الفزعة ياجماعة

[مثبت السرعة]

السلام عليكم ورحمة الله وبركاتة
الأخوة الأعزاء في منتدى مكشات
نويت انا والعائلة السفر إلى الإمارات (الشارقة بالتحديد) ولكن عندي بعض الأستفسارات وارجو ممن لديه الجواب مايبخل علينا
1- الطريق من الرياض إلى الشارقة
2- افضل الشقق المفروشة في الشارقة
3-كيفية الحصول على خريطة الشارقة
ولكم مني جزيل الشكر وأصلح الله لنا ولكم النية والذرية

[سحابه]

بالنسبة للطريق إذا كنت بتروح عن طريق حرض:
أولا :عليك الانتباه في الطريق لان الطريق سيد واحد والطعوس تزحف على الطريق
ثانيا: بتمشي من الرياض إذا انت من سكانها ثم الخرج ثم طريق حرض خط مستقيم حتى المنفذ

[سحابه]

تقريبا 450 كيلو ثم من المنفذ على دبي ثم الشارقه مابينها وبين دبي شي تقريبا 450 كيلو
والله يوصلك بالسلامه بقية الاستفسارات بيفيدونك المكشاتية

[راعي المقانيص]

اطلع من الرياض متجه على خط الشرقيه ( الدمام ) ياغالي وامش على المخطط هذا

الرياض - مفرق الهفوف - الهفوف - سلوى - البطحاء - ابو ظبي - دبي - الشارقة

إجمالى المسافة = 1130 كلم بالضبط لاتزيد ولاتنقص

بالنسبه للطريق من يوم تطلع من الرياض الى الهفوف الطريق سيدين وممتاز ولكن اذا طلعت من الهفوف متجه الى سلوى وبعدها البطحاء المسافه ماهي بعيده لكن انتبه لانها سيد واحد واذا تعديت منفذ البطحاء الى الشارقه وانت سيدين ومرتاح المشوار الي تبي تمل منه هو من البطحاء الى ابو ظبي 450 كلم

الله يوصلك ويرجعك بالسلامه يارب واذا فيه شي ماهو واضح بشرحي ياغالي ابشر بالي تبيه

[مثبت السرعة]

اشكر الأخوان على المعلومات وماقصرتو
والله يجزاكم خير