لأهل الخبره بالفتك ,,, استشاره

[قرم العيال]

بسم الله الرحمن الرحيم


السلام عليكم ورحمه الله وبركاته ,,


مساكم الله بالخير ,,

يا اخوان ,,

انا ابي اشيك على موتري الفتك ,, بالوكاله

ممشاه بحدود 50 الف ,,

والموديل من التاليات ,,

المهم انا ودي اشوف ومن واقع خبرتكم


وشي القطع الي يمكن تقول لي الوكاله تبي تغير او استهلكت ,,

علما انه ما لاحظت على الموتر إلا صوت خفيف مع الفرامل ,, تقل الفحمات

ما شاء الله تبارك الله

والموتر قير تماتيك + عادي ,, << ما اعرف اسمه :D


ولا هب يجيه كرف قوي ,,

على خفيف عندي موتر غيره ,,


والسلام عليكم


ننتظر ردودكم

[بدوي جنوبي]

عليكم السلام ورحمة الله وبركاته

والله يا اخي الكريم

طالما ان موترك سليم وما يشتكي من مشاكل
الافضل ان تتركه ،،،

اما الوكاله ما تصدق خبر تشوفك
هم اكيد راح يغيرو كل شي حتي لوكان سليم او نص عمر

الاشياء المتوقع تغييرها
فحمات امامي وخلفي
سيور او سير واحد
فلاتر بنزين وزيت وهواء
واكيد راح يغيرو زيوت الدفرنسات والدبل وهذا اكبر غلط
ممكن يسوون تدوير للكفرات
تعبئة فريون وتغيير ماء الاديتر


في النهايه الحسبه بتكون حدود ال 2000 او اكثر


بالتوفيق :D

[الثويرات]

http://www.mekshat.com/pix/upload/images39/mk55341_zaz.gif


انا اشير عليك اذا ان موترك ماتلا حظ فيه شي ولله الحمد

فأنا اقول احمد ربك ولاتروح لها طبعاً هذا رأيي انا


والفحمات غيرهن في اي ورشه بس خذ فحمات اصليات

[VTC48]

السلام عليكم
راي مثل الاخوان
هذا راي تقبل مروري

[ABO AL-HESH]

هلا والله بولد العم...
انا ابي اشور عليك رح لم الوكاله وخذ فحمات اصليه ..معي ثمن ارجع للرس ورح لم مخارط العساف الجديده وخلهم يخرطون الهوبات ثم مر العلاج وخذ فلتر بنزين وفلتر هوى وغيرهن ..بس ترا الوكاله نصااابين ..
الا تعال الا هالحين تفحصون الددسن عند الوكاله <<يا حض الي بياخذ سياره عقبكم

[قرم العيال]

الله يعطيكم الف عافيه

ما قصرتوا ,,


والله انكم اجواد , ,


وشوركم وهدايت الله ,,


بس وشي فلاتر البنزين ,, (( تقصدون الصفايه الي من التانكي إالى المحرك ))


ويا هلابك يا ابو الهش ,, للازم نشوفك

[سيف الظفير]

هلا والله بولد العم...
انا ابي اشور عليك رح لم الوكاله وخذ فحمات اصليه ..معي ثمن ارجع للرس ورح لم مخارط العساف الجديده وخلهم يخرطون الهوبات ثم مر العلاج وخذ فلتر بنزين وفلتر هوى وغيرهن ..بس ترا الوكاله نصااابين ..
الا تعال الا هالحين تفحصون الددسن عند الوكاله <<يا حض الي بياخذ سياره عقبكم




جابها ولد عمك يا اخوي


لاتروح الوكيل نصيحة من اخوك لاتروووووح


لاياخذون منك 2000 ريال نهاااااااابة

موترك يبي


فحمات وخرط هوبات

وتغيير زيت وفلتر زيت

وفلتر هواء

وياليت تغير السير وتشيك على البطارية

وتعبي فـل التانكيين

وتغســـل السيارة

وتوكل على الحي القيوم

وكل القطع خذها اصلية حتى الزيت

لأنها ارخص من قطع الغيار الموجودة بالورش والمحطات

وهذا الشئ موجود عندنا بالرياض

قطع الغيار بالوكيل ارخص من الورش والمحطات

[قرم العيال]

والله

ما قصرتوا ,,


هونا عن الوكاله ,, :D

نبي نشوف الي تقلون

[بدوي جنوبي]

اذا الهوب سليم ماله داعي خرط هوبات

تقلل من عمر الهوب بدون فائده

اذا فيه تعرجات بسيطه صنفره باليد

[Under_net]

سيارتي دخلتها من يومين بسعر 2400 ريال قطري .. مع الخصم توصل 2100 .. نفس التفاصيل اللي ذكروها الإخوان .. ولسه ما استلمتها بسبب الزحمة تحتاج 5 أيام








واكيد راح يغيرو زيوت الدفرنسات والدبل وهذا اكبر غلط



بعد إذنك أخوي بدوي جنوبي ممكن تذكر ايش الغلط في تبديل زيوت الدفرنسات والدبل :confused: