تكفــــون يمال العـــافيـــه..افزعولي ترى ما عندي ســـالفـــه...!!

[عاشق أبها]

الســـلام عليكم ورحمة الله وبركـــاته..


أنا واحد خرمان اروح لأبهــا وما شفتها لي سنه كامله..
وميّت حر بالرياض وبعد اسبوعين بأمشي بعون الله ومعي كم واحد من أخوياي..
أبي منكــم خدمه..وخصوصـــاً..إني أول مره بأمسك خط أبهــا..:

1_أي الطرق أسهل لي بين الرياض وأبهــا...؟؟
2_متى تنصحوني أمشي...؟؟
3_روحتي كلها 6 أيــام بالكثير..وودي أروح للسحاب والسوده والمحتطبه والحبله ويمكن اشطف تنوما..
برايكم وشلون أرتبهن..ووشي المناطق الثانيه اللي تنصحوني بها..؟؟
4_كثير نصحوني أسكن بالسوده ..وش رايكم وكم تتوقعون أسعارهم..؟؟
5_به واحد مزعجني يبي منتزهــات ولعب ..أبي منكم أسمــاء لمنتزهات حلوه بأبهــا..؟؟
6_وش أخبار المحتبطه هالأيام..نص روحتي عشانها..؟؟
7_به واحد يمدح العقاله..وأنا اول مره اسمع هالاسم..وش هي وبأي مكان..؟؟!!

وه بس يا كثري..
الله لا يهينكـــم وجعلكم بالعافيه...

[مريقب العيفار]

هلا بك اخوي

عندك رابطين الأول عن الطريق

والثاني عن السكن

والله يعينك عليه موضوع طويل

http://www.mekshat.com/vb/showthread.php?t=146894

http://www.mekshat.com/vb/showthread.php?t=139967

[عاشق أبها]

يمال العافيه وانا اخوكــ...رابط الطريق افادني مررره مشكور وما قصرت..
لكن السكن كلهم يبون عوايل ..وانا ابي سكن بالسوده وبسعر حلو نظيف وعزاب

[الملك المتوج]

أما المحتطبة رحنا لها السنة الماضية طبعا الدليل السياحي واحد الله يجزاه خير من أهل الجنوب طبعا محاكيك من الرياض المهم شلنا العزبة على ظهورنا ونمشي حتى تعبنا بعد ما وصلنا الله لا يوريك أنواع القمايم في المياة الراكدة والمحطبة عبارة عن مصب ماء تتجمع فيه المياه المهم انقرفنا من المكان وعدنا أدراجنا
المهم المحتطبة زنتها عندما تمطر المنطقة بغزاة
ولا أنسى جتنا صاعقة ضربت بجانبنا كادت أن تجيب أجلنا لكن ربك ستر
يعنى لا تروح للمحتطبة إلا وأنت سائل عنها أهلها الساكنين حولها

[همام2008]

الملك المتوج اشكرك على هذه المعلومات

[عاشق أبها]

انا رحت لها قبل كذا وبصراحه رووعه لكن الله يستر لا يصير مثل ما تقول وانا اخوك..
طيب جاوبو ا على باقي الاسئله ما بقى شي على الروحه

[عاشق أبها]

للرفع عشان تعطوني وجه