ما خاب من استشار..؟!

[AL must7eeL]

السلام عليكم ورحمة الله وبركاته


أولاً أهنئ نفسي بالتسجيل في هذا المنتدى الرائع والمميز بمواضيعه وأعضائه الكرام وأسأل الله أن يوفق الجميع لما يحبه ويرضاه!


حقيقة أنا من المتابعين لهذا المنتدى منذ زمن وتعجبني فيه روح الألفة والتواصل بين الأعضاء وخصوصاً الاستشارات الفنية الخاصة بالسيارات!


لذا فإني أحب أن تشيرو عليَّ لمن لديه علم وخبرة بالنوع الذي أود أن أشتريه !


وهو ونيت مازدا BT50 4X4 موديل 2008 بنزين


الحقيقة السيارة أعجبتني كثيرا كتصميم وداخلية ومواصفات !


يتوفر بها وسادتين هوائية وفرامل ABS وجنوط وهذا ما عرفته على السريع من البائع !


فأرجو منكم الشور عليَّ لمن لديه خبرة وعلم !


وجزاكم الله خيرا


وهذه صورتين للسيارة خارجية وداخلية


اضغط على الصورة لتكبيرها


http://www3.0zz0.com/thumbs/2008/08/05/08/337175655.jpg (http://www.0zz0.com/realpic.php?s=3&pic=2008/08/05/08/337175655.jpg)



http://www3.0zz0.com/thumbs/2008/08/05/08/104659157.jpg (http://www.0zz0.com/realpic.php?s=3&pic=2008/08/05/08/104659157.jpg)

[جزاء الشمري]

أخي العزيز
المثل يقول (( أشر تبيع )) يعني أشر السلعة اللي ماتتوهق إذا جيت تبيعها.

[VTC48]

استخر اللله

[AL must7eeL]

اخواني برق الوسم وvtc شاكر مروركما

وياليت بقية الاخوان يفيدونا عن السيارة؟! عيوب ومميزات؟!

[مخطط 2008]

كانك و الله الفلوس زايدة ومتوفرة لا تتردد اطرب عمرك قبل يحطونك بارض متر * متر وتروح عليك
وكانك اقساط وفلوس جامعها من دم قلبك اشتر موتر لاقدراالله يوم من الايام تحتاج وتبيعة

ومثل الموتر الي تقول اذا تبي تبيع يطيح نص قيمتة
شريت قبل سنة متسوبيشي وخسر فيها 25000 الف خلال 9 شهور فقط
ومن الوكاله مشتريها الله يوفقنا وياك نصيحة اخ لاخية الصغير ادري انك اصغر مني لاني عمري الان 39

[AL must7eeL]

كانك و الله الفلوس زايدة ومتوفرة لا تتردد اطرب عمرك قبل يحطونك بارض متر * متر وتروح عليك
وكانك اقساط وفلوس جامعها من دم قلبك اشتر موتر لاقدراالله يوم من الايام تحتاج وتبيعة

ومثل الموتر الي تقول اذا تبي تبيع يطيح نص قيمتة
شريت قبل سنة متسوبيشي وخسر فيها 25000 الف خلال 9 شهور فقط
ومن الوكاله مشتريها الله يوفقنا وياك نصيحة اخ لاخية الصغير ادري انك اصغر مني لاني عمري الان 39


الله يجزاك خير اخي الكريم واطال الله عمرك

حقيقة انا باخذها اقساط

وانا ماني من الناس اللي يفكر يبيع ان شاء الله!

يعني ابي اعرف مشاكل السيارة !

المسالة مهي مسالة سعر! بيع او شراء!

شاكر مرورك اخي الكريم وانت فعلا اخ كبير

فعمري 34

الله يطيل اعمرانا في طاعته

الله يكتبلك الاجر

[بواسامه]

اسمع كلام اخوك الكبير
قسط مير شي يستاهل يومك معزم
خلها في تويوتا ولا نيسان

[AL must7eeL]

مشكور عزيزي بو اسامة

الله يعطيك العافية

طيب بسألكم عن ونيت تويوتا دبل قير اتو؟!

[ابو الشباب3]

:good:
أخي العزيز
المثل يقول (( أشر تبيع )) يعني أشر السلعة اللي ماتتوهق إذا جيت تبيعها.
تاكد من القطع هل هي متوفره او سوف تأمن بعدين <تبغى نصيحة اخ لاخوه انحش ولا تفكر ترجع لهم >اي مندوب شركه خذ كلام واشتر وبعدين يفتح الله> شف تيوتا اونيسان يجي نيسان تماتيك ممتاز اسل مجرب :good:

[قرناس صلا]

تويوتا وبس
بعدها نيسان
والباقى انحش
أنا عمري أكبرمن عمر اخوي الصغير مخطط 2008 (أمزح)

[AL must7eeL]

اخواني

جمس 888

وقرناس صلا

الله يجزاكم خير

ولا يحرمكم الاجر

وانا رحت لابو جميل قالولي مافيه لا ونيتات ولا جيوب لاند كروزر كلها مخلصة..؟!

