كفرات للاكسبيشن 4x4

[naharyfa]

السلام عليكم ورحمة الله وبركاته

رحت لمحلات الكفرات ابى اشترى كفرات للاكسبديشن 4x4 لقيت الاسعار نار

نصحنى العامل بشراء هانكوك 530 ريال للكفر وهى من نوع A B

او ميشلان 720 للكفر وهى من نوع A A

لانهم الافضل ولا ادور غيرهم

رايكم ونصيحتكم يا شباب مع العلم معظم الاوقات بالمدينه و طلعاتى للبر حسب توفر الفرصة

[عاشق السيل]

وعليكم السلام ورحمة الله وبركاته ،،،

هانكوك صحيح إنها كورية لكن جودتها عالية جدا ومجربة من سنوات ومحد اشتكى منها وتتميز بالليونة والنعومة والسعر المناسب وتعتبر الأرخص بين الكفرات ذات الجودة العالية ،،

كما أنصحك بكفرات يوكوهاما يابانية وقوية وسعرها معقول جدا وجودتها أعلى من هانكوك ،،

أما ميشلان صحيح إنها عالية الجودة وتتحمل سرعات عالية وحرارة عالية أكثر من غيرها لكن حرام الفلوس فيها غالية جدا جدا جدا والغريب إنها مع الوقت تتشطب !!!!

أتمنى أكون قدمت المفيد وتقبل مروري يالغالي .....

[naharyfa]

الله يجزاك خير يا عاشق السيل

طيب ايش رايك فى كفرات Firestone مدحها لى محل اخر مدح غير طبيعى وانها الافضل وضمانها 5 سنوات

راح اسافر الاسبوع القادم الى مكة والمدينة وحقيقة محتار وتحملنى اذا ثقلت عليك

[مهمايقولون]

عزيزي naharyfa ويش مقاس الكفر ويش صناعة الميشلان

[naharyfa]

عزيزي naharyfa ويش مقاس الكفر ويش صناعة الميشلان

يعطيك العافية اخوى مهما يقولون

مقاس الكفر
17-70-265

الصناعة مش متاكد ولكن سعره 720 ريال

[عاشق السيل]

الله يجزاك خير يا عاشق السيل

طيب ايش رايك فى كفرات Firestone مدحها لى محل اخر مدح غير طبيعى وانها الافضل وضمانها 5 سنوات

راح اسافر الاسبوع القادم الى مكة والمدينة وحقيقة محتار وتحملنى اذا ثقلت عليك


الفايرستون ممتازة وقوية لكن عيبها النقشة تتقرض وتتمسح بسرعة كأن الكفر له سنين !!!

وما اوصيك تدعي لي بالحرم الله لايهينك وترجع بالسلامة يالغالي .......

[مهمايقولون]

اخوي naharyfa انا محصل امس كفرات ميشلان يابانيه المقاس 245/65/17 تاريخ 2008 ب 570 وبريجستون ياباني ب 500 وبريللي برازيلي ب 550 واعتقد هذولا احسن انواع بس المشلان الياباني توه جديد في الاسواق ما تجرب زين بس الميشلان معروف الكلام هذا في الدمام

[naharyfa]

الفايرستون ممتازة وقوية لكن عيبها النقشة تتقرض وتتمسح بسرعة كأن الكفر له سنين !!!

وما اوصيك تدعي لي بالحرم الله لايهينك وترجع بالسلامة يالغالي .......

باذن من لا تنام عينه بادعى لك فى الحرم والله يسلمك ويجزاك خير

[naharyfa]

اخوي naharyfa انا محصل امس كفرات ميشلان يابانيه المقاس 245/65/17 تاريخ 2008 ب 570 وبريجستون ياباني ب 500 وبريللي برازيلي ب 550 واعتقد هذولا احسن انواع بس المشلان الياباني توه جديد في الاسواق ما تجرب زين بس الميشلان معروف الكلام هذا في الدمام

اخوى الله يوفقك وين فى الدمام بالظبط لان هذه الاسعار اللى كتبنها فى اول المشاركة فوق حصلتها امس وقبل امس فى شارع الملك سعود والمحلات اللى حول عمارة المعجل اخاف ينصبون على.

[سعد777]

السلام عليكم

اخوي عن تجربه خذ مايفيدك
الرابط
معي فورد اكسبدشن 4×4 2007 ودي اغير الكفرات وش احسن نوع للمناطق الصحراويه (http://www.mekshat.com/vb/showthread.php?t=140101)

[naharyfa]

الله يجزاك خير اخوى سعد

[مهمايقولون]

اخوي naharyfa اسف مارديت عليك بدري بس تراني كنت اركب الكفرات TOYOب410ريال للكفرمن عند العمودي الوكيل بس ترا بدون تركيب اما بلنسبه للكفرات اللي قلت لك في نفس الشارع اللي تقول جنب عمارة المعجل عند الخالدي للجمله او محل الخالدي المقابل له الخالدي للجمله بجانب العمودي (بجنب عمارة المعجل)

[naharyfa]

اخوي naharyfa اسف مارديت عليك بدري بس تراني كنت اركب الكفرات TOYOب410ريال للكفرمن عند العمودي الوكيل بس ترا بدون تركيب اما بلنسبه للكفرات اللي قلت لك في نفس الشارع اللي تقول جنب عمارة المعجل عند الخالدي للجمله او محل الخالدي المقابل له الخالدي للجمله بجانب العمودي (بجنب عمارة المعجل)

على الرحب والسعة اخوى مهما يقولون وانا اللى اسف اشغلتك معاى والله يجزاك خير

ومبروك الكفرات يعطيك خيرها ويكفيك شرها