نوعية الكفرات

[مهمايقولون]

اسعد الله اوقاتكم بكل خير يارجال
اخوكم مسافر بر خلال يومين والكفرات رايحه فيها ورحت امس ابي اغيرها نفس النوع ميشلان 245/65/17 لكن حصلتها متغيره صارت صناعه يابنيه اللي عندي كندي صراحه رهيبه تكفون اللي جربها يفيدنا او اذا فيه نوع ثاني كويس انا في انتضاركم يانشاما:rolleyes:

[6670]

أخوي الغالي: المعلوم عندي مشيلان تجي نوعين
1-تايلندي.
2-ياباني.
أما الكندي أول مره أسمع عنه والنوعين الذين ذكرتهم ممتازه.
وفيه يوكوهاما ياباني.
وفيه هانكوك كوري ممتاز جدا.
وتقبل مروري.

[مهمايقولون]

تسلم يالغالي بس ترا هلكفرات لها مركبه 3 سنوات واهل المحلات يقولون الياباني توه نازل وماتجرب كثير هل جربته انت واش رايك في بريللي لاتقول ماسمعت فيها من قبل

[6670]

أفا عليك البريللي أشهرمن ناااارعلى علم ممتازه جدا.
لكن نصحتك بالنوعين لأن الكفرات بعد 1سنه أو سنه ونصف
تتمسح الكفرات وحرام أحط كفار غالي بالمره ويتمسح بعدين.
وهذي وجه نظر.

[القبقب]

ليه ماتروح وتشوف أطارات كمهو الكورية أنا جريتها
على سيارة صغيرة ممتازة جدا ولاتنسى قبل شراء
أى أطار ركز على التاريخ لازم يكون أنتاج جديد ماتعدى سنة أقل شىء
وثانى شىء ركز على حرف H للسرعة القصوى وحرف A لتحمل الحرارة
وبالتوفيق ياخوي .

بالنسبة لميشلان فهى من الاساس صناعة فرنسية شهيرة ومن أجود الاطارات في العالم
لكن ألان أصبح ينتج في عدة دول حول العالم وأيضا بجودة عالية خاصة أذا كان
مكان أنتاجة من دول الاتحاد الاوروبي وأبتعد عن الاطارات المنتجة في البرازيل.

[ساري 111]

قبل خمس سنوات اخذت كفرات ميشلان للجمس كانت صناعه يابانيه
الحقيقه من تجربه الميشلان الأمريكي والياباني
طلعت بنتيجه ان الميشلان الياباني افضل من الميشلان الأمريكي بشي كثيررررر

[مهمايقولون]

الله يعطيكم العافيه ياجماعه اليوم انهيت الموضوع وشريت تويو ياباني ارخص شوي ونفس مواصفات الميشلان لاني مسافر ووراي خط بس مادري كيفه تـــــــــــــــــــــــــــــــــوكلت على الله