المساعد الشخصي الرقمي

مشاهدة النسخة كاملة : بسررررررررررررررعه ابي رايكم تكفون


دفي الوقت
02/08/2008, 09:31 AM
السلام عليكم ورحمه الله وبركاته





اخواني الاعزاء ابي رايكم اباخذ سياره اقصاط واعجبني التريل بليزر 2008 لان السيارات كلها طايره وش رايكم بسرررررررعه

علما بأني املك جيب باترول 95 يعني ماراح اروح في البليزر للبر كثير


ياليت اهل الخبره يعطونني رايهم
سوسة حطب
02/08/2008, 10:29 AM
فك نفسك من الدين وانت ترتاح مجرد نصيحة يا جعلك ما تنحد له قل آمين
Magellan
02/08/2008, 10:30 AM
أنا أحد ملاك السيارة ومعي موديل 2006
أخوي في أحد طلب مني الرد وجاوبته على هذا الرابط

http://www.mekshat.com/vb/showthread.php?t=141721
دفي الوقت
02/08/2008, 10:31 AM
فك نفسك من الدين وانت ترتاح مجرد نصيحة يا جعلك ما تنحد له قل آمين


الله يجزاك خير اخوي بس ابي سياره جديده ملينا من كثر الروحه للورش بعدين انا معك الدين شين بس القسط خفيف العمر وانا ا خوك فاني متع نفسك قبل لايتمتع بك الدود
عاشق السيل
02/08/2008, 03:29 PM
وعليكم السلام ورحمة الله وبركاته ،،،

كثير من الشباب اللي اشتروا هذي السيارة يمدحونها لفخامتها ورساوتها ومركبها المريح وقوة عزمها ،، لكنهم يسبونها بالبر لأنها نازلة جدا وانت تقول معك باترول وماراح تطلع بالبليزر للبر وهذا يناسبك جدا !!

وتقبل مروري يالغالي ...
بواسامه
02/08/2008, 04:40 PM
الله يجزاك خير اخوي بس ابي سياره جديده ملينا من كثر الروحه للورش بعدين انا معك الدين شين بس القسط خفيف العمر وانا ا خوك فاني متع نفسك قبل لايتمتع بك الدود


اجل مصادق الصناعيه
تقول الموتر يشم الراتب
كل 25 تمشيه في الصناعيه

اختيار جيد بس لاتاخذ جديد
خذ من هاللي يهونون منه وكمل اقساط عنه
2005 وفوق
اولا اوفر لك والموتر توه بعزه
غالي
02/08/2008, 04:55 PM
الي اعرفه عنه اخوي

يشرب شرررررررررررررب بانزين

اكثر سياره شفتها تشرب بانزين اهو

مايوقف عنده لا الاند ولا الباترول شيء

هذي تجربة احد الاقارب ((يعني سياره وحده))

اخاف يطلع بموتره عيب او شيء مدري

اسأل الاخوان اكثر عن البنزين

موفق
ابو رواف
02/08/2008, 04:57 PM
تبي الراي ونا أخوك خذ لك فورد اكسبلورر 2008 اطيب لك في الاستعمال والقطع والبيع موتر سمعته ممتازة في امريكا والسعودية والموتر الان عليه عرض في الوكاله من 94 الى 106 وانت بالخيار واترك البليزر ومشاكله وشكرا
سيف2008
02/08/2008, 05:21 PM
عند أخوي 2007سعودي
الموتر روعه وممتاز وعزمه قوي وخاصه بلخط يطبق الطبلون بثواني

وترا مركبه فخم ومريح ودعسته خفيفه وقطع غياره متوفره وغير كذا مرغوب يعني ماتتوهق بلبيع
دفي الوقت
02/08/2008, 07:31 PM
السلام عليكم جميعا


الشكر الجزيل لجميع من تشرفت بردودهم واقول للجميع الله يعطيكم العافيه

وان شاء الله راح اعقلها واتكل والله لايهينكم
بدوي جنوبي
02/08/2008, 07:51 PM
خذ ال 6 سلندر افضل

اقتصادي

واقل اعطال


بالتوفيق ان شاء الله