كــيف تعطي طيرك علاجه !!

[الزعـبي]

السلام عليكم كيف حالكم يالربع اسمحولي لي فتره منقطع عنكم


الحين الواحد اذا بغا يعطي طيره العلاج وكان علاجه حبوب او كبسولات كيف يعطيها الطير خصوصا الكبسولات الكبار.بالنسبه لي ما فيه الي طريقتين اما انك تكتف الطير وتدفها في حلقه او انك تشوف لك قلب حمامه وتحط الكبسولات فيها.و هذي تعتبر معاناه بالنسبه لراعي الطير اما انك كل يوم تكتف الطير ويمكن توجعه او تسبب صيحه للطير من كثر الكتف او انك كل يوم تذبح حمامه وتاخذ القلب وتعطيه الطير والمشكله بعض الطيور فطين يدري ان القلب فيه حبوب يقعد يتطعم لين يحذف الحبه غير ان الحمام في الصيف تكثر فيه الامراض. طيب وش الحل انا لقيت لي حل ما ادري بس اعتقد ان حل ممتاز وهو قلوب الدجاج المثلجه موجوده عند اهل الدواجن ورخيصه يمكن 50 قلب بــ 3 ريال وميزتها انها اكبر من قلب الحمامه والكبسوله تضيع داخله ولا يدري عنها الطير


هذا الي عندي واتمنى اني افدتكم وان شاء الله طيورنا وطيوركم ما تشوف شر

[مغــادر]

جزاك الله خير على المعلومه والله يعينا على الطيور الفطينه الي ما تنغش ....

[alajmi110]

يا مرحبا فيكـ يا الزعبي
وكلامك صحيح يجي بعض الطيور عنده فطانه.... ولكن انا جربت اني عطيت طير كبسولات والطير على يدي
وتلقمها له تلقيم يعني تفتح فم الطير وتحط الكبسوله وتدفعها بأصبعكـ في فمه ولكن بطريقه سريعه
اما من ناحية كفت الطير... منت بجالس كل يوم وانت كاتفً طيركـ وطريقة القلوب ممتازه
تقبل مروري وان شاء الله يفيدونك الاخوان

[العمراني]

جزااك الله خير

[الطبشي]

ماقصرت ...وطريقه القلوب زينه ...

[سلطان 1]

ارحب يالزعبى اما القلوب صحيحه بشرط ان الطير محتاج اما اذا ما هوب محتاج فهو بينتبه وبيلفضها لكن الطريقه الزينه ان كانت حبوب تطحنها طحن وتحطها فى جوف العلفه واذا كانت كبسوله فكها من بعض وانثرها فى جوف العلفه 0
تقبل مرورى 0

[صقار البحرين]

اما انا بالنسبه لي ياخوي ما اكتف الطير ولا اعطيه في القلب اعطيه وهو يكون على يدي وهاذي ترجع على تعلوم الطير عليها وان شاء الله بيفيدونك الاخوان

[تالي الاولين*]

حياك الله اخوي الزعبي
بالنسبه لي الحبوب اللي تصادف قبل العلف سهلة تعطيه بالقلب
اما الحبوب اللي عقب العلف هذي اللي فيها تعب لطير
علما ان اغلب العلاج اللي نعرفه قبل العلف بنص ساعه ههههههه

الله لايحد طيوركم على العلاج قولوامين

[ناصر الحمد]

بيض الله وجهك يالغالي فكره طيبه من وجه طيب

[جارح العين]

الله يعطيك العافيه
وطريقه القلب افضل طريقه

[نايف الخالدي]

يعطيك العافيه يابوسعيد
والله يفكنا شر الامراض

[نبع الدموع]

و الله عن نفسي و هوا على يدي ولا قد حاولت في حبوب كبار ابد الله لا يحوجنا لها
لاكن فكرة القلوب عز الله انك جبتها صراحة ما تطري على البال احيك عليها.

