عندي سؤالين بخصوص الجمس ؟

[عاشق z71]

السلام عليكم ورحمة الله وبركاته


وش اخباركم ياجماعه

اليوم سلمكم الله طلع الوالد واخذ موتري < جمس حوظ موديل 2000 >

يقول يوم سقته يقول ماش مهو موترك الاول يقول حاس ان فيه شي


المهم يقول والله واخذه واسويله فحص كمبيوتر

ويوم خلصو الفحص طلعت عندي ثلاث مشاكل الا وهي

الاوله : طلع عندي حساس الصوت << ياحليل الوالد يقول هذا بلاه من الكناديس والصوت العالي الي انت مركبه :d

سؤالي هنا وشو ذا حساس الصوت ووين موقعه ووش عمله لاني ماعمري سمعت يه


المشكله الثانيه : حساس الاوكسجين : هذا ايظا مدري وش سالفته ولا عمري سمعت فيه

ياليت احد يفيدنا عن سعره ومكانه وعمله


المشكله الثالثه : تنظيف البخاخات يقول محتاج تنظيف بخاخات

سؤالي هنا كيف يتم تنظيف البخاخ وكم يكلف وقت وتكلفه تقريبا

اتمنى يااخوان الي عنده علم يفيدنا ولو بشي قليل


وانتظر ردوكم

ويعطيك العافيه .

[عاشق z71]

للرفع الله يجزاكم خير

[Magellan]

السلام عليكم ورحمة الله وبركاته


وش اخباركم ياجماعه

اليوم سلمكم الله طلع الوالد واخذ موتري < جمس حوظ موديل 2000 >

يقول يوم سقته يقول ماش مهو موترك الاول يقول حاس ان فيه شي


المهم يقول والله واخذه واسويله فحص كمبيوتر

ويوم خلصو الفحص طلعت عندي ثلاث مشاكل الا وهي

الاوله : طلع عندي حساس الصوت << ياحليل الوالد يقول هذا بلاه من الكناديس والصوت العالي الي انت مركبه :d

سؤالي هنا وشو ذا حساس الصوت ووين موقعه ووش عمله لاني ماعمري سمعت يه


المشكله الثانيه : حساس الاوكسجين : هذا ايظا مدري وش سالفته ولا عمري سمعت فيه

ياليت احد يفيدنا عن سعره ومكانه وعمله


المشكله الثالثه : تنظيف البخاخات يقول محتاج تنظيف بخاخات

سؤالي هنا كيف يتم تنظيف البخاخ وكم يكلف وقت وتكلفه تقريبا

اتمنى يااخوان الي عنده علم يفيدنا ولو بشي قليل


وانتظر ردوكم

ويعطيك العافيه .

بسم الله
أولا : وش حساس الصوت
ما أخبر فيه حساس صوت في الجمس يمكن في المورسيدس أو البي ام أما اللي عندك تقصد حساس هواء MAF وتنظيفه عن طريق بخاخ خاص للمواد الكهربائية سريع الجفاف سعره بـ10 ريال ..
ثانياُ: حساس الأوكسجين لأن مواصفات اللي معك يبدولي إنه أمريكي ، السعودي مايجي فيه ، ويمكن مولعه فيه لمبة المكينة في الطبلون وهذي لقياس مقياس الأدخنة في الشكمان
ثالثاً: تنظيف البخاخات يفك منظم الهواء والثلاجة وكل بخاخ في كل سلندر وبإستخدام بخاخ اي سسي ديلكو وبنزين وينظفهن في قدر طشت وعادة مايتجاوز سعره 200 ريال

[عاشق z71]

طيب اخوي ماجلان انا راعي الموتر الاول هو مفرغ دبات البيئه تتوقع يوم قالي ان حساس الاكسجين عطلان لان السبب انها مفرغه ؟


وشمكور يالغالي

[عاشق z71]

قصدي مشكور خخخخخخخ

[Magellan]

طيب تولع لمبة المكينة عندك في الطبلون؟

[عاشق z71]

ايه تشتتغل عندي بالطبلون من يوم ماشريته .

