سؤال لاهل الخبره فى النيسان

[العيسمود]

السلام عليكم ورحمة الله وبركاته
مساكم الله بالخير يالمكشاتيه
عندي سؤال لاهل الخبره في النيسان واللي عنده علم يفيدنا الله يجزاكم خير
لقيت نيسان ربع موديل 2002 والموتر طيب ونظيف
وقلت قبل ما اشتري استشير اهل النيسان والمجربين في منتدانا الطيب لاني ماعمري جربته ولا ادري عن علومه في البر ولا في الخطوط واللي سمعته ان النيسان طيب وفي البر لين
هل هو طيب في الخط وفي البر وفى البلد وكيف عيوبه عسى ماهي واجد والله يالربع اني ما ادري انا اشتري والا ادور غير هالموتر مع العلم ان راعيه طالب فيه 55000 وانا اشوفها واجد واش رايكم؟؟
بانتظار ردودكم الطيبه الله لايهينكم

[ملاحق السيول]

يأخوي الباترل خراباته واجد دورلك لاندكروزر أو برادو وعن الخرابات تصفح المنتدى نصه خرابات باترل

[قرقاص888]

النيسان مابه ازين منه من ناحية اللين بالديره وبالبر
بس عيبه انه مابه عزم والا الباقي احلى كلام
اما عن قيمته فهو غااالي وحده 47 لانه كلبليتر
دورلك من 2004 وفوق لانه بخاخ
تلقاه ب55
الله يرزق الي به الخير
وتحياتي لك

[ابوالعز4800]

والله اذا تبي رايي في السعر غالي والموتر مادري عنه لكن انعرض علي اثنين واحد موديله 2007 حاده راعيه 69500 فيه دقه في الرفرف والثاني نظيييييف ماشاءالله مسيوم منه 68500 ومهوب بعيدعن السومه موديله 2006

[إعصار]

غالي مرة ..


هذي قيمة 2004 تقريبآ ..


ونصيحة خذ بخاخ لاتأخذ كلبيتر ..


موفق :)

[بيبسي]

أول شي اسعارها مبالغ فيها وين ادفع بربع باترول 2002 55000 بصراحه احسها كثيره عليه مرررره

ثانيا ابعد عنه خراباته واجد وثقيل دم بالممشى والقومه .. دور بقيمته تويوتا افضل لك ربع اوبرادو

[العيسمود]

ديرتي الفرعه
بيض الله وجهك وماقصرت
بس التويوتا لقيتها الموتر يمشي حاله وقيمته غاليه والنظيف دون ال70 ماتلقاه



قرقاص888
بيض الله وجهك وماقصرت
مادام 2004 بنفس القيمه افضل وفرق موديلين



ابوالعز4800
بيض الله وجهك وماقصرت
والله مافيه فرق 10 ماهي فرق والله يسهلها والقى من 2004 وفوق



إعصار
بيض الله وجهك وماقصرت
النيه على 2004 وفوق
الله يجزاكم خير مشكورين وماقصرتوا
،

[العيسمود]

أول شي اسعارها مبالغ فيها وين ادفع بربع باترول 2002 55000 بصراحه احسها كثيره عليه مرررره

ثانيا ابعد عنه خراباته واجد وثقيل دم بالممشى والقومه .. دور بقيمته تويوتا افضل لك ربع اوبرادو

اخوي بيبسي
بيض الله وجهك وماقصرت
والله عن السعر غالي بس الموتر تقول انه جديد يارجال ومثل ماقالوا الاخوان الله يجزاهم خير تاخذ موديل افضل وان شاءالله تسهل انا اخوك
انا بسالك اليوم لقيت لاندكروزر2008 اول مره اشوفه زي الربع بس اربعه ابواب وعليه 105 اش رابك فيه
ومشكووور الله يعطيك العافيه

[عاشق مطر]

انا الموتر ما ادري عن سعره لكن شف لايلعب عليك الي يقول تايوتا مايتكسر كل موتر فيه عيوبه لكن الباترول ماله مثيل في البر حتى انت ارجع لاهل البر وشف مواترهم 90% منهم بواترول ثانيا قارن سعر تايوتا في نيسان

[العيسمود]

