مشكلة في كمبرسر الجمس

[عاشق الموج]

السلام عليكم

يا جماعة الخير

عندي جمس ونيت مديل 2001

مشكلته في الكمبرسر فيه تهريب فريون كشف عليه الكهربائي

وقالي التهريب عندك من الكمبرسر

وقالي ما يصلح انك تركب له صوف او حتى اذا ركبت له ما يضبط معك

مع العلم انه مافيه اي مشكله من ناحية التبريد اللهم الفريون ما يجلس فيه الا فقط اسبوع ويفضى

اللي مرت عليه كذا مشكله وصلح فيها الكمبرسر يفيديني بارك الله فيكم

ولكم تحياتي

[alsarem]

الي اعرفه ان كل الجموس والشفر فيه نفس المشكله ويتكرر نفس الخراب فالظاهر انه لابد يغير الكمبرسر سعره 1050ريال اصلي

[moooor]

سلمك الله الكبمرسر ما فيه شي بس المشكلة انه بنفس البلف الى ورا الكمبرسر

صارت معاي المشكلة هذي صرت كل ما ابي اسافر اعبي فريون
والحمد لله انحلت المشكلة عندي والحين تبريدة ولا اروع

الطريقة فية بلف ورا الكمرسر فك البلف ولحمة عند حقين الرديتر طبعا الحام قصدير او نحاس
وهذي طريقتها
وبعدها ماراح يهرب ابد

[عاشق الموج]

يا هلا فيك اخوي alsarem

فعلا مشكله في الجموس والشفر في تهريب الفريون

وكل كهربائي اوديه له يقولي نصلحه لك لكن ما نظمن لك الشغل يمكن يرجع يهرب عندك مره ثانية

تسلم على المعلومه alsarem

[عاشق الموج]

يا هلا اخوي moooor

رايك كذا يعني اتوكل على الله واصلح التهريب اللي في الكمبرسر

طيب كيف اعرف ان كان التهريب في البلف اللي في خلف الكمبرسر او في الصوف الي في امام الكمبرسر

مع العلم انه الكمبرسر ضغطه حلو وتبريده ما شاءالله ممتاز فقط التهريب اللي فيه

تسلم على معلومتك عزيزي moooor

[Magellan]

والله يا أخوي مشكلة التكييف مشكلة
أنا معي شفروليه تريل بليزر 2006 معبيه قبل فترة فريون ، وأشوفه الحين ماش خصوصا إذا كنت موقفه في الدوام بالشمس يبطي مايبرد ، أصل البيت قبل مايبرد ..
بصراحة أشك بالكمبروسور وفيه ريحة زي الرديتر أول ما أشغله فقط بالنهار
أما بالليل خذ ولد .....
بس اللي سمعته إن الفريون الصيني يخرب الكمبروسور
وسمعت إن وضعك لمروحة قدام راديتور المكيف يخليه يبرد مضبوط
وسمعت إن قطع ديلفي أصليه وبنص سعر الإي سي ديلكو يمكن تلقى لك كمبروسور رخيص وممتاز من ديلفي

[عاشق الموج]

يا هلا اخوي Magellan

فعلا الحر عندنا بسم الله ما شاءالله في النهار

مثلك انا سمعت مراوح التبريد التي توضع على لديتر المكيف تساهم في خفض درجة حرارة المحرك من ما يجعل التكيف يعطي كفائه افضل

انتبه من الفريون الصيني غير مناسب للسيارات الحديثة وغير كذا له رائحه كريها وقت تشغيل المكيف

بخصوص قطع غيار دلفي ان شاءالله ادور عنها في حالت ما صلح امر الكمبرسر

تسلم عزيزي Magellan على المعلومات

[عاشق الموج]

للرفع

يا جماعة الخير هل احد مرت عليه كذا حاله

وصلح الكمبرسر ونجحة عملية التصليح ؟

[سوبر VTC]

خذ العلم اللي يضيق الصدر
واحد معه صالون2000 و غير الكمبرسور مرتين من التشليح
همن غيره ثلاث مرات اصلي من الوكالة
و كلهن يايجيم او يعض
و اخر مره مسافر هو واهله يوم جى يحرك من المدينة الى مكة و يخرب عليه المكيف و يدور بالمدينة يبي كمبرسور و لا لقى
وينتظر الى الساعه 10 ليلا و يحرك الى مكه بدون مكيف
و يوم وصل و يرسله بسطحه لديرته و ياخذ جمس ولد عمه بمكه
المراد ان الموتر الله اعلم به نفس هالحين المكيف شغال وعادي يخرب
عاد الرجال ما عليه مغنيه الله
تحياتي

[سحابه]

الاخMOOOOr
ممكن تدلنا على من سوا لك اللحام لاهنتت

[speed 557]

سلمك الله الكبمرسر ما فيه شي بس المشكلة انه بنفس البلف الى ورا الكمبرسر

صارت معاي المشكلة هذي صرت كل ما ابي اسافر اعبي فريون
والحمد لله انحلت المشكلة عندي والحين تبريدة ولا اروع

الطريقة فية بلف ورا الكمرسر فك البلف ولحمة عند حقين الرديتر طبعا الحام قصدير او نحاس
وهذي طريقتها
وبعدها ماراح يهرب ابد

نفس كلام اخوي صر معي