الماء اختلط بالزيت

[ابو النادر]

السلام عليكم
مساء الخير لاهل المكاشيت مشكلتي ان مبرد الاديتر ضرب وخلط الماء بزيت القير غيرت الاديتر وزيت القير وفلتره وكان الكرتير مليان ماء غيرت الزيت اربع مرات ولازال الماء في الزيت المشكله ان تفريغ الطنجره لازم ينفك القير على كلام المهندس واش الحل لتنضيف القير من الماء غير فك القير وش تنصحون وين اروح علما ان السياره باثفندر 2004
ودمتم بخير

[مسفر الاكلبي]

اتوقع لو تغير الزيت اكثر من مره مع مشاوير خفيفه راح يقضي المويه اللي في الطنجره

وشف راي الشباب


سلام

[ابو النادر]

هذا الي سويته بس لا زال الماء فيه انا خايف يجاوب القير
وشكرا على المرور

[بواسامه]

الخلط في الاديتر ولا المكينه

[روافد]

مرحبا

اخوي حاول تحرك السيارة لمسافه بسيطة جدا حوالي 10 متر فقط والقر بدون زيت والكرتير مفتوح ويطاع كل شي سائل داخل القير

فان الله

[الخادم]

اخوي
فية زيت غسيل تحصلة عند مغيرين الزيت
يمكن ينفع لحالتك

[ابو النادر]

اخوي ابو اسامه الخلط في القير

[ابو النادر]

شكرا لمرورك اخوي روافد وانت خادم

وبنسبه للمشي والكرتير مفتوح ما يضر القير

[أبوإبراهيم1]

الله يعينك على الخير

[بدوي جنوبي]

لا تتعب نفسك
مستحيل يروح الماء بسهوله

اختصر الموضوع ونزل القير ونظف الطنجره وبعدها القير

بالتوفيق

[ابو النادر]

حياك الله اخوي بدوي فك القير يكلف وان خبرتلي ورشه زينه لا تبخل علي انا في الرياض والقير ترى تماتيك

وشكرا على مرورك

[ابو النادر]

حياك الله اخوي ابو ابراهيم

[روافد]

شكرا لمرورك اخوي روافد وانت خادم


وبنسبه للمشي والكرتير مفتوح ما يضر القير


اخوي الموضوع مهوب خط

مجرد عشر متر فقط وبالهون لتحريك التروس واخراج الماء فقط

مع التحية

[لمع السحاب]

السلام عليكم
هذا الموقف صار معي باث 2003 في شهر 11 الماضي و فكيت صرت ا لاديتر نضفته ورجعت للرياض و رحت للمهندس وطلب اصلاح الثلاجه اولا صلحتا ونظفت السلندرات جلس التنظيف تقريبا 4 ساعات و بعده على طول رحت و فكيت زيت القير وغيروه مع الفلتر ثم نظف القير ب 10 علب زيت وبعده طبقه و قال ارجع بعد اسبوعين و برضوه غير الزيت ولكن حسيت فيه حاجه ان الغيارات في حال الخط الطويل ومحاوله تجاوز سيارة بعد ما تهدي السرعة وتدعس ما يرد النمره ويعطيك عزم لا يمشى على سرعته الين يدعس و لا احسن من سرعته ما شالله و\بعدها غيرت الفلتر بعد 6 شهور ولا زالضعف موجود بعضهم قال توضيب وبعض قال حساس القير وا.لى الان ما ادري وش اسوي هل اسافر عليه ام لا علما اني سافرت به الى الدمام 3 مرات تقريبا والى مسافات تصل الى 200 ك عن الرياض ولا فيه شي والله يعين
نرجوا الافادة من اهل الخبره

[بدوي جنوبي]

السلام عليكم
هذا الموقف صار معي باث 2003 في شهر 11 الماضي و فكيت صرت ا لاديتر نضفته ورجعت للرياض و رحت للمهندس وطلب اصلاح الثلاجه اولا صلحتا ونظفت السلندرات جلس التنظيف تقريبا 4 ساعات و بعده على طول رحت و فكيت زيت القير وغيروه مع الفلتر ثم نظف القير ب 10 علب زيت وبعده طبقه و قال ارجع بعد اسبوعين و برضوه غير الزيت ولكن حسيت فيه حاجه ان الغيارات في حال الخط الطويل ومحاوله تجاوز سيارة بعد ما تهدي السرعة وتدعس ما يرد النمره ويعطيك عزم لا يمشى على سرعته الين يدعس و لا احسن من سرعته ما شالله و\بعدها غيرت الفلتر بعد 6 شهور ولا زالضعف موجود بعضهم قال توضيب وبعض قال حساس القير وا.لى الان ما ادري وش اسوي هل اسافر عليه ام لا علما اني سافرت به الى الدمام 3 مرات تقريبا والى مسافات تصل الى 200 ك عن الرياض ولا فيه شي والله يعين
نرجوا الافادة من اهل الخبره



لا تتاخر يا مفرس كثير مثل ما قلت لك اختصر الوقت ونزل القير ونظفه بالكامل والله يعوضك بالخسارة لا يخرب عليك القير


اخوي لمع السحاب لا تستعجل الزيت والماء مع الاختلاط يسوي رغوة
مثل رغوة الحليب ويتكون علي شكل فقعات بداخلها هواء
عند مرور الزيت داخل اجزاء القير وخاصة داخل ( المخ) كذا يسموه:D

هو سبب تاخير الدعسه الفجائيه
ارفع العيار ولاحظ بقتايا لوجود الماء


بالتوفيق للجميع

[ابو هشام]

حركه بسيطه ما تضر القير ابدا

[لمع السحاب]

صحيح كلامك اخي بدوي جنوبي
فعلا كان فيه رغوة كانها صابون لكن الان غيرت الفلتر للمره 3 مع الزيت ولا عاد لها اثر ولله الحمد وتم فحص السيارة والقير بالكمبيوتر ولم يلاحظ الا خلل في حاجه اسمها دفلك الحساس اللي بعد فلتر الهواء على طول
بس هذي الملاحظة اما القتير لم يتضح فيه اي ملاحظة
شكرا لك على المرور