انا الموتر ما ادري عن سعره لكن شف لايلعب عليك الي يقول تايوتا مايتكسر كل موتر فيه عيوبه لكن الباترول ماله مثيل في البر حتى انت ارجع لاهل البر وشف مواترهم 90% منهم بواترول ثانيا قارن سعر تايوتا في نيسان

مشكووور الله يعطيك العافيه
وكلامك سليم وفي محله والسعر فيه فرق والحين السيارات كلها ارتفعت اسعارها مير الله المستعان انا اخوك

[باترول للأبد]

وعليكم السلام ورحمة الله وبركاته

أخوي العيسمود النيسان الربع موتر قوي وينشد به الظهر واللي يقولك خرابات ماخرابات ماعنده سالفه

وبالتوفيق أن شاء الله

[ذيب زلفاوي]

والله ياخوي انا اقول خذ لك باترول مثل ماقالو الاخوان

[الشقب1]

السلام عليكم .... اخوي اذا تبي النصيحه اتركه تراا والله ماا يسوا وثقيل في الرمل ومايسوا في الخط العراوي اطوفه اخذ تيوته موديل 1997 احسن منه وارخص

[راعي طويلات]

الباترول موتر طيب مايقنيه الا أهل الطيب وشف راعين البر والمقانيص ماياخذون غير النيسان
وكانك في ربع نيسان خذ من 2004 وفوق لانه بخاخ أو 97 وتحت
والقيمة الي طالبها راعي ال2002 في موتره قيمة 2004 نظيف

[المميـز]

غالي غالي غالي

لو انه بخاخ كان اقولك صح يستاهل

يعني موديل 2004 بخاخ يسوى 55

اما 2002 مايتعدى 45 - 40

لانه ثقييييييييييييييييييييل مايمشي

[سوبر152]

النيسان مابه ازين منه من ناحية اللين بالديره وبالبر
بس عيبه انه مابه عزم والا الباقي احلى كلام
اما عن قيمته فهو غااالي وحده 47 لانه كلبليتر
دورلك من 2005 وفوق لانه بخاخ
تلقاه ب53
الله يرزق الي به الخير
وتحياتي لك

[العيسمود]

اخواني
باترول للابد
ذيب زلفاوي
الشقب1
راعي طويلات
المميز
سوبر152
مشكورين وماقصرتوا والله يجزاكم خير ويرحم والديكم على هالنصائح
تحياتي لكم،،،،
،

[سيف2008]

الموتر ممتاز لكنه غالي دور بسعره 2004 وفوق تلقا

وتراه بلنفود مثل الخوي وبلخط راسي
والتيوتا أحسن من النيسان بلمراقا والهبال لكن بلباقي زفت مايمديك تلف الطاره يمين أو يسار إلا إنقلب بلزفلت ولا بلنفود ولا يغرك بعض الناس الي تفكيرهم محدود كل مايفكر فيه كيف يسوي دعايه لسيارته التايوتا الحمد الله والشكر تفكير طفولي وأشوفه منتشر بمنتدانا خاصه ديرتي الفزعه هذا ما أدخل موضوع إلا ألقاه يغني بتايوتا
أشك إنه مرض نفسي الله لايبلانا

[العيسمود]

الموتر ممتاز لكنه غالي دور بسعره 2004 وفوق تلقا

وتراه بلنفود مثل الخوي وبلخط راسي
والتيوتا أحسن من النيسان بلمراقا والهبال لكن بلباقي زفت مايمديك تلف الطاره يمين أو يسار إلا إنقلب بلزفلت ولا بلنفود ولا يغرك بعض الناس الي تفكيرهم محدود كل مايفكر فيه كيف يسوي دعايه لسيارته التايوتا الحمد الله والشكر تفكير طفولي وأشوفه منتشر بمنتدانا خاصه ديرتي الفزعه هذا ما أدخل موضوع إلا ألقاه يغني بتايوتا
أشك إنه مرض نفسي الله لايبلانا


الله يجزاك خير اخوي سيف2008 ويرحم والديك فعلا الموتر غالي
واختلاف الراي لايفسد في الود قضيه على ماقالوا المساله اختلاف اذواق وكل(ن) بعقله راضي واخونا ابدى رايه الله يجزاه خير ومشكور وماقصر على الرد
لك تحياتي،،،
،