واذا ودك تحجز من الان موديل 2009!!!

علما بأني من سكان مكة المكرمة

[أ.الخزاعي]

تكفون ياشباب أفيدوا او أسألوا معارفكم عن السيارة بصراحة شكلها رهيب

[أبو أسامة]

وعليكم السلام ورحمة الله وبركاته

أخي العزيز : نصيحة أبعد عنها لأنك راح تبلش بقطع الغيار ثم بعدين ما فيها زود عن الهايلكس والددسن بل على العكس الهايلكس والددسن أقوى منها مكائن وأفضل منها تحمل وأرخص قطع غيار وأفضل عند البيع وأفضل من ناحية وجود أكسسوارات ووجود أمكانية تعديلات عليها للبر وغيره ....... ثم إذا تبي القوة أشتر متسوبيشي حوض دبل سته سلندر ........ لكن الله يعنيك على القطع وخلافه من الأمور السابقة الذكر لكن سته سلندر ..... وإن كانك ما أنت بمستعجل فأنتظر عام 2009 راح يجي النافارا دبل ... وراح تلقى عند أبو جميل هايلكس دبل .....

والله يوفقك لما يحبه ويرضاه .........

[AL must7eeL]

أبو أسامة

الله يجزاك خير ويكتبلك الأجر

مشكووووووور ياغالي

[اح ب2267]

تلقى سيارات في المعارض
بعدين نصيحه لاتشري من اول ماينزل الشي يصير غالي مره
والله الموفق

[AL must7eeL]

تلقى سيارات في المعارض
بعدين نصيحه لاتشري من اول ماينزل الشي يصير غالي مره
والله الموفق

شاكر لك مرورك وردك اخي الكريم

بارك الله فيك

[إعصار]

لاتبعد عن الهايلكس والاالددسن ..


وفي معارض الرياض بتلقى جدد ..

لاتحصر نفسك في الوكالة بس ..

[لن أمل من العطاء]

نصيحة مني ابعد عنها

والسيارة هذي هي هجين من سيارة مماثله لها عند فورد لان فورد يملك شركة مازدا بالكامل

انا شفت السيارة في الوكالة

لكن الصراحة لا تقارن بالهايلكس الرباعي بدا ابدا لا من ناحية السكل او الجوده اوالخدمة او سعر البيع

ثانيا كم سعر السيارة
وقارنها بالهايلوكس
الهايلوكس مجربينه الشباب بالمنتدى

انا معي غمارة صندوق طويل
ماخذه لمزرعه عندي والله ياهو يكد كد ماشاء الله عليه
والوكالة مايقصرون بالعلين الحمراء
نويت عليهم سويت نفسي حساس جدا على السيارة

والصيانه قد غيروا الدفرنس الخلفي والجيربوكس وناوي اغير المحرك طبعا المحرك ما يغيروه حيغيروا السيارة كلها وانا وراهم
مو قصدي ان السيارة بها اعطال
ولكن قالوا نبغى نغير لك قطعة رمان بلي داخل الجيربوكس قلت لا غيروا جربكس وعلى طول شكوى على الفرع الرئيسي بجده وغيروه

وعلى هذا الشكل


تحياتي لك

[AL must7eeL]

نصيحة مني ابعد عنها

والسيارة هذي هي هجين من سيارة مماثله لها عند فورد لان فورد يملك شركة مازدا بالكامل

انا شفت السيارة في الوكالة

لكن الصراحة لا تقارن بالهايلكس الرباعي بدا ابدا لا من ناحية السكل او الجوده اوالخدمة او سعر البيع

ثانيا كم سعر السيارة
وقارنها بالهايلوكس
الهايلوكس مجربينه الشباب بالمنتدى

انا معي غمارة صندوق طويل
ماخذه لمزرعه عندي والله ياهو يكد كد ماشاء الله عليه
والوكالة مايقصرون بالعلين الحمراء
نويت عليهم سويت نفسي حساس جدا على السيارة

والصيانه قد غيروا الدفرنس الخلفي والجيربوكس وناوي اغير المحرك طبعا المحرك ما يغيروه حيغيروا السيارة كلها وانا وراهم
مو قصدي ان السيارة بها اعطال
ولكن قالوا نبغى نغير لك قطعة رمان بلي داخل الجيربوكس قلت لا غيروا جربكس وعلى طول شكوى على الفرع الرئيسي بجده وغيروه

وعلى هذا الشكل


تحياتي لك

اخي الكريم

جزاك الله خير

وفعلا شكل السيارة هجين لفورد رينجر!!!

مشكور عالنصيحة ياغالي