لا هنت

[أبوإبراهيم1]

مشكوووووور

[الزعـبي]

مشكورين يا اخوان على المرور والله يعطيكم العافيه ...

[الزعـبي]

ولكن انا جربت اني عطيت طير كبسولات والطير على يدي
وتلقمها له تلقيم يعني تفتح فم الطير وتحط الكبسوله وتدفعها بأصبعكـ في فمه ولكن بطريقه سريعه


حياك الله يالعجمي

اما طريقتك هذي طريقه محترفين وحنا للحين ما وصلناها هههههه

[الزعـبي]

ارحب يالزعبى اما القلوب صحيحه بشرط ان الطير محتاج اما اذا ما هوب محتاج فهو بينتبه وبيلفضها لكن الطريقه الزينه ان كانت حبوب تطحنها طحن وتحطها فى جوف العلفه واذا كانت كبسوله فكها من بعض وانثرها فى جوف العلفه 0
تقبل مرورى 0

الله يرحب بك يا راعي فاروق

كلامك صحيح بالنسبه للحبوب اما الكبسولات ما تعطي مفعولها الا اذا وصلت جوف الطير اما اذ فكيتها بتذوب قبل لا توصل جوف الطير وما راح تعطي مفعولها ...

[الزعـبي]

اما انا بالنسبه لي ياخوي ما اكتف الطير ولا اعطيه في القلب اعطيه وهو يكون على يدي وهاذي ترجع على تعلوم الطير عليها وان شاء الله بيفيدونك الاخوان

حياك الله يا صقار البحرين ومثل ما قلت هذي طريقه محترفين ولا اي واحد يقدر يسويها

وخصوصا في المقيض ...

[الزعـبي]

و الله عن نفسي و هوا على يدي ولا قد حاولت في حبوب كبار ابد الله لا يحوجنا لها
لاكن فكرة القلوب عز الله انك جبتها صراحة ما تطري على البال احيك عليها.

لا هنت

ما شاء الله المحترفين واجد عندنا ههههههه ...

[قشاع الرمث]

السلام عليكم ورحمة الله وبركاته

احسن طريقه انك ترفع الطبر على كفك
وتسقيه ما ثم تفك بوزه وتدف الحبه باصبعك
اذا كان الطير راكد ( متعاون )
واذا كان اقشر تظف الطير انت واحد معك
وتعطيه الحبه .

والله يعينك .

[قلب شاهين]

و الله عن نفسي و هوا على يدي ولا قد حاولت في حبوب كبار ابد الله لا يحوجنا لها
لاكن فكرة القلوب عز الله انك جبتها صراحة ما تطري على البال احيك عليها.

لا هنت

قاري أفكاري يابو بدر ،،

ولاتستغرب مع مرور الزمن تحصل اجهزة لتلقيم الطيور الحبوب :D

تحياتي / قلب شاهين ،،

[رامى السيد]

والله فكرة رائعه وياريت تخبرنا لو نجحت
والله يشفى لك طيرك

[الزعـبي]

والله فكرة رائعه وياريت تخبرنا لو نجحت
والله يشفى لك طيرك

حياك الله يا رامي

طريقة استعمال القلوب انك تحط الحبوب في تجويف القلب وتعطيها الطير وهي طريقه قديمه ومجربه بس الفكره الجديده استعمال قلوب الدجاج بدل ما تذبح كل يوم حمامه ...

[KAYD]

والله انك صادق طريقة قلوب الدجاج رهيبة ماشاء الله عليك
يعطيك العافية

[الزعـبي]

الله يعافيك يا كايد ...وان شاء الله ان الفكره فادتك

[بن عويان]

مشكوووووور و ما قصرت على المعلومه

[راعي هداد]

يعطيكم الف عافية انا مع الي يلقمون الحبوب تلقيم او اذا انها كبيرة مرة ننصفها و ندفها في بوز الطير لاكن طريقتك هذي زينة

[عتيج الصوف]

جزاااااااااااااااك الله خير وكفا طيورك الشر

[مدماك]

هلا اخوي انا اضم صوتي مع العجمي صحيح ما يحناج لا تكتيف ولا قلوب على يدك وحط اصبعك عند فمه وبيفتحه شوي ودسه بأصبع وهذي الطريقه علمنياها الوالد الله يحفظه بس القلوب فكره ممتازه..........مدماك

[أبو رداد]

موضوع مهم
جزاك الله خير يالزعبي
نثبته اسبوع ولي عوده ان شاء الله

[الزعـبي]

الله حي ابو رداد وترا عليك حق ههههههه


رايك وخبرتك تهمنا .. بانتظارك

[الزعـبي]

هلا اخوي انا اضم صوتي مع العجمي صحيح ما يحناج لا تكتيف ولا قلوب على يدك وحط اصبعك عند فمه وبيفتحه شوي ودسه بأصبع وهذي الطريقه علمنياها الوالد الله يحفظه بس القلوب فكره ممتازه..........مدماك

بس طريقتك هذي ما تنفع في المقيض ولا تنفع للكورسات الطويله لان الطير بتشين طبوعه ..

والله يطول بعمر الشايب ..

[..@القناص@..]

السلام عليكم ..
الله يبعد الامراض عن طيورنا .. وطيوركم
قووولوا اميــــــــن

[شنكارuae]

بيظ الله وجوهكم يخواني كل الطرق الي ذكرتواها جيده وهنايعتمد على الطيروراعيه بس افظل وقت تعالج فيه الطير الصباح بعد مايروبي الطير عشان الدواياخذ مفعوله من الصباح وحتاوقت المعشا والمعذره

[راعي المكشات1]

صدور ديوان الشاعر الكبير_ سلطان بن حسين التمامي يحتوي الديوان على الكثير من القصائد الاجتماعيه التي تحث على الشهامه والشجاعه والكرم والوفاء................يتوفر الديوان في دار الصميعي للنشر و التوزيع شارع السويدي العام بجوار مكتبه طيبه ...............تحياتي

[عاشق اطير]

مشكور وماقصرت على المعلومه والله يكافي طيورنا شر الأمراض :( تقبل مررورري

[أبو رداد]

السلام عليكم
حسب كلام الطيبيب - الافضل هو ان يكون العلاج سائل
يعني حتى الحبه يجب ان تدق وتخلط مع الماء وتعطى بواسطة الابره من الفم
لكن كما تفضل الاخوه عملية تكتيف الطير واعطائه العلاج صعبه
وحسب حالة وحاجة الطير
اما الطريقه الكلاسيكيه هههههههه هي وضع الدواء وسط لحمه
وفكرة قلب الدجاج فكره طيبه ...
لكن اذا ماتوفر القلب وش تسوي ؟؟
اقطع هبره من الثندوه و(السكين الميداليه) الصغيره تقوم بالواجب
وتعمل مثل الحفره وسط الهبره ومن ثم تغلقها بالريش علشان لاينكرها الطير
واذا كان الطير نبه ويشعر بالقطعه الي فيها العلاج انسره واسحب عنه العلف
حتى يستحرص اكثر ويبلع دواه بدون تفكير هههههههه
والسلام

[صحراوي uae]

الله يعطيك العافيه
ومشكوووووووووووور

[الكعبي7]

جزاك الله الف خير على معلومت قلب الدجاج

[الزعـبي]

مشكورين على المرور ويعطيكم العافيه كلن باسمه ....

[ابو سالم3000]

السلام عليكم ورحمة الله وبركاته

الله لا يهينكم يالربع وش افضل طريقه لاعطاء الطير الحبوب

[الصارم1]

حطه في قلب الحمامه
اولفه بلحم ويوديه افضل بالنسبه لي

[سعودي و افتخر]

السلام عليييكم
اخوي طبعا كل واحد له طريقه وانا وغيري له طريقه
في بعض الطرق ماتنفع مع الطير اذا كان راسه يابس
في بعض الطيور من تحط الحبه في في اللحمه ووتحسسها تردها ع طول ونادر من يتحسسها
لكن في طريقه احسن انك تاخذ نفس الحبه وتطلع المادده الي داخل الحبه وتحطها في لحمه وتلف اللحمه بشكل بسيط بس لازم الماده الي في الحبه تكون داخل ومغطيه ولا تروح ع بعض اللحم الي يكون في يديك لان مجرد يحس بطعم ثاني يقطها
واسف ع الاطاله

[((السنياري))]

حط احبوبك قلوب دجاج

[أبو خاااالد]

حطها بقلب الحمام
او نفس ما قال لك العضو سعودي وافتخر

[الزعـبي]

السلام عليكم ابو سالم شف الموضوع الي تحت وان شاء الله يفيدك ...


كــيف تعطي طيرك علاجه !! (http://mekshat.com/vb/showthread.php?t=147713)

[falcon 1]

السلام عليكم... طبعا في طرق مختلفه ..كثير من الناس يفضلون وضع الحبة في قلب الطير لانه هالطريقة تريحك وتريح الطير ..بس فرضا جاك يوم ما معك قلب حمام ولا دجاج شتسوي..الجوب: تخلي واحد من اخوياك يمسك الطير مو على كفه لا يمسكه من مناكبه (المسكة الي يمسك الدكتور الطير) . طبعا الطير مبرقع..تمسك راس ومنقار الطير وتشيل برقعه .عند بداية فتحة حلقه من الصوبين تضغط والطير راح يفتح حلقه ..بس لازم تمسك حلقه عشان لا يسكره على اصابعك هههه ..واخذ الحبوب وحطهم بحلق الطير ودزهم داخل . انا ادري انه من وصفي الواحد يفكر شلون ما فهمت هههه بس طبعا لازم الواحد يسويه بنفسه ويجرب اشياء جديدة عشان يعرف.

ارجو اني افدتك يا اخوي ..وانشاءالله النشاما ما يقصرون
تحياتي الطيبة اخوك فالكن 1

[ابو صمعان]

اخوي حط الحبوب في قلب الحمامه ولا خذ الماده الي داخل وحطهاعلى القلب

[الكايد 123]

افادك اخوي الزعبي

[علي الصقار]

والله الاخوان افادوك وماقصرو.الي يخليه في قلب حمامه والي يفتح الحبه ويخليها على العلف.بس عندي طريقه مشابهه لطريقة اخويfalconالعزيز ما يحتاج تمسك الطير بس خلي احد من خوياك يحمل الطير على يده ويقصر على السبوك شوي ومن ثم شيل البركع وامسك منسر الطير وافتحه وزت الحبه بداخل منسر الطير وحاول تدفعها باصبعك للداخل .بس ملاحظة خلي بالك من المجرى الهوائي لطير خلي الحبه بشكل مائل الى احد جوانب المنسر للطير حتى تتجنب القصبه الهوائيه .انا مجربها وطريقه سهله في التطبيق اسهل من الكتابه.اسف على الايطاله

[صقار مبتدئ]

خذ المختصر المفيد
1- حطها بقلوب دجاج اذا وجد و اذا لم تجد
2- ادهن الحبه بزيت زيتون و افتح منسر الطير و اضغط على الحبه تزرق على طول

[صقار مبتدئ]

..........................

[دعاس]

اخوي معظم افادات اخويانا وارده والافضل بعد مايرمي الروباجه والافضل تحط الحبه في قلب حمامه احسن مايستطعم الحبه واذا عندك حبه كبسوله حجم 500 اكسر الحبه اللي تبي تعطيها الطير نصفين وحطها داخل الكبسوله وشف لك احد يضف الطير وحطها بوضع جانبي حتى ماتدخل فتحة الهواء وأسف على الاطاله.

ابو نواف:l