[ابوعقل]

المشكله الاولى

هذا اكيد الحساس اللي بالشكمان

تلقاه تحت السواق من برا

اما المشكله الثانيه

ماعندي علم ابد ((ان شاء الله استفيد من احد الاعضاء))

اما المشكله الثالثه

هذي سهله بس انت وين ساكن؟؟

[Magellan]

أتوقع معضلتك فقط في حساس الأكسجين أما الباقي إتركه ،
وهذي صارت لخويي يوم شال دبة التلوث وشرحت السالفة بالرابط تحت
((إذا شلت دبة التلوث بالتاهو وولعت اللمبة..مالحل (http://www.assayyarat.com/forums/showthread.php?t=133735) )))
أسمع وأنا أخوك هذا الحساس يقيس معدل الأكسجين في العادم ، إذا نقص الأكسجين وزادت الأدخنة تولع اللمبة مشيرة إلى أن هناك زيادة في إستهلاك الوقود

الحل هو بالتالي:
1- تراجع الصالة اللي شريت منها السيارة وتقول تبرمجونه مجانا عن طريق الكمبيوتر
2- إذا شاريه من معرض أو من شخص تتوجه لبعض المراكز اللي عندهم برمجة مثل البيان أو عبدالرحمن الجميح بالرياض ..
3- تروح لمحلات الشكامين وتدور لك واحد وتسأله إذا كان يقدر يطفي اللمبة نهائياُ ومنها قد يقترح عليك بعض الحلول على سبيل المثال:
أ- يركب فلتر سعودي قبل الحساس وبعد الهدرز
ب- ممكن تطلع الحساس من مكانه وتفصله أو تسحبه وتركبه على بودي السيارة وتشغل الموتر وتشوف إذا راحت ،زين على زين ، ثم تجي وتلحم فتحة الحساس وتثبت الحساس على الشاص..
ج-تلف الحساس بشطرطون وإلا بعلبة أو قفيز بحيث مايجيه دخان وكربون ..

على العموم شف الخطوات بالأعلى وإنتبه لسالفة إنهم يبرمجونه ثم تطلع لك بعد يومين ، لازم تبرمجه بحيث تلغيه تماماً

[عاشق z71]

طيب اخوي ماجلان انت يمكن مافهمتني بالنسبه للمبه انا ماهمتني اصلا لي سنتين وهي مولعه عادي ماتظر

بس سؤالي ياطويل العمر

انا زي ماقلتلك ان الوالد سوالها فحص كمبيوتر وقالوله ان حساس الاكسجين خربان

سؤالي هنا هل هو في شي خربان ولا الرجال الي فحص السياره قال انه عطلان والسبب اني مفرغ الدبه


فهمت علي ؟ يعني اذا ماهمتني اللمبه هل فعلا في شي خربان ويحتاج تصليح او تغير .



ومشكور لك اخوي ماجلان لتفاعلك


اخوي ابو عقل هلابك يالغالي انا من الرياض يابعدي .

[ابوعقل]

بالرياض ما اعرف ولا محل بس ان شاء الله

الشباب يفيدونك

بس لو انت عندنا بالدمام كان وصفتلك ورشه فيها واحد سعودي على كيفك

اسم الورشه((مركز الحجاج))

[عاشق z71]

لاسف يالغالي والله ماني من الدمام عمووما مرورك شرف لي يابعدي

[Magellan]

لا ماعندك مشكلة ، حساس الأكسجين يشتغل ، إذا فرغت الدبة تصير اللمبة والعه وبفحص الكمبيوتر يطلع إنه خربان وهو موخربان ،،،
موترك مافيه إلا العافية وأي فحص كمبيوتر لازم يطلع فيه مشاكل حتى ولو كانت موديل هالسنة لأنه دقيق جدا ...
إذا ودك نظف البخاخات مثل ماذكرت لك بالأعلى والباقي مافيه مشكلة

[الشامخ الشمالي]

اللي اشوف انه مهم هو تنظيف البخاخات فقط ،، اما البقيه مافيها مشكله ..

[طارق الحربي]

اهم شي نظف البخاخات مثل ما قالوا الرجال

والحساسات ماعليك منها لانك اصلا عارف المشكله من تفريغ الدبات

بس هل الحساس حق الهوا بالجمس السعودي قبل الدبه ؟

[عاشق z71]

والله الموتر اليوم بالورشه عند واحد اعرفه وبشوف وش يردلي العصر انشالله



مشكورين لكل من رد علي وراح اقولكم وش صار معي انشالله

[المكان]

صحيح نضف البخاخات وتوكل على اللة وخلك من لعبة الكمبيوتر تدفع فلوس على الفاضي