مطلوب حر

[خيال الصبحا]

السلام عليكم ورحمة الله وبركاته
الأخوة الأعزاء
مطلوب طير حر
شرط
1-سنه من خامس وجاي
2-أصله فرخ(ماهو خلوي)
3-السلامه من الأمراض،وسلامة الريش،وخلوه من العذاريب(كوشه صيحة...الخ)
غيره لا اشرط لا شكل ولا فعل ولا لون(يفضل ان مقاسه بين 16 و 16.5 ولاهو شرط المهم وافي)
الي عنده شيء يراسلني على الخاص مع ذكر السعر(الله الله بالسعر ترى الدراهم قصرت شوي)
مكاني الخرج
وشكرًا

[شيخ الشرقية]

وعليكم السلام ورحمة الله وبركاته

الله يرزقك بالطير الطيب

تقبل مروري لاهنت

[طارق الحربي]

الله يوفقك ان شاء الله يابو نايف بالطير اللي يطربك وعلى مزاجك

[خيال الصبحا]

الأخوان
شيخ الشرقيه
طارق الحربي
أشكر لكم مروركم
وردودكم الكريمة ، وهلابكم

[وَسَام!]

خيال الصبحا ! مساء الخير !

فيه طيور فروخ مجهوله وتنقل بكر وحلوه في الوسره واللون ماهو بطال واسعارها من 8000 الى 10000
ولا تقول غاليه لان الطيور مولعه الا عاد طيرن عله وهاذا ماحد يبيه!
الطيور هذي تلقاها في مقيض ماجد بن رمثه في استراحات العفجه!
وان شاءالله اني افدتك!
اخوك وسام!

[قلب شاهين]

فيه طير حر حمر وافي صايد وطلع وعليه شروط ،،

يسام على 23 الف ان كانك صامل راسلني على الخاص ،،

تحياتي / قلب شاهين ،،

[منظور]

مسااء الخير

الله يرزقك ان شالله بالطير الطيب ويونسك

[خيال الصبحا]

السلام عليكم
الأخوة الأعزاء
أشكركم جميعًا على
مروركم وردودكم الكريمة
وأرجو من المشرف إغلاق الموضوع
لإنه جاني طير هديه من أخونا نادر الجبيل الله
يبيض وجهه بالدارين ، وشكرًا
انا اشهد انك يابن الاجواد نادر*ونفخر بمعرفة الاجاويد شرواك
قرم(ن)على كسب الجمالة يبادر*ياعل ماتلفي الصواديف يمناك
الطيب من يمناك نابع وصادر *ويجعل نقدر نوفي الطيب واياك
انا اشهد ان الطيب يملك كوادر*مثلك ومثل الي على الطيب رباك

[المان العرب]

من كريم الى مستحق
كفو والله يانادر الجبيل تعطي الابل ولاهي غريبه عليك
وخيال الصبحا تستاهل

[نبع الدموع]

كفو و الله عز الله انه طلع من رجل كريم لرجال يستاهلة. الله يديم مكشات برجالة

[طارق الحربي]

هو كريم وانت تستاهل

تاكل من صيده ان شاء الله

[قلب شاهين]

كفو والله يانادر ،،

صدق نادر والله يباركلك ياخيال الصبحى ،،

تحياتي / قلب شاهين ،،

[النـادر]

خيال الصبحا

ماعليك ولاعلى الاخوان زود

عسى الله يجملنا مع الرجال امثالك وشرواك ...مابقى فالصقارة الا العلم الطيب مع الرجال وانت وافي وتستاهل

[سلطان 1]

عوايد العرب

[alajmi110]

جعل يمناك تسلم يا راعي الجبيل
عزالله انك نادر...... وانت تستاهل يا خيال الصبحا جعل ربي يبارك لك

[خيال الصبحا]

الأخوة الأعزاء
الله لا يهينكم ، والله يبارك
فيكم ، وتستاهلون العافية ، وشاكر
ومقدر لكم ردودكم الكريمة وهلا بكم
.
.
ابو عماد
بيض الله وجهك
وعسى الله يقدرنا ونرد
لك بعض حقك علينا ، وهلابك

[فزااع]

علمه غانم نادر الجبيل وانت تستاهل ياخيال الصبحا وهذه عوايد الرجال