلة من الساعة..



عسى تكون سهلة ولا يلطعونا كم يوم ..



ــــــــ



نتظر باقي الشباب ..




:)
ابوالعز4800
30/07/2008, 01:36 AM
عندي لاند 93 نفس المشكلة ماتالع اللمبة بس الدبل شغال صار من الحساس خربان ولد خالتي مع شاص 2005 يشتغل الدبل واللمبة ما تالع وطلع من الحساس انت شف اذا الدبل يشتغل فممكن يكون من الحساس ويمكن من اللمبة نفسها شيك عليه وشغلتها بسيطة ان شاء الله ولاتنسى الفيوز شييك عليه وبالتوفيق يالغالي
إعصار
30/07/2008, 12:56 PM
عندي لاند 93 نفس المشكلة ماتالع اللمبة بس الدبل شغال صار من الحساس خربان ولد خالتي مع شاص 2005 يشتغل الدبل واللمبة ما تالع وطلع من الحساس انت شف اذا الدبل يشتغل فممكن يكون من الحساس ويمكن من اللمبة نفسها شيك عليه وشغلتها بسيطة ان شاء الله ولاتنسى الفيوز شييك عليه وبالتوفيق يالغالي



الله يعطيك العافية ..


ابشرك الدبل شغال 100/100 . مافيه اي اشكال .


بس اللمبة خربانه ..


انا بأفحص عند الوكالة وأعطيكم وش صار